RUTHU 2:12 - Biblia Ilagho Jiboie Kwa Wandu Wose

¹² BWANA ndekulipe kwa wundu ghwa agho ghose kubonyere; ukulipe malipo ghikatie kufuma kwa BWANA Mlungu wa Israeli, uo kwacha kukusaghika nao.”

RUTHU 2:12 ပူးပေါင်းရင်းမြစ်များ

ZABURI 17:8

Kunilindie karakara na mundu wa iriso, kunivise andenyi ya kiju cha mawawa ghako,

ZABURI 19:11

Ghanifundisha ini mdumiki wako; ngaghiwadia nichapata mafungu mabaa.

ZABURI 36:7

Lukundo lwako lukatie lwawadie zoghori mbaa saki ee Mlungu! Wadamu wadapata kiju chekimbiria aisi ya mawawa ghako.

ZABURI 57:1

Kuniwonie wughoma ee Mlungu, kuniwonie wughoma, angu nakukimbiria oho. Nichakuvisa aisi ya kiju cha mawawa ghako, hata icho kiremba chenona chaida.

ZABURI 58:11

Wandu wichaghamba, “Loli mhachi uchanekwa mafungu ghake; loli oko Mlungu utanyagha ndoenyi.”

ZABURI 61:4

Leka nikaie Hekalunyi kwako irangi japo jose, nipate kulindilwa aisi ya kiju cha mawawa ghako.

ZABURI 63:7

Kwa kukaia oho korekoghe mtesia wapo, nichabora kwa kuboilwa aisi ya kiju cha mawawa ghako.

ZABURI 91:4

Uchakufinikira na mawawa ghake, nao uchakulindia kukaie banana. Wuloli ghwake ghuchakutesia na kukulindia.

MAKATANISHO 11:18

Mundu mmbiwi wadapata mafungu gha mikalo yake, ela uo ubonyagha hachi oko na loli epata mafungu mecha.

MAKATANISHO 23:18

Loli kuchapata mecha ngelo ichagha, na isuwirio jako ndejichaalaghaya anduangi.

JEREMIA 31:16

Leka lila, aghia mbori; kwa kukaia kazi kubonyere kwa wana wako ichapata malipo; nawo wichawuya kufuma isanga ja m'maiza.

MATHAYO 23:37

“Ee Jerusalemu, Jerusalemu, kubwaghagha walodi na kuwilasa na magho awo widumwagha kwako. Ni kalinga neretimieghe kuwikwanya wana wako, seji nguku ivikwanyagha vana vake aisi ya mawawa ghake, ela kukalegha.

MATHAYO 5:12

Boilonyi, mkaie na iseko ibaa; angu mafungu ghenyu ni mabaa aho mlungunyi; angu huwo niko werewitiririeghe walodi werekoghe imbiri konyu.

MATHAYO 6:1

“Mkulindie msakebonya wudumiki ghonyu mucha imbiri ya wandu mkikunda wimmbone; angu aho ndemchaapata mafungu ghangi kwa Ndeyo onyu uko mlungunyi anduangi.

LUKA 6:35

Ela wikundenyi wamaiza wenyu, na kuwibonyera nicha; mkopeshe, ela msesuwirie kuwunjirwa kindo chingi; niko mafungu ghenyu ghichaakaia mabaa, sena mchakaia wana wa Uo-Uko-Aighu-Nandighi; angu uo moni ni mucha hata kwa awo wisewadie chawucha ingi na kwa wachoyo.

WAKOLOSAI 2:18

Mndungi usakemtanya kwa kuzitiria malagho ghake gha wundu ghwa kukusera, na kutasa weke malaika, ukikusaghika aighu ya kuwona mawono, na kukujosa duu kwa maririkanyo ghake gha kimmbi;

2 TIMOTHEO 1:18

Bwana ndemneke kufuilwa wughoma Ituku ja Bwana. Hata oho kumoni kwaichi nandighi ugho wudumiki ghose oreghubonyereghe aja Efeso.

2 TIMOTHEO 4:8

Na idana nawikilwa kirumbu cha hachi, icho nichaanekwa ni Bwana uo Mtanyi wa hachi jija Ituku; hata si ini moni niekeri anduangi, ela uchawineka awo wose wikundagha kuja kuwoneka kwake.

WAEBRANIA 11:26

Ukawona angu kusholelwa kwa wundu ghwa Kristo, ni mali mbaa kuchumba mali rose ra Misri; angu orekoghe ukisuwiria mafungu ghichagha.

WAEBRANIA 11:6

Na kuseko na irumirio, ndeidimikagha kum'boia Mlungu anduangi. Angu mundu uo ose umsoghoderagha Mlungu, ni suti urumirie kukaia oko; nao wawikatishiragha awo wimlolagha uo.

WAEBRANIA 6:10

Si angu wei Mlungu oosowa hachi, hata uleghe kuritala kazi renyu na lukundo muko nalo, ulo moreluwonyereghe kwa wundu ghwake kwa chia ya kuwidumikia waeli, sa iji koni mduagha mkibonya.

RUTHU 1:16

Ela Ruthu ukatumbulia, “Kusesindenishingira wei nikusighe angu wei niseghendanye na oho, kwa kukaia andu kuchaaghenda oho, na ini nichaghenda; na andu kuchaakaia, niko koni nichaakaia; wandu wako wichawuya wandu wapo, na Mlungu wako uchawuya Mlungu wapo;

RUTHU 2:11

Boazi ukatumbulia, “Naghorelo putu maza rose kum'bonyere mkekwako nyuma ya kifwa cha mmigho, na seji kuwisighie ndeyo na mayo na isanga jako, kukacha kwa wandu kusewiichi.

RUTHU 2:13

Ruthu ukamtumbulia, “Kwanibonyera wucha mungi nandighi bwana wapo, kwanihoresha ngolo na ndighi kwa madedo ghako gha wughoma hata ngera ini siko umu wa wadumiki wako anduangi.”

RUTHU 4:15

Uchakubonya kukaie na ndighi mbishi, na kukuhoresha ngelo ya wukeku ghwako; angu mka-mwanwako uo uvae mwana, wakukunde; nao waboie kuchumba wana wa womi mfungade.”

1 SAMUELI 24:19

Kwani mundu ukawona m'maiza wake wadima kumlekeria? Kwa huwo, BWANA ndekulipe mecha kwa wundu ghwa agho kwanibonyera idime.

1 SAMUELI 24:20

Na idana ola namanya kwa loli kuchawuya mzuri, na hata wuzuri ghwa Israeli ghuchaaghika kwa wulongozi ghwako.