RUTHU 1:15 - Biblia Ilagho Jiboie Kwa Wandu Wose

¹⁵ Naomi ukamzera Ruthu, “Zighana mrio wako waghenda kwa wamzawo na kwa milungu ya mzawo; nugha mrio wako.”

RUTHU 1:15 ပူးပေါင်းရင်းမြစ်များ

2 WAZURI 2:2

Elija ukamzera Elisha, “Kaia aha, kwa kukaia BWANA waniduma nighende Betheli.” Ela Elisha ukaghamba, “Naghema kwa Mlungu uko moyo, na kwa oho, kukaia, sichaakusigha anduangi.” Wikaseanya wose cha Betheli.

ZABURI 125:5

BWANA uchawikumba noko chiaimweri na wabonyi mawiwi, awo wighalukagha na kunugha chia rawo rizamie. Sere ndeikaie kwa Israeli.

ZABURI 36:3

Madedo ghake ghachua wuwiwi na mikalo; walekie kukaia na hikima na kubonya maza riboie.

ZEFANIA 1:6

Nichawitotesha awo wighalukie na kusigha kuninugha na awo wisenilolagha hata kunilomba ini BWANA Mlungu niwilongoze.”

MITALO 10:30

Ela Hobabu ukamzera, “Ini sighendagha; niaghala kedu kwa wamzedu.”

LUKA 24:28

Wikavika kaavui na muzi werekoghe wikighughendia, Jesu ukakubonya sa kukunda kuida;

WAEBRANIA 10:38

Ela mhachi wapo, uchadua moyo kwa irumirio; nao ngera wawuya nyuma, ngolo yapo ndeichaaboilwanya nao anduangi.

JOSHUA 24:15

Na ikakaia mwalegha kumdumikia, msaghuo idime iji ngera ni milungu iyo eredumikiloghe ni weke ndeyo aho Mesopotamia angu ngera ni milungu ya Waamori awo mwawuyakaia isanga jawo; ela ini na nyumba yapo nichamdumikia BWANA.”

JOSHUA 24:19

Joshua ukawizera awo wandu, “Mwadima kulemwa ni kumdumikia BWANA, kwa kukaia uo ni Mlungu Mweli, Mlungu ukunde kutaswa uekeri, nao ndechaamfuya wughoma makosa na kaung'a renyu.

1 JOHANE 2:19

Awo wandu werefumieghe kodu, ela ndewerekoghe wa kedu anduangi; ngera wedeeka wa kedu, kumangu waduanyagha nesi. Ela werefumieghe, eri wipate kuwoneka worinyi kukaia awo wose si wa kedu anduangi.

WATANYI 11:24

Ndekuwusagha icho mlungu ghwako Kemoshi ghukunekagha chikaie chako? Ela isi dichawusa icho chose BWANA Mlungu odu udinekie.

RUTHU 1:14

Nao wikawoka kulila sena; niko Orpa ukamsusugha mkekwake, ukalaghana nao, ukaghala; ela Ruthu ukawadana nao.

RUTHU 1:16

Ela Ruthu ukatumbulia, “Kusesindenishingira wei nikusighe angu wei niseghendanye na oho, kwa kukaia andu kuchaaghenda oho, na ini nichaghenda; na andu kuchaakaia, niko koni nichaakaia; wandu wako wichawuya wandu wapo, na Mlungu wako uchawuya Mlungu wapo;