NEHEMIA 9:8 - Biblia Ilagho Jiboie Kwa Wandu Wose

⁸ Koremmbonieghe kukaia mloli kwako, kukam'bonyera ilaghano. Koremlaghirieghe kumneka isanga ja Wakanaani, na isanga ja Wahiti na Waamori; isanga ja Waperizi na ja Wajebusi, na Wagirgashi, jikaie isanga jichaakailwa ni kivalwa chake. Kukakatisha ilaghiro jako angu korekoghe mloli.

NEHEMIA 9:8 ပူးပေါင်းရင်းမြစ်များ

KUZOYA 12:7

BWANA ukamchea Abramu ukamzera, “Kivalwa chako nichachineka iji isanga.” Abramu ukamuaghia BWANA madhabahu uo oremfutukieghe.

KUZOYA 15:6

Abramu ukamrumiria BWANA, na kwa irumirio ijo, ukatalwa kukaia na hachi.

KUZOYA 22:12

Nao ukamzera, “Manya kusem'bonye mwana ilagho jingi, angu idana namanya loli kwamuobuagha Mlungu, angu kuseniimie mwana wako, uo mwana wako wa ititi Isaaka.”

2 SAMUELI 22:31

U Mlungu, chia rake reeka rikatie, malaghiro gha BWANA ghawonyera kukaia gha loli. Uo ni sa ngao kwa wose wikimbiriagha wulindiri ghwake.

1 MALAGHO GHA NGELO 1:14

nawo niwo wicheewuya Wajebusi, na Waamori; na Wagirgashi,

1 MALAGHO GHA NGELO 16:16

Ilaghano orejibonyereghe na Abrahamu, ijo ilaghiro oremghemieghe Isaaka;

EZRA 9:15

Ee BWANA Mlungu wa Israeli, oho koko mloli, ela kwadisighie dikaie moyo. Dahea mawiwi ghedu kwako; ndedifwane isi kusoghoda imbiri kwako.”

NEHEMIA 9:33

Korekoghe na hachi edikaba; korekoghe mloli hata ngera isi dabonyere kaung'a.

ZABURI 116:5

BWANA ni wa mvono, sena ni mhachi; Mlungu odu ni wa wughoma.

KUFUMA 3:17

nani nalaghira angu nichamfunya mfume kwa agho matiriro gha Misri; nimghenje kwa isanga ja Wakanaani, Wahiti, Waamori, Waperizi, Wahivi, Wajebusi; isanga jinorie nandighi.” ’

KUFUMA 3:8

niko nasea nipate kuwikira kufuma mikonunyi kwa Wamisri; niwifunye na kuwireda isanga jiboie, ibaa, isanga jinorie nandighi; isanga ja Mkanaani, Mhiti, Muamori, Mperizi, Mhivi, na Mjebusi.

EZEKIELI 33:24

“Mwana wa mdamu, wandu wikaiagha andu kunonelo kwa isanga ja Israeli waawuyaghamba, ‘Abrahamu odeeka mundu umweri, nao ukanekwa iji isanga ujiwuse; isi dakaia wengi; loli danekelo iji isanga dijiwuse.’

MITALO 13:29

Waamaleki, wadakaia isanga ja Negebu; Wahiti, Wajebusi, na Waamori, wadakaia isanga ja mighondinyi; na Wakanaani wadakaia mbai mbai ya bahari na kaavui na Jordani.”

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?

MABONYO GHA WADUMI 13:22

Nao iji wamuinja Sauli, ukammbika Daudi ukaie mzuri wawo ukimshuhudia na kughamba, ‘Nawona Daudi mwana wa Jese ni mundu uko seji ngolo yapo ikunde, nao uchabonya ghose nighikundagha.’

WUKUMBUSO 26:3

Na oho kuchaghenda kwa mkohani uko kazinyi ngelo iyo kumzere, ‘Naghora imbiri ya BWANA Mlungu wako idime kukaia, nameria kucha isangenyi ijo BWANA orewighemieghe weke aba kukaia uchadineka.’

WUKUMBUSO 32:4

“BWANA ni mlindiri onyu uwadie ndighi, chia rake rose ni ra hachi; Mlungu onyu ni mloli na mhachi wadabonya agho ghiko gha loli na hachi.

WUKUMBUSO 7:1

“Iji BWANA Mlungu wako wamreda isangenyi ijo mngiagha kujiwada, na kuinja mbari nyingi imbiri konyu, Wahiti, Wagirgashi, Waamori, Wakanaani, Waperizi, Wahivi, na Wajebusi, mbari mfungade mbaa riko na ndighi kumchumba,

WUKUMBUSO 9:5

Si kwa wundu ghwa hachi enyu, angu wucha ghwa ngolo renyu mwawuyaghenda kujiwusa isanga jawo anduangi, ela ni kwa wundu ghwa wuwiwi ghwa mbari iri, niko BWANA Mlungu onyu wawuyariwinga noko imbiri konyu upate kukatisha ilagho ijo orewighemieghe weke ndeyo Abrahamu, Isaaka na Jakobo.

TITO 1:2

kwa isuwirio ja irangi ja kala na kala, ijo jerelaghiriloghe ni Mlungu kokala, nao ndeghoragha tee jingi.

WAEBRANIA 11:17

Kwa irumirio, Abrahamu uendatimwa ni Mlungu, oremfunyireghe Isaaka ukaie kizongona; hata ngera orekoghe wapata agho malaghiro, ela ukakaia tayari kumfunya mwana wake wa ititi;

WAEBRANIA 6:18

eri kwa chia ya agho malagho awi, ilaghiro na ighemi, agho isedimikagha Mlungu ughore tee, isi dikusaghikie nao, didime kukaia na ngolo mbaa ejiwada ijo isuwirio jiwikilo imbiri kodu.

JOSHUA 11:23

Joshua ukawusa isanga jose sa iji koni BWANA oremlaghirieghe Musa. Joshua ukawineka Waisraeli jikaie isanga jawo, ukawiwaghia vipande kwa kula kichuku. Wandu wikahora na kuleka wuda.

JOSHUA 11:3

Sena ukaduma malagho kwa Wakanaani chia rose ra Jordani, na kwa Waamori, Wahiti, Waperizi, na kwa Wajebusi andenyi ya isanga ja mighondinyi; wokoni na kwa Wahivi, awo werekoghe wikikaia kirimbenyi cha Mghondi ghwa Hermoni andenyi ya isanga ja Mispa.

JOSHUA 23:14

“Na idana ngelo yapo yalighisa, nenyo mmbeni mwamanya andenyi ngolonyi konyu na rohonyi konyu kukaia ndemsowie kilambo chingi kicha cha ivo BWANA Mlungu onyu oremlaghirieghe. Ndekuwadie jingi ja malaghiro ghake usejikatishire.

JOSHUA 9:1

Wazuri wose wikaiagha kimonu cha Jordani wiendasikira malagho gha wusimi ghwa Waisraeli, awo wose wikaiagha mighondinyi, na wurindi ghose ghwa pwani ya Bahari ya Mediterania kulangaya cha Lebanoni, awo Wahiti, Waamori, Wakanaani, Waperizi, Wahivi, na Wajebusi,

1 JOHANE 1:9

Dikarumiria kaung'a redu, Mlungu ni mloli na mhachi; nao uchadifuya wughoma kaung'a redu, na kudielesha wuwiwi ghodu ghose.