NEHEMIA 9:19 - Biblia Ilagho Jiboie Kwa Wandu Wose

¹⁹ Ela oho, kwa wundu ghwa wughoma ghwako m'baa, ndekorewisighieghe kireti. Ndekoreiinjireghe ija nguro ya iwingu erewighenjereghe chienyi nadime, hata iyo nguro ya modo erewilongozagha na kuwineka mwengere nakio.

NEHEMIA 9:19 ပူးပေါင်းရင်းမြစ်များ

NEHEMIA 9:12

Korewilongozereghe kwa nguro ya iwingu nadime, na kwa nguro ya modo nakio kukawilangalishira mwengere.

NEHEMIA 9:27

Niko kukawibonya wisimo ni wamaiza wawo na kuwibonyera nguma, wikakuwanga wiko andenyi ya wasi ghwawo, na oho kukawitumbulia kuko mlungunyi, kwa wughoma ghwako m'baa kukawineka vilongozi, wikawivuvua kufuma kwa wamaiza wawo sena.

NEHEMIA 9:31

Ela sena, kwa kukaia wughoma ghwako ghuko m'baa, ndekorewileghieghe hata kuwitotesha; oho ko Mlungu wa mvono na wa wughoma mungi.

ZABURI 106:45

Kwa wundu ghwawo, ukakumbuka ilaghano jake, na kwa wundu ghwa lukundo lwake lukatie, ukahoresha machu ghake.

ZABURI 136:16

Orewilongozereghe wandu wake kireti; lukundo lwake lukatie lwadua kwa kala.

KUFUMA 40:36

Ngelo rose Waisraeli werekoghe wikidamba, iji ijo iwingu jawuka kufuma kwa iyo Hema, wandu wa Israeli werekoghe wikizoya kudamba.

KUFUMA 40:38

Matuku ghose gha kumara-mara kwawo, wandu wa Israeli werekoghe wikiwona ijo iwingu aighu ya Hema na dime, na modo ngelo ya nakio.

ISAYA 44:21

BWANA waghamba, “Kukumbuke maza iri ee Israeli, kukaia ko mdumiki wapo; nerekuumbieghe kukaie mdumiki wapo, hata sichaakuliwa anduangi.

KILILO CHA JEREMIA 3:22

Lukundo lwa BWANA lukatie ndelusiagha, na wughoma ghwake ndeghuwadie kutua kungi anduangi.

EZEKIELI 20:14

Ela kwa wundu ghwa irina japo, serebonyereghe huwo, eri jisechesholelwa na kulushwa mesonyi kwa iro mbari ra wandu werekaieghe aghadi kwawo; iro ini nerekumanyishireghe nimoni kwa kuwifunya wandu wa Israeli isanga ja Misri.

EZEKIELI 20:17

“Elaima nerewiwonieghe wughoma, hata serewitoteshereghe angu kuwimeria kireti anduangi.

EZEKIELI 20:22

Ela nereghughirieghe mkonu ghwapo ghusebonye wuwiwi ghungi kwa wundu ghwa irina japo, eri jisechelushwa aghadi ya iro mbari ra wandu, iro ini nerekumanyishireghe nimoni kwa kuwifunya Israeli isanga ja Misri.

DANIELI 9:18

Degha kudu kwako kusikire ee Mlungu wapo; zighana kuwone wuduu ghodu, na ugho muzi ghuwangilo kwa irina jako. Ndediwuekuvoya angu wei diko na hachi ingi imbiri kwako, ela ni kwa wundu ghwa wungi ghwa wughoma ghwako.

DANIELI 9:9

Oho Bwana Mlungu odu ko wa wughoma, kulekagha makosa, hata ngera dakuleghie.

MALAKI 3:6

“Ini ne BWANA sighalukagha. Na inyo ee kivalwa cha Jakobo, ndemchaamerelwa putu anduangi.

MITALO 14:14

nawo wadima kuwighoria waisanga wa aha seji kwawibonya wandu wako. Waisanga wa aha nawo wamerie kusikira angu oho BWANA kwadakaia aghadi kodu, na kuwoneka worinyi; iwingu jako jadakaia aighu yawo, na oho kwadakiria imbiri yawo kuko andenyi ya iwingu nadime, na nguro ya modo nakio.

WUKUMBUSO 8:2

Kumbuka iyo chia yose BWANA Mlungu oremghenjereghe kireti miaka mirongo ina ukimlongoza na kumtima ngera mchaiwadia memu yake angu ngera ndemchaaiwadia.

1 SAMUELI 12:22

Kwa kukaia BWANA ndedimagha kuwisigha wandu wake kwa wundu ghwa ijo irina jake ibaa, angu odeboilwa moni kum'bonya inyo mkaie wandu wake.