RUTHU 1:1 - Biblia Ilagho Jiboie Kwa Wandu Wose

¹ Ngelo imu, iji watanyi wa Israeli werekoghe wikibonya nguma, korekoghe na njala isangenyi; na mndumu wa muzi ghwa Bethlehemu isanga ja Juda ukaghenda kukaia kiwughenyi isanga ja Moabu, andwamweri na mkake, na wana wake wa womi wawi.

RUTHU 1:1 ပူးပေါင်းရင်းမြစ်များ

KUZOYA 12:10

Korekoghe na njala isangenyi, na Abramu ukasea Misri, ukaie aho kwa ngelo; angu njala erekoghe mbaa.

KUZOYA 26:1

Nao njala zima ikabuka sena iseko ija erekoghe ngelo ra Abrahamu. Isaaka ukaghenda Gerari kwa Abimeleki mzuri wa Wafilisti.

KUZOYA 43:1

Nao njala ikachurikia kukaia mbaa isangenyi.

2 SAMUELI 21:1

Matuku gha Daudi, korekoghe na njala inughane kwa miaka idadu; Daudi ukamlomba BWANA aighu ya ilagho ijo. BWANA ukaghamba, “Koko na wuwiwi ghodia bagha kwa Sauli na kivalwa chake; angu werewibwaghieghe Wagibeoni.”

1 WAZURI 18:2

Niko Elija ukafuma kwendakuwonyera moni kwa Ahabu. Njala erekoghe yabia loli loli aja Samaria.

1 MALAGHO GHA NGELO 2:51

Salma, uo orepatireghe muzi ghwa Bethlehemu, na Harefu, uo orepatireghe muzi ghwa Beth-gaderi.

1 MALAGHO GHA NGELO 2:54

Salma, uo orepatireghe muzi ghwa Bethlehemu, nuo uvae wandu wa Netofati, na Ataroth-beth-joabu. Wazuri awo werekoghe vichuku viwi andenyi ya Manahathi.

ZABURI 105:16

BWANA ukareda njala isangenyi kwawo; ikameria vindo vose.

ZABURI 107:34

wadaghalua ndoe inorie iwuye ya munyu, kwa kushekerelwa ni wuwiwi ghwa waisanga waro.

JEREMIA 14:1

BWANA oreghorieghe na Jeremia aighu ya kuoma kwa isanga.

EZEKIELI 14:13

“Mwana wa mdamu, isanga jikanibonyera kaung'a na kulemwa ni kukaia mloli kwapo, nao nighoruo mkonu ghwapo kuwiima vindo, na kureda njala aighu ya isanga, na kubwagha wandu na nyamandu.

EZEKIELI 14:21

Bwana MLUNGU waghamba huwu, “Welee, maza rizama saki ngaghudumia muzi ghwa Jerusalemu makabo ghapo ana; wuda ghwa lufu, njala, nyamandu rizamie, na saka izamie, eri nipate kubwagha mdamu na nyamandu!

WALAWI 26:19

Nichainja kukujosa konyu; sichaamredia vua, na ndoe ichaoma ikuo sa chuma.

AMOSI 4:6

“Ni ini neremredieghe njala andenyi ya kula muzi ghonyu; mkasowa vindo kula andu morekaieghe; ela hata huwo saki ndemorenighalukieghe.

MIKA 5:2

BWANA waghamba, “Bethlehemu Efrata, koko mtini putu aghadi ya mizi yose ya Juda; ela nichawusira m'bonyi nguma kufuma kwako, nao uchakaia m'bonyi nguma wa Israeli ufumagha kwa kichuku icheni cha kala.”

WUKUMBUSO 28:38

Kuchawa mbeu nyingi mbuwenyi, ela kuchakuwida viro vitinieri; kwa kukaia vichajighwa ni zighe.

WATANYI 12:8

Nyuma ya Jefitha, Ibzani wa Bethlehemu ukawitanya Israeli.

WATANYI 17:7

Ngelo iyo cheni, korekoghe na Mlawi umu wa irika ufumie Bethlehemu ya Juda, orekoghe ukikanya na wandu wamu aho kiwughenyi.

WATANYI 17:8

Nao orefumieghe muzi ghwa Bethlehemu ya Juda ukaghenda ukilola andu kokaia; hata iji orekoghe ukighenda, ukavikia isanga ja mighondinyi ja Efraimu, nyumbenyi kwa Mika.