RUTHU 1:6 - Biblia Ilagho Jiboie Kwa Wandu Wose

⁶ Konyuma Naomi ukasikira angu BWANA wamerie kuwirasimia wandu wake kwa vindo, ukakutumbanya kusigha isanga ja Moabu chiaimweri na waka wa wana wake.

RUTHU 1:6 ပူးပေါင်းရင်းမြစ်များ

KUZOYA 21:1

BWANA ukamchea Sara sa iji koni oreghorieghe, na kum'bonyera Sara sa iji koni orelaghirieghe.

KUZOYA 28:20

Jakobo ukabonya ighemi ukighamba, “Mlungu ukakaia andwamweri nani na kunilindia chienyi, unineke mkate ghoja na nguwo rerwa,

KUZOYA 48:15

Nao ukamrasimia Josefu ukighamba; “Mlungu uo weke aba Abrahamu na Isaaka weremdumikieghe, uo Mlungu orenighenjereghe irangi japo jose kuvikia ituku iji,

KUZOYA 50:25

Josefu ukawighemesha wana wa Israeli ukighamba, “Iji Mlungu wamchea na kumfunya isanga iji, mchaghidwa maindi ghapo wori ghifume isanga iji.”

ZABURI 102:14

Wadumiki wako waikunde Sioni, hata ngera yanonelo; waiwonia wughoma; hata ngera yawurie kitungasi.

ZABURI 111:5

Wadawineka vindo awo wimuobuagha, nao jingi ndeliwagha ilaghano jake.

ZABURI 132:15

Nicharasimia vindo varo kwa wungi, nichawighudisha wakiwa waro vindo.

ZABURI 145:15

Vilambo vose viko moyo vaawuyakusuwiria oho, na oho kwavineka vindo kwa ngelo yaro.

ZABURI 146:7

wadawitanyira hachi awo wikorongwagha, na kuwineka vindo awo wiko na njala. BWANA wadawifungua wafungwa;

ZABURI 147:14

Wailindia mipaka yako; na kukughudisha na ngano iboie kuchumba.

KUFUMA 3:16

Ghenda kuwikwanye waghosi wa Israeli chiaimweri kuwizere, ‘Bwana Mlungu wa weke ndeyo, Mlungu wa Abrahamu, wa Isaaka na wa Jakobo wanifutukie ukighamba, “Namerie kumzighana inyo na kuwona agho mwawuyabonyerwa Misri;

KUFUMA 4:31

Wandu wikarumiria; nawo iji wasikira wei BWANA wawichea wandu wa Israeli na angu wamerie kuwona seji wawuyakorongwa, wikaghoghomesha vongo vawo na kutasa.

MAKATANISHO 30:8

Kuniinjire putu kughora tee; na kusenibonye mkiwa hata kusenifughishe; kunineke vindo vinikatagha,

ISAYA 55:10

“Sa iji koni vua na barafu inyagha kufuma mlungunyi, nayo ndeiwuyagha, ela yadainyoshera ndoe; na kuibonya ifunye mavalo na kuzoghua, na kumneka mbeu uo orewaeghe chiaimweri na vindo veja,

JEREMIA 29:10

“BWANA waghamba huwu, ‘Miaka mirongo mfungade ya kudwalwa wunyika Babuloni ikakata, nichamchea; nani nichajikatisha ilaghiro japo, na kummbunja andu aha.

JOELI 2:19

BWANA ukawitumbulia wandu wake ukighamba, “Olenyi nimredia viro, na divei na mavuda ghimkate; wandu wa iro mbari zima ndewichaammenya sena anduangi.

ZEFANIA 2:7

Isanga ja pwani jichawuya ifwa ja masighariko gha wandu wa Juda. Wichakaia wikilisha mfugho rawo aho, nawo wichakaia wikilala nyumba ra Ashkeloni. BWANA Mlungu wawo uchakaia andwamweri nawo, nao uchawiwunjira andu kwawo.

MATHAYO 6:11

Kudineke idime vindo vedu va linu.

LUKA 1:68

“Ndekaso Bwana Mlungu wa Israeli, angu wawivikia wandu wake na kuwikombua.

LUKA 19:44

Nawo wichakutotesha putu, andwamweri na wana wako wiko andenyi ya wurigha ghwako; ndewichaasighara igho hata jimweri jiseinjiro andu kwaro, kwa kukaia ndekoremanyireghe ngelo Mlungu orechieghe kukukira anduangi.”

1 TIMOTHEO 6:8

Ela dikakaia na vindo na nguwo, dikato.

1 PETRO 2:12

Mkaie na tabia ndicha aghadi ya wandu wa mbari zima; eri wikakaghora aighu yenyu wei mo wabonyi kiwiwi, wiriwone kazi renyu riboie, na kumkasa Mlungu ijo Ituku uchagha.

RUTHU 1:5

Mahaloni na Kilioni wose wikafwa, na Naomi ukasighwa uekeri usewadie mndwawomi hata wana.

RUTHU 1:7

Nao ukazoya charo chiaimweri na waka wa wana wake wawi kufuma andu orekoghe kuwuya cha isanga ja Juda.

1 SAMUELI 2:21

BWANA ukamrasimia Hana, nao ukava wana wa womi wadadu na wa waka wawi. Uja mwana Samueli ukazoghua imbiri ya BWANA.