NEHEMIA 9:32 - Biblia Ilagho Jiboie Kwa Wandu Wose

³² “Na idana ee Mlungu odu, koko m'baa na wa kudima! Kwadakatisha ilaghano jako kwa wuloli. Kufuma wazuri wa Ashuru wazoya kudikoronga, hata idana, kwawona datiririlo saki! Wadijishire wasi isi, na wazuri wedu na wabaa wedu, na wakohani wedu, na walodi wedu weke aba wedu na wandu wedu wose datiririlo. Kumbuka seji ditiririlo!

NEHEMIA 9:32 ပူးပေါင်းရင်းမြစ်များ

1 WAZURI 8:23

ukaghamba, “Ee BWANA Mlungu wa Israeli, ndekuwadie Mlungu ungi uko sa oho mlungunyi aighu, hata andoenyi na kosi uo ukatishagha ilaghano jake na lukundo lwake lukatie kwa wadumiki wake awo wimnughagha kwa ngolo rawo rose.

2 WAZURI 15:19

Niko Pulu mzuri wa Ashuru ukajikaba isanga ja Israeli, na Menahemu ukamneka Pulu talanto elfu imweri ra feza eri umtesie kumangisha wuzuri ghwake.

2 WAZURI 15:29

Matuku gha Peka mzuri wa Israeli, Tiglathi-pileseri mzuri wa Ashuru, ukacha na kuikaba mizi ya Ijoni, Abel-beth-maaka, Janoa, Kedeshi, Hazori, Gileadi, na Galilaya, isanga jose ja Naftali; ukadwa wandu wunyika hata Ashuru.

2 WAZURI 17:23

hata BWANA ukameria kuwiinja Israeli usewiwoneghe sa iji koni orewighorieghe kwa memu ya wadumiki wake walodi. Niko Waisraeli wikakaia wibarishiro isangenyi jawo hata idime.

2 WAZURI 17:3

Shalmaneseri mzuri wa Ashuru ukajoka kulwa nao, na Hoshea ukakufunya kwake, ukakaia ukimlipa kodi.

2 WAZURI 17:6

Mwaka ghwa ikenda ghwa Hoshea, niko mzuri wa Ashuru uwadie muzi ghwa Samaria, ukadwa Waisraeli wunyika hata Ashuru na kuwiwika muzi ghwa Hala, kaavui na Moda ghwa Habori, isanga ja Gozani hata na andenyi ya mizi ya Wamedi.

2 WAZURI 23:29

Ngelo rake, Mzuri Neko mzuri wa Misri, orejokieghe kwa mzuri wa Waashuru hata Moda ghwa Eufrate; na Mzuri Josia ukasea kulwa nao, Farao Neko uendammbona ukam'bwagha aho Megido.

2 WAZURI 25:7

Wikabwagha wana wa Sedekia ukiwona, wikamturua meso ghake, wikamfunga na pingu, wikamghenja Babuloni.

EZRA 4:10

na wandu wazima wa iyo mbari erebarishiroghe ni Ashurbanipali mundu m'baa wa ishima, ikaghenjwa na kuwikwa mizinyi ya Samaria na andu kuzima isangenyi jiko magharibi ya Moda ghwa Eufrate.”

EZRA 4:2

wikamchea Zerubabeli na wabaa wa kichuku chawo wikawizera, “Ndediaghe Hekalu diwose; angu dadamtasa Mlungu onyu seji koni mumtasagha, nesi dadamfunyira vizongona kwake toe kufuma ngelo ra Esarhadoni mzuri wa Ashuri uo orediredieghe aha.”

EZRA 9:13

Hata ngera dapatiro ni agho ghose ghikikaia ikabo kwa wundu ghwa kaung'a redu nyingi, ndekudikabie seji idifwane dikabo, kukadisighia wulalo ghokaia moyo.

NEHEMIA 1:5

“Ee BWANA Mlungu wa mlungunyi, oho koko m'baa, nesi dadakuobua na ndighi. Kwadajimangisha ilaghano jako kwa awo wikundagha na kuiwadia memu yako.

ZABURI 47:2

Angu BWANA, Uo-Uko-Aighu-Nandighi ni wa kuobolwa; ni mzuri m'baa ndoenyi kose.

ZABURI 66:3

Ghambenyi kwa Mlungu, “Mabonyo ghako ni gha mashiniko saki! Ndighi rako ni mbaa hata wamaiza wako wiakughoghomia.

ZABURI 66:5

Choonyi mmbone seji Mlungu ubonyere: mabonyo ghake ghiaobosha wandu.

KUFUMA 18:8

Musa ukamghoria mghosi wake kula ilagho BWANA orem'bonyereghe Farao na Wamisri kwa wundu ghwa Waisraeli; sena ukamghoria wasi ghose wereghupatireghe chienyi, na seji BWANA orewikirieghe.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

DANIELI 9:4

Ngamlomba BWANA Mlungu wapo, ngarumiria makosa gha wandu wapo ngighamba, “Ee BWANA, ko Mlungu m'baa oobolwa; kwadakatisha malaghano na lukundo lukatie kwa awo wikunde kuiwadia memu yako.

DANIELI 9:6

Dalemelo ni kuwisikira wadumiki wako walodi awo wereghorieghe na wazuri wedu, na wabaa wedu, na weke aba wedu, na wandu wose wa isangenyi kwa irina jako.

DANIELI 9:8

Isi dafwa waya ee Bwana, chiaimweri na wazuri wedu, na wabaa wedu, na weke aba wedu; angu dakubonyere kaung'a.

WALAWI 26:18

“Mkalema kusikira nyuma ya agho makabo ghose, nichaghichuria makabo ghenyu mando mfungade kwa wundu ghwa kaung'a renyu.

WALAWI 26:21

“Mkachuria kuleghanisikira, nichachuria sena makabo genyu mando mfungade kunughana na kaung'a renyu.

WALAWI 26:24

ini wori nichamghalukia na mbai na kumkaba mando mfungade kwa wundu ghwa kaung'a renyu.

WALAWI 26:28

nichamghalukia na kumkaba kwa kubia mando mfungade kwa wundu ghwa kaung'a renyu.

WUKUMBUSO 7:12

“Mkaghisikira agho mafundisho na kughikatisha, BWANA Mlungu onyu uchajimazira ilaghano jake, na kukaia na lukundo lukatie konyu; sa iji orewighemieghe weke ndeyo.

WUKUMBUSO 7:13

Uchamkunda na kumrasimia na kum'bonya mchurikie na kuva wana wengi; ucharasimia mbuwa renyu mpate viro, divei na mavuda; uchamrasimia mkaie na ng'ombe na ng'ondi nyingi. Uchamrasimia isangenyi seji orewilaghirieghe weke ndeyo kukaia uchawineka.

WUKUMBUSO 7:21

Msakewiobua; BWANA Mlungu onyu oko aghadi konyu. Uo ni Mlungu m'baa oobosha.

WUKUMBUSO 7:9

Kwa huwo manyenyi kukaia BWANA Mlungu onyu, ni Mlungu; nao ni mloli umaziriagha ilaghano na kukaia na lukundo lukatie kwa awo wimkundagha na kuiwadia memu yake hata vivalwa elfu;