RUTHU 2:20 - Biblia Ilagho Jiboie Kwa Wandu Wose

²⁰ Naomi ukaghamba, “Uo mundu nderasimilo ni BWANA, uo kwa wughoma ghwake usewiliwagha awo wiko moyo na awo wifue.” Ukachuria kughora, “Uo mundu ni kichuku chedu cha kaavui, ni mundu wa ifwa.”

RUTHU 2:20 ပူးပေါင်းရင်းမြစ်များ

2 SAMUELI 2:5

ukaduma wandu kwa Wajabeshi-gileadi ukighamba, “BWANA umrasimie inyo, kwa kukaia mwakuwonyere mmbeni kukaia waloli kwa bwana onyu Sauli, mkamrika.

2 SAMUELI 9:1

Nao Daudi ukaghamba, “Ngera oko mndungi usigharikie wa kivalwa cha Sauli, nipate kum'bonyera mecha kwa wundu ghwa Jonathani?”

AYUBU 19:25

Ini namanya Mkomboli wapo oko moyo, na kutua uchacha kunivuvua.

MAKATANISHO 17:17

Mghenyi mundu wadakaia na lukundo ngelo rose, mruna mundu oovalwa witesiane wasi.

WALAWI 25:25

Mwanyinyu Muisraeli ukawuya mkiwa nao ikaie suti uuze mbuwa yake, mundu wa kichuku chake cha kaavui uikombuo.

WAFILIPI 4:10

Ini naboilwa nandighi andenyi ya Bwana, kwa kuwona seji nyuma ya matuku mengi, mwazoya sena kulola chia renitesia; loli morekoghe na maghesho aighu yapo, ela modesowa wulalo.

RUTHU 2:21

Niko Ruthu ukaghamba, “Chiaimweri na huwo wanizera angu nishoanyeghe viro na wadumiki wake hata wimerie kukuwida.”

RUTHU 3:12

Loli ini ne mundu wa kichuku chako, ela koko mundu uko wa kichuku cha kaavui kunichumba ini.

RUTHU 4:14

Waka wikamzera Naomi, “BWANA ukaso, uo usekusighie idime kukaie kusewadie mundu wa ifwa; irina ja mwana ndejikaie ibaa andenyi ya Israeli.

RUTHU 4:4

Kwa huwo nawona nikughorie kupate kuighua imbiri ya awa wandu wiko kidombo aha, na imbiri ya waghosi wa wandu wapo. Iji kwawona kuikombua ni nicha, nako iji kusekunde kunighorie nimanye. Angu ndekuwadie mndungi oikombua ela oho, na nyuma ya oho ni ini.” Nao ukaghamba, “Nichaikombua.”

RUTHU 4:6

Nao uja mundu wa ifwa ukaghamba, “Kwa ilagho ijo, naiinjikia iyo hachi yapo eghua iyo ndoe; kwa kukaia wana wapo weni ndewichaaipata ifwa iyo ndoe. Ighuo oho, ini siikunde.”