NEHEMIA 9:10 - Biblia Ilagho Jiboie Kwa Wandu Wose

¹⁰ Korewonyereghe weke mwakilimbiti na mashiniko kwa mzuri na wadumiki wake wose, na wandu wose wa isanga jake, angu koremanyireghe seji wiwikorongie wandu wako. Kukakubonyera kumoni irina, sa iji koni jiko idime.

NEHEMIA 9:10 ပူးပေါင်းရင်းမြစ်များ

NEHEMIA 9:16

Ela weke aba wikang'eta na kukukasa, wikalegha kusikira malaghiro ghako.

NEHEMIA 9:29

Korewiwonyereghe wisikire mafundisho ghako, ela wikalegha kuwadia Sharia rako kwa lung'eto, hata ngera kuja kuisikira Sharia yako ni irangi, ela wereleghieghe kusikira, wikaghilika na kukurisha singo rawo.

ZABURI 83:18

Kuwibonye wimanye kukaia ni oho kuekeri kuwangwagha BWANA; M'bonyi nguma m'baa ndoenyi kose.

KUFUMA 18:11

Idana namanya angu BWANA ni m'baa kuchumba milungu yose, angu orekirieghe wandu kufuma mikonunyi kwa Wamisri, iji werekoghe wikiwikoronga.”

KUFUMA 3:20

Ela nichatumia ndighi rapo kuikaba Misri kwa kubonya maza reobosha. Konyuma uchamsigha mghende.

KUFUMA 5:2

Ela Farao ukaghamba, “Uo BWANA nani nidimagha kusikira lwaka lwake na kuwisigha Waisraeli wighende? Ini simwichi uo BWANA, sena sidimagha kuwisigha Waisraeli wighende anduangi.”

KUFUMA 7:1

Nao BWANA ukamzera Musa, “Zighana nakubonya oho kukaie sa Mlungu kwa Farao, na mwanyinyu Haruni ukaie mlodi wako.

KUFUMA 9:16

ela neekusigha moyo tu nipate kuwonyera ndighi rapo, eri irina japo jipate kughorwa ndoenyi kose.

ISAYA 42:20

Israeli kwawuyawona malagho mengi, ela ndekuwueghizighana; kwawuyasikiria malagho mengi, ela ndeghiwuengia.”

ISAYA 63:12

Uo kwa wubaa ghwake oremmbwadieghe Musa mkonu ghwa kiwomi, ukawagha machi na kumuisa; eri upate kuwika irina jake kwa kala na kala;

ISAYA 63:14

Sa ng'ombe riseagha cha ivongonyi; ni huwo koni Roho wa BWANA orewinekieghe kuhora. Kwa huwo, oho kukawilongoza wandu wako, eri kukupatire kumoni irina ibaa jichumbie.

JEREMIA 32:20

oho korewonyereghe alama na mashiniko andenyi ya isanga ja Misri, na hata idime kwawuyawonyera kwa wadamu wose; kukamanyika seji iko idime.

EZEKIELI 20:9

Ela kwa wundu ghwa irina japo serebonyereghe huwo; eri jisechesholelwa na kulushwa imbiri ya mbari ra wandu iro werekaieghe aghadi yawo; awo ini nerekumanyishireghe nimoni kwawo kwa kuwizera Waisraeli nichawifunya isanga ja Misri.

DANIELI 4:37

Idana ini Nebukadnezari, nadamkasa, na kumkuma, na kumneka ishima Mzuri wa mlungunyi; angu kazi rake rose ni ra loli, na chia rake ni ra hachi. Wandu wose wighendagha kwa kukukasa, oko na ndighi ra kuwisera.”

DANIELI 5:23

ela kwakujosere kumoni aighu ya BWANA wa mlungunyi, kukareda vikombe na bakuli ra Hekalu yake na kunywa navo divei chiaimweri na wabaa wako wa isanga, na waka wako, na waka wako wekanya. Kukaikasa milungu iyo ibonyero kwa feza na dhahabu, na shaba, na chuma, na midi, na magho isewonagha, hata isesikiragha, angu kumanya ilagho jingi; kukamsowia ishima uo Mlungu umaziriagha miruke yako na mighendo yako yose.

DANIELI 9:15

“Idana ee BWANA Mlungu odu, oho korewifunyireghe wandu wako kufuma isanga ja Misri kwa mkonu ghwa ndighi, na irina jako jikamanyika hata idime. Isi dabonyere kaung'a, dabonyere makosa.

MABONYO GHA WADUMI 7:36

Ukawifunya na kuwighenja, nyuma ya kubonya mashiniko na weke mwakilimbiti Misri, na Bahari ya Shamu, na kireti kwa miaka mirongo ina.

WAROMA 9:17

Angu Maandiko ghaghora huwu kwa Farao, “Nakuwikie kukaie m'baa, kwa wundu ghwa kuriwonyera ndighi rapo kwako; eri irina japo jieresho ndoenyi kose.”

WUKUMBUSO 4:34

Angu ghoko mlungu ghungi jingi ghutimie kughenda na kuwusa wandu kufuma kwa mbari imu wikaie kwa chia ya matimo, na weke mwakilimbiti, na mashiniko, na kwa wuda, na kwa mkonu ghwa wusimi ghuwadie ndighi, na maza reobosha karakara na seji BWANA Mlungu onyu orebonyereghe Misri kwa wundu ghonyu mkiwona?

WUKUMBUSO 7:19

Kumbukenyi agho makongo gheobosha moreghiwonieghe na meso ghenyu, weke mwakilimbiti; na mashiniko; ndighi na wusimi m'baa BWANA Mlungu onyu oremfunyireghe nagho aho. Ni huwo koni uchaawibonya awo wandu muwiobuagha.

1 PETRO 5:5

Wokoni na inyo muko watini mkuwike aisi ya waghosi. Inyo mmbose mkaie na wumboa kula mundu na mmbao; angu, “Mlungu wawitangala wang'eti, ela wawineka mvono awo wiko na wumboa.”