NEHEMIA 9:14 - Biblia Ilagho Jiboie Kwa Wandu Wose

¹⁴ Kukawifundisha kuitala Sabato yako kukaia ya wueli, kukawineka sharia rako kwa mkonu ghwa Musa mdumiki wako.

NEHEMIA 9:14 ပူးပေါင်းရင်းမြစ်များ

KUZOYA 2:3

Niko Mlungu ukajirasimia ituku ja mfungade, ukajielesha; angu kwa ijo, Mlungu orehorieghe kufuma kwa kazi rake rose reumba.

NEHEMIA 1:8

Kumbuka malagho koremlaghirieghe mdumiki wako Musa kukighamba, ‘Mkalegha kukaia waloli kwapo, nichamsaghisa aghadi ya mbari zima;

NEHEMIA 10:32

Dichafunya gramu isanu ra feza kula mundu kwa mwaka kulipia gharama ra Hekalu ya Mlungu odu.

KUFUMA 16:23

uo ukawizera, “BWANA walaghirie angu kesho ni ituku ja wueli jehora, ni Sabato kwa wundu ghwa BWANA. Idime muoche icho chose chiko cheocha, na kudoghosa icho chose chiko chedoghosa na icho chichaasigharika, mchiwikie mbai kwa wundu ghwa kesho.”

KUFUMA 16:29

Ndemmbonagha angu BWANA wamnekie iyo Sabato ikaie ituku ja kuhora, niyo sababu umnekie mkate mandu awi ituku ja karandadu, eri kula mundu ukaie andu koni uko ituku ja mfungade. Kula mundu ndekaie mzinyi kwake.”

KUFUMA 24:12

BWANA ukamzera Musa, “Joka cha kwapo mghondinyi, kuweserie aho nani nichakuneka vitongo viwi va magho viko na sharia na malaghiro ghose nighiandikie kwa kuwifundisha wandu.”

EZEKIELI 20:11

Ngawineka memu yapo na kuwiwonyera sharia rapo, iro mundu ukariwadia ukaiagha moyo.

EZEKIELI 20:12

Sena ngawineka Sabato rapo wiriwadieghe; ikaie alama aghadi yapo na awo, eri wipate kumanya kukaia ni ini BWANA niwieleshagha.

EZEKIELI 20:20

Mueleshe Sabato rapo ripate kukaia alama aghadi ya ini na inyo; mpate kumanya angu ini ne BWANA Mlungu onyu.

WALAWI 19:3

Kula umu onyu uchamneka ishima mae na ndee, nenyo mriwadie sabato rapo: Ini ne BWANA Mlungu onyu.

WALAWI 27:34

Ihi niyo memu BWANA oremnekieghe Musa kwa wundu ghwa wandu wa Israeli, aighu ya Mghondi ghwa Sinai.

JOHANE 1:17

Angu Mlungu orefunyireghe Sharia kwa chia ya Musa, ela mvono na loli verechieghe kwa chia ya Jesu Kristo.

WUKUMBUSO 4:45

naro niro kanuni, na sharia, na malaghiro agho Musa orewighorieghe iji werefumieghe Misri,

WUKUMBUSO 4:5

“Namfundishire sharia yose na malaghiro, sa iji koni BWANA Mlungu wapo unizerie; mpate kughibonya andenyi ya isanga mungiagha kujiwusa.

WUKUMBUSO 5:31

Ela oho kaia aeniaha kaavui nani, nani nichakuneka memu yose na sharia na malaghiro agho kuchaawifundisha, eri wipate kughibonya andenyi ya ijo isanga nichaawineka wijiwuse.’