RUTHU 2:3 - Biblia Ilagho Jiboie Kwa Wandu Wose

³ Ruthu ukaghenda cha mbuwenyi, ukakaia ukiwinugha na nyuma awo wandu werekoghe wikikuwida, ukashoa agho masighariko gha vanga va viro werevisighieghe, na kwa bahati, iyo mbuwa erekoghe ni ya Boazi uo orekoghe wa kichuku cha weke Elimeleki.

RUTHU 2:3 ပူးပေါင်းရင်းမြစ်များ

2 SAMUELI 1:6

Uja mundu ukamzera, “Nerekoghe nacha aighu ya Mghondi ghwa Gilboa kwa bahati, na aho ngammbona Sauli ukikusaghika na ifumu jake; na magare na wajoki farasi werekoghe wikimnugha kaavui.

2 SAMUELI 20:1

Nao aeni aho Gilgali kukafumirika mndumu wa kisha-kisha uwangwaghwa Sheba mwana wa Bikri, M'benjamini; ukaikaba tarumbeta ukighamba, “Isi ndediwadie ifungu jingi kwa Daudi, hata ndediwadie ifwa jingi kwa mwana wa Jese. Kula mundu ndeghale cha hemenyi kwake ee Israeli.”

2 WAZURI 8:5

Nao iji Gehazi orekoghe ukimghoria mzuri seji Elisha oremrukishireghe mwana orefueghe, uja muka (uo mwana wake orerukishiroghe) ukacha kwa mzuri kwa wundu gholomba nyumba yake na mbuwa yake. Niko Gehazi ukaghamba, “Ola bwana wapo mzuri, uhu nuo uja muka mwana wake orerukishiroghe ni Elisha, na mwana moni hoyu.”

MATHAYO 10:29

Mbeumbeu iwi ndaradauzwa kwa igome jimweri? Ela hata huwo saki, ndekuwadie ingi yaro ipotokagha andoenyi Ndeyo onyu userumirie anduangi.

LUKA 10:31

Nao mkohani umu ukasea ukimaria ija chia, hata iji wammbona, ukaida chia na mbai,

2 WATHESALONIKE 3:12

Wandu sa awo dawineka momu na kuwishashira andenyi ya Bwana Jesu Kristo, wibonye kazi rawo kima, wikupatire vindo vawo weni.

RUTHU 2:2

Ituku jimu, Ruthu M'moabu ukamzera Naomi, “Leka niendeshoa masighariko gha vanga vawuyasighwa na nyuma ni waja wandu wawuyakuwida mbuwenyi, kewada nadima kutalika.” Naomi ukamzera, “Ghenda mao.”

RUTHU 2:4

Boazi ukacha kufuma Bethlehemu, ukawizera waja werekoghe wikikuwida, “BWANA ukaie nenyo!” Nawo wikatumbulia, “BWANA ndekurasimie.”