NEHEMIA 9:6 - Biblia Ilagho Jiboie Kwa Wandu Wose

⁶ Niko wandu wa Israeli wikalomba huwu: “Oho BWANA, ni oho kuekeri kuko BWANA; korebonyereghe ndoe na bahari na vose viko andenyi yaro; kukawineka wose irangi. Ijeshi jose ja mlungunyi jaghoghoma kukutasa oho.

NEHEMIA 9:6 ပူးပေါင်းရင်းမြစ်များ

KUZOYA 1:1

Aho kuzoenyi, Mlungu oreumbieghe mlungunyi na ndoenyi.

KUZOYA 1:9

Mlungu ukaghamba, “Machi ghiko mlungunyi nandonyi ndeghitumbanyike chiaimweri, na ndoe iomie iwoneke.” Nao ikakaia wokoni.

KUZOYA 2:1

Niko huwu mlungunyi na ndoenyi kukamerelwa kuumbwa, na vose viko andenyi kwaro.

KUZOYA 32:2

Hata iji Jakobo orewiwonieghe ukaghamba, “Iji ni ijeshi ja Mlungu.” Ukakuwanga andu aja, Mahanaimu.

1 WAZURI 22:19

Mikaia ukaghamba, “Idana sikira ilagho ja BWANA: Neremmbonieghe BWANA wasea kidombo aighu ya kifumbi chake cha nguma; na majeshi ghose gha mlungunyi ghikakaia kimusi kummaria mbai mbai chia rose.

1 WAZURI 8:27

“Ela loli Mlungu wadima kukaia ndoenyi? Zighana mlungunyi kwa ighu ndekukukatagha, ni kuchumba saki i Hekalu nakuaghia!

2 WAZURI 19:15

Hezekia ukamlomba BWANA ukighamba, “Ee BWANA Mlungu wa Israeli, oho kifumbi chako cha nguma chiko aighu ya makerubi, oho kuekeri kuko Mlungu, aighu ya mawuzuri gha ndoenyi kose, kuumbie mlungunyi na ndoenyi;

2 WAZURI 19:19

Kwa huwo ee BWANA Mlungu odu, nakuvoya kudikire nao, eri mawuzuri ghose gha ndoenyi ghipate kumanya angu oho ko Mlungu kuekeri ee BWANA.”

NEHEMIA 9:5

Walawi winughagha wikawanga wandu wichemtasa Mlungu: Jeshua, Kadmieli, Bani, Hashabneia, Sherebia, Hodia, na Shebania, na Pethaya, wikighamba, “Wukenyi mumkase BWANA Mlungu onyu; mkasenyi kwa kala na kala! Kula mundu ndejikase irina jake ja wubaa, hata ngera ndeidimikagha mdamu umkase kwa kukata.”

ZABURI 102:25

Oho korewikieghe misingi ya wurumwengu kon kala, na mlungunyi ni kazi ya mikonu yako.

ZABURI 103:21

Mkasenyi BWANA inyo majeshi ghake ghose, wadumiki wake m'bonyagha lukundo lwake.

ZABURI 115:15

BWANA, uo uumbie mlungunyi na ndoenyi ndekurasimie.

ZABURI 124:8

Wutesia ghodu ghuafuma kwa BWANA; uo ubonyere mlungunyi na ndoenyi.

ZABURI 146:6

uo uumbie mlungunyi na ndoenyi, bahari na vose viko andenyi yaro. Uo wadakatisha malaghiro ghake;

ZABURI 24:10

Uo Mzuri wa wubaa nani? BWANA wa majeshi nuo Mzuri wa wubaa.

ZABURI 33:6

BWANA orebonyereghe mlungunyi kwa ilagho jake, na vose viko andenyi yaro orevibonyereghe kwa kughora koni.

ZABURI 36:6

Hachi yako eeka ighu sa mighondi; matanyo ghako gheeka ndenyi sa machi ghimilie; oho kwadakira mdamu na nyamandu ee BWANA.

ZABURI 86:10

Oho koko m'baa, kubonyagha maza ra mashiniko; ni oho kuekeri kuko Mlungu.

ISAYA 37:16

“Ee BWANA wa majeshi, Mlungu wa Israeli, kukaiagha aighu ya kifumbi cha nguma naighu ya makerubi; ni oho kuekeri Mlungu kuko aighu ya mawuzuri ghose gha ndoenyi, na ni oho kuumbie mlungunyi na ndoenyi.

ISAYA 37:20

Kwa huwo idana ee BWANA Mlungu odu, kudikire usedikabe, eri mawuzuri ghose gha ndoenyi ghipate kumanya kukaia ni oho kuekeri kuko BWANA.”

ISAYA 43:10

“Inyo moko washahidi wapo, mo wadumiki wapo awo nerewisaghueghe. Jingi ndekorekoghe mlungu ghungi ghoreumbiloghe imbiri yapo; hata ndekuchaakaia na ghungi nyuma yapo sena anduangi.

ISAYA 44:6

BWANA, Uo Mzuri na Mkomboli wa Israeli, uo BWANA wa majeshi, waghamba, “Ini ne wa imbiri, na wa kutua, ndekuwadie mlungu ungi mzima kuchumba ini anduangi.

ISAYA 44:8

Msakeobua, hata msebonye kiture; Welee, simghorieghe kufuma imbiri hata ngamtangazira? Na inyo moko washahidi wapo. Welee, oko Mlungu ungi kunichumba ini? Siichi ungi uko Igho kunichumba Ini.”

ISAYA 45:12

Ni ini nibonyere ndoenyi, na kumuumba mdamu ukaie andenyi yaro; mlungunyi ni kazi ra mikonu yapo, na majeshi gharo ghose nadaghilaghira.

JEREMIA 32:17

‘Aa e Bwana MLUNGU! Ni oho kuumbie mlungunyi na ndoenyi kwa ndighi rako mbaa na kwa mkonu ghwako ghwa kudima! Ndekuwadie ilagho jingi jisedimikagha kwako,

EZEKIELI 20:11

Ngawineka memu yapo na kuwiwonyera sharia rapo, iro mundu ukariwadia ukaiagha moyo.

JONA 1:9

Ukawizera, “Ini ne Muebrania nani nadamtasa BWANA, Mlungu wa mlungunyi uo ubonyere bahari na ndoe iomie.”

JOHANE 10:30

Ini na Aba ni umweri.”

MABONYO GHA WADUMI 4:24

Nawo iji wasikira agho, wikamlomba Mlungu chiaimweri kwa chwaka rawo wikighamba, “Ee Bwana, Muumbi mlungunyi na ndoenyi na bahari na vose viko andenyi yaro;

WUKUMBUSO 10:14

Mlungunyi koighu ni kwa BWANA; ndoenyi na vose viko andenyi yaro wokoni ni vake.

WUKUMBUSO 32:39

“‘Ni ini, ini moni niko Mlungu; ndekuwadie mlungu ungi mzima wa loli. Nadabwagha na kukaisha moyo. Nadashoghonua na kuboisa; ndekuwadie mndungi udimagha kutangala agho nibonyagha.

WUKUMBUSO 6:4

“Sikira ee Israeli: BWANA Mlungu odu ni BWANA umweri;

WAEBRANIA 1:3

Uo Mwana, ni uko kung'ala-ng'ala kwa wubaa ghwa Mlungu, nao ni fwana tiki ya Mlungu moni; uvimaziriagha vilambo vose kwa ilagho jake jiwadie kudima. Nao umeria kubonya kuja kuelesha kaung'a, oreserieghe kidombo chia ya mkonu ghwa kiwomi ghwa Mlungu wa Wubaa uko aighu.

WAEBRANIA 1:6

Na sena iji wamreda wurumwengunyi uo mvalwa wa imbiri waghamba, “Malaika wose wa Mlungu ndewimtase.”

WUFUNUO 14:7

ukaghora kwa lwaka lubaa, “Muobuonyi Mlungu, mumneke wubaa, angu ngelo ya kutanya kwake yameria kuvika; mtasenyi uo ubonyere mlungunyi na ndoenyi, bahari na ndoria ra machi.”

WUFUNUO 4:11

“Kwafwana oho Bwana odu na Mlungu odu, kughuwusa wubaa, na ishima na kudima; angu oho koreumbieghe vilambo vose, na kwa kukunda kwako oho, vereumbiloghe, vikakaia.”