NEHEMIA 9:34 - Biblia Ilagho Jiboie Kwa Wandu Wose

³⁴ Wazuri wedu, na wabaa wedu, na wakohani wedu na weke aba, ndewiiwadie Sharia yako. Ndeweresikireghe malaghiro ghako korewinekieghe.

NEHEMIA 9:34 ပူးပေါင်းရင်းမြစ်များ

2 WAZURI 17:13

Na BWANA orewikanieghe ukiwiwonyera Israeli na Juda kwa memu ya kula mlodi na kula mmboni ukighamba, “Ghalukenyi msighe chia renyu rizamie, muiwadie memu yapo na sharia rapo iro nerewilaghirieghe weke ndeyo na iro nerewidumieghe wadumiki wapo wimghorie.”

2 WAZURI 17:15

Weremenyereghe memu ya BWANA na ilaghano jake, ijo orejibonyereghe na weke ndee; ndeweretalieghe hata na mawonyero ghake. Wereinughieghe milimu ya tee wikakalikia, wikanugha tabia ra iro mbari ra wandu ireni BWANA orewikanieghe wisebonye sa awo.

2 MALAGHO GHA NGELO 29:6

Weke aba weresowieghe wuloli, wikabonya mawiwi imbiri ya BWANA Mlungu odu; wereleghieghe kuzighana andu kwake kokaia, wikaghaluka na kummbikia mghongo.

EZRA 9:10

“Na idana ee Mlungu odu, dighora wada kunughana na agha dibonyere?

NEHEMIA 9:30

Korerumaghianyegha nawo mwaka kwa mwaka, kukawifuria walodi wako wiwiwonyere, ela wandu wako wikariwa madu, na oho kukawisigha wisimo ni wamaiza wawo.

NEHEMIA 9:33

Korekoghe na hachi edikaba; korekoghe mloli hata ngera isi dabonyere kaung'a.

NEHEMIA 9:35

Werebonyereghe nguma aighu ya wandu wako kwa irasimio jako; wikakaia andenyi ya isanga ibaa jinorie korewinekieghe, ela wikalemwa ni kusigha kaung'a na kukughalukia oho.

JEREMIA 29:19

kwa kukaia waleghie kusikira malagho ghapo nighidumie kwawo tuli tuli kwa chia ya wadumiki wapo walodi, ela ndeweresikireghe.

JEREMIA 44:17

ela isi dichabonya agho malagho dereghibonyerieghe ighemi; kumfukiria marumba Malkia wa Mlungunyi, nesi dichamdungia vizongona vedu venywa, sa iji koni dibonyagha na sa iji koni weke aba werebonyagha, chiaimweri na wazuri wedu na wabaa wedu, andenyi ya mizi ya Juda na chia ra Jerusalemu; na aho derekoghe na vindo vingi na kuwona nicha, hata ndederewonieghe wuwiwi ghungi anduangi.

JEREMIA 44:4

Nani nerewidumieghe wadumiki wapo walodi wose konyu sena na sena ngighamba, ‘Msebonye ughu wuwiwi niseghukunde.’

EZEKIELI 5:6

Ela wandu wa Jerusalemu wikailegha memu yapo, wikakuwonyera weni kukaia wawiwi kuchumba iro mbari ra wandu kwa kulegha malaghiro ghapo kuchumba wandu wa masanga agho ghighumarie ugho muzi; wikailegha memu na malaghiro ghapo.

DANIELI 9:6

Dalemelo ni kuwisikira wadumiki wako walodi awo wereghorieghe na wazuri wedu, na wabaa wedu, na weke aba wedu, na wandu wose wa isangenyi kwa irina jako.

WUKUMBUSO 31:21

Na iji wapatwa ni mawiwi na kusumbuka kungi, ulu lumbo luchakaia lukinishuhudia aighu yawo, (angu luchadua lukiborwa ni wandu wa kivalwa chawo) kwa kukaia namanya seji wikunde kubonya hata imbiri nisewingirie ijo isanga nilaghirie nichawineka.”