RUTHU 2:7 - Biblia Ilagho Jiboie Kwa Wandu Wose

⁷ Waanilomba nimneke rusa ushooghee masighariko gha viro nyuma yedu, nao kufuma nakesho odeeka kishoa hata idana; waahora idakoni kijunyi.”

RUTHU 2:7 ပူးပေါင်းရင်းမြစ်များ

MAKATANISHO 13:4

Mghadi wadakunda vilambo, ela ndepatagha, ela mundu uko ing'oni kazinyi, wadapata kula kilambo uchikundagha kwa wungi.

MAKATANISHO 15:33

Kuobua kwa BWANA kwadafundisha mundu hikima, suti mundu ukusere imbiri usenekelo.

MAKATANISHO 18:23

Mkiwa wadalomba kwa kuvoya, ela mzuri wa mali wadatumbulia kwa kubia.

MAKATANISHO 22:29

Kwawuyammbona mundu uichi kazi yake? Uchadumikia wazuri, ndechaadumikia wandu wa ndonyi anduangi.

MCHILI 9:10

Ijo jose kujibonyagha, bonya kwa kufunga ndighi; kwa kukaia ndekuwadie kazi ingi, angu ighesho jingi, angu kumanya kungi, hata hikima ingi andenyi ya wurumwengu ghwa wafu kwawuyakughendia.

MATHAYO 5:3

“Warasimilwa awa wimanyagha weko wakiwa rohonyi; angu wuzuri ghwa mlungunyi ni ghwawo.

WAROMA 12:11

Mfunge ndighi, msewuye nyuma jingi, mkiaka modo ghwa Roho na kumdumikia Bwana.

WAGALATIA 6:9

Nesi disesilo ni ndighi kubonya nicha, angu dichakuwida kwa ngelo yaro ikavika, iji dakaia disefue ngolo.

WAEFESO 5:21

Kula mundu ndekuwike aisi ya mmbao kwa kumwobua Kristo.

RUTHU 2:2

Ituku jimu, Ruthu M'moabu ukamzera Naomi, “Leka niendeshoa masighariko gha vanga vawuyasighwa na nyuma ni waja wandu wawuyakuwida mbuwenyi, kewada nadima kutalika.” Naomi ukamzera, “Ghenda mao.”

RUTHU 2:21

Niko Ruthu ukaghamba, “Chiaimweri na huwo wanizera angu nishoanyeghe viro na wadumiki wake hata wimerie kukuwida.”

RUTHU 2:6

Uja m'baa wa wadumiki ukamtumbulia, “Ni uja mwanwawaka M'moabu uchanye na Naomi kufuma isanga ja Moabu.

RUTHU 2:8

Niko Boazi ukamzera Ruthu, “Sikira mwai wapo, kuseghende mbuwa ingi zima, kodeshoaghaa viro ahaeni aha; kukanye na awa wana wa waka wiko aha.