RUTHU 2:4 - Biblia Ilagho Jiboie Kwa Wandu Wose

⁴ Boazi ukacha kufuma Bethlehemu, ukawizera waja werekoghe wikikuwida, “BWANA ukaie nenyo!” Nawo wikatumbulia, “BWANA ndekurasimie.”

RUTHU 2:4 ပူးပေါင်းရင်းမြစ်များ

KUZOYA 18:19

Hata, nameria kumsaghua uo, upate kuwifundisha wana wake, na wose wa nyumbenyi kwake, kubonya agho ghiko gha loli na gha hachi; nani nipate kumkatishira Abrahamu ilaghano japo.”

KUZOYA 28:3

Mlungu Uwadie-Ndighi-Rose ndekurasimie, kuve kuchurikie na kukaia mbari nyingi.

1 MALAGHO GHA NGELO 2:51

Salma, uo orepatireghe muzi ghwa Bethlehemu, na Harefu, uo orepatireghe muzi ghwa Beth-gaderi.

ZABURI 118:26

Nderasimilo uo ungiagha kwa irina ja BWANA! Dakurasimia kufuma Hekalunyi kwa BWANA.

ZABURI 134:3

BWANA, uo ubonyere mlungunyi na ndoenyi, ndekurasimie kufuma Sioni.

JEREMIA 31:23

BWANA wa majeshi, uo Mlungu wa Israeli waghamba huwu, “Ngelo nichaawiwunja wandu isangenyi kwawo, wichatumia agha malagho sena andenyi ya isanga ja Juda na andenyi ya mizi yawo, ‘BWANA ndeghurasimie ugho mghondi ghwa wueli ghwa Jerusalemu, aho andu kwa wueli ukaiagha.’

MITALO 6:24

BWANA ndemrasimie na kumlindia;

LUKA 1:28

Malaika ukamchea ukimzera, “Sere ndeikaie kwako oho kunekelo mvono, Bwana oko andwamweri na oho!”

2 WATHESALONIKE 3:16

Idana, uo Bwana moni wa sere, ndemneke inyo sere ngelo rose kwa chia rose. Bwana ndekaie nenyo mmbose.

1 TIMOTHEO 6:2

Awo wazumba wiko na weke bwana wirumiriagha, wisakewisowia ishima angu wei wiko wanidu. Wulalo ghwaro suti widumike nicha kuchumba, kwa kukaia awa wipatagha fwaida kwa wudumiki ghwawo ni warumirii na wakundwa. Kurifundishe na kushashira maza iri.

2 TIMOTHEO 4:22

Bwana ndekaie na roho yako. Mvono ndeghukaie nenyo.

JOSHUA 24:15

Na ikakaia mwalegha kumdumikia, msaghuo idime iji ngera ni milungu iyo eredumikiloghe ni weke ndeyo aho Mesopotamia angu ngera ni milungu ya Waamori awo mwawuyakaia isanga jawo; ela ini na nyumba yapo nichamdumikia BWANA.”

WATANYI 6:12

Malaika wa Bwana ukamfutukia ukamzera, “BWANA oko andwamweri na kumoni, oho ing'oni jiwadie ndighi.”

WATANYI 6:16

BWANA ukamzera, “Ini nichakaia andwamweri na oho, na oho kuchawikaba Wamidiani seji ni mundu umweri.”

RUTHU 2:3

Ruthu ukaghenda cha mbuwenyi, ukakaia ukiwinugha na nyuma awo wandu werekoghe wikikuwida, ukashoa agho masighariko gha vanga va viro werevisighieghe, na kwa bahati, iyo mbuwa erekoghe ni ya Boazi uo orekoghe wa kichuku cha weke Elimeleki.

RUTHU 2:5

Boazi ukamkotia m'baa wa wadumiki wake wekuwida “Uja mwanwawaka ni wani?”

RUTHU 4:11

Waghosi na wandu wose werekoghe aho wikaghamba, “Ee, isi dakaia washahidi. Mlungu ndem'bonye uo muka uchagha nyumbenyi kwako ukaie sa Raheli na Lea awo weremvaieghe Jakobo wana wengi. Kuchurikie na kukaia m'baa kwa kichuku cha Efrata na kukaia na sare iboie Bethlehemu.

1 SAMUELI 17:37

Daudi ukachuria kughora, “Uo Mlungu orenikirieghe na vikoto va shimba na kibarabara, uchanikira na uhu Mfilisti.” Nao Sauli ukamzera, “Ghenda; Mlungu ukaie chiaimweri na oho.”