RUTHU 2:13 - Biblia Ilagho Jiboie Kwa Wandu Wose

¹³ Ruthu ukamtumbulia, “Kwanibonyera wucha mungi nandighi bwana wapo, kwanihoresha ngolo na ndighi kwa madedo ghako gha wughoma hata ngera ini siko umu wa wadumiki wako anduangi.”

RUTHU 2:13 ပူးပေါင်းရင်းမြစ်များ

KUZOYA 32:6

Nao waja wadumiki wikawuya kwa Jakobo wikighamba, “Davika kwa mwanyinyu Esau, nao wawuyacha kukumara uko na wandu maghana ana.”

KUZOYA 33:10

Nao Jakobo ukaghamba, “Hata mwanidu, iji loli narumirikia mesonyi kwako, nakulomba kuwade manosi kufuma mkonunyi kwapo, angu kwa loli mwanidu kughuwona wushu ghwako, ni sa kughuwona wushu ghwa Mlungu; seji kwaniwada kwa kunirumiria nandighi.

KUZOYA 33:15

Nao Esau ukaghamba, “Leka nikusighanye na wandu wamu nikwanye nawo.” Ela ukaghamba, “Agho ni ghaki? Bora tu nirumirilo ni bwana wapo.”

KUZOYA 33:8

Esau ukakotia, “Na iji izungu jose nakwana najo kutambua kwaro ni wada?” Jakobo ukatumbulia, “Nirumirikie mesonyi kwa bwana wapo.”

KUZOYA 34:3

Ngolo yake ikarirwa ni Dina mwai wa Jakobo, hata ukamkunda nandighi, ukakaia ukimja malagho ghisingie.

KUZOYA 43:14

Mlungu Uwadie-Ndighi-Rose, ndem'bonye uo mundu umfuye wughoma, ummbunjire Benjamini na uo mwanyinyu umu. Nani kamanya yaachakaia ni suti nisowekelo ni wana wapo, haya nisowekelo wokoni.”

2 SAMUELI 16:4

Mzuri ukamzera Siba, “Ola iro rose rerekoghe ra Mefiboshethi richawuya rako.” Siba ukaghamba, “Nawusa kwa chawucha; elaima nirumirie nikudumikieghe bwana wapo mzuri kwa kala na kala.”

MAKATANISHO 15:33

Kuobua kwa BWANA kwadafundisha mundu hikima, suti mundu ukusere imbiri usenekelo.

HOSEA 2:16

“Niko aho uchaniwanga mumi wake sena ndechaaniwanga Baali wake sena.

WAFILIPI 2:3

Msakebonya ilagho jingi kwa kukukunda mmbeni, angu kukunda wubaa ghwa duu; ela kwa kukusera, muwitale wambenyu kukaia wafwane kumchumba inyo.

WATANYI 19:3

Niko mumi wake ukawuka kwendamlola, upate kumngola-ngola eri uwuye mzinyi. Orekoghe chiaimweri na mdumiki wake na weke punda wawi; ukacha hata nyumbenyi kwa ndee. Hata iji uo mwai ndee wammbona ukaboilwa na ndighi, ukacha kummara.

RUTHU 2:12

BWANA ndekulipe kwa wundu ghwa agho ghose kubonyere; ukulipe malipo ghikatie kufuma kwa BWANA Mlungu wa Israeli, uo kwacha kukusaghika nao.”

RUTHU 2:14

Ngelo ya vindo, Boazi ukamzera Ruthu, “Choo aha kuje vindo; na mkate kushingie divei.” Ukacha ukasea kidombo mbai-mbai ya wandu wekuwida. Boazi ukaisa bisi kwake, ukaja hata ukasighara.

1 SAMUELI 1:18

Hana ukatumbulia, “Nalomba nirumirikie mesonyi kwako ini mdumiki wako.” Nao uo muka ukafuma ukaghenda chia yake hata nderewonekieghe kukaia na wasi ghungi sena anduangi.

1 SAMUELI 25:41

Nao Abigaili ukawuka, ukaghoghoma hata ukadunga wushu ghwake andonyi na kughamba, “Ola mdumiki wako oko aha kuoghosha maghu gha wadumiki wake bwana wapo.”