RUTHU 1:13 - Biblia Ilagho Jiboie Kwa Wandu Wose

¹³ welee, mwawiweseragha hata wizoghuo? Mwadimagha kukumazira mkaie mselowolo? Ii hata wana wapo, neko na kuwawa kubaa kwa wundu ghwa wasi ghonyu, angu nakabilo ni BWANA.”

RUTHU 1:13 ပူးပေါင်းရင်းမြစ်များ

KUZOYA 38:11

Niko Juda ukamzera Tamari mka mwanwake, “Wuya kukaie kwa ndeyo sa muka mkiwa, kuwesere mwanwapo Shela uzoghuo.” Oreghorieghe huwo angu oreobueghe kewada nao moni uchafwa sa waruna. Nao Tamari ukaghenda ukakaia kwa ndee.

AYUBU 19:21

Niwonienyi wughoma nga wandu, niwonienyi wughoma; neekola nakabwa ni Mlungu!

ZABURI 32:4

Korekoghe kukinikaba kio na dime ee BWANA, hata ndighi rapo rikasia putu seji kimeru chimerelwagha ni mruke ghwa Sumesu.

ZABURI 38:2

Kwanishoghonua na mawanu ghako, na kunikaba na ndighi.

WUKUMBUSO 2:15

Na loli BWANA orekoghe ukilwa nawo kambinyi, hata ukameria kuwitotesha putu.

WATANYI 2:15

Andu kose werefumieghe kulwa wuda, BWANA ukakaia ukilwa nawo, sa iji koni orewizerieghe, nawo wikangilwa ni wasi loli-loli.

RUTHU 1:12

Wuyenyi cha mzenyu wana wapo; angu ini nakekua, siwuyalowolwa sena. Uko ngera nedelowolwa ichi kio na kuva wana

RUTHU 1:14

Nao wikawoka kulila sena; niko Orpa ukamsusugha mkekwake, ukalaghana nao, ukaghala; ela Ruthu ukawadana nao.

RUTHU 1:21

Nerefumieghe aha nichue vilambo, ela BWANA waniwunja mduu, muniwanga wada Naomi, ikakaia BWANA wanitanyire, na Uo-Uko-Aighu-Nandighi waningirie andenyi ya wasi m'baa?”

1 SAMUELI 5:11

Niko wikawikwanya wabaa wose wa Wafilisti wikaghamba, “Wunjenyi ihi Sanduku ya Mlungu wa Waisraeli noko andu koni erekoghe, isechedibwagha isi diwose.” Kwa kukaia muzi ghose wandu werekoghe wikiobua kifwa; na Mlungu orekoghe wawikaba wandu aho loli loli;