NEHEMIA 9:1 - Biblia Ilagho Jiboie Kwa Wandu Wose

¹ Ituku ja mori mirongo iwi na inya ja ugho mori ghoni, wandu wa Israeli wikakwanyika kufunga tumu kwa wundu ghwa kaung'a rawo. Wikakudunga teri vongonyi kwawo, na kurwa nguwo ra magunia kuwonyera wasi.

NEHEMIA 9:1 ပူးပေါင်းရင်းမြစ်များ

2 SAMUELI 1:2

Ituku ja kadadu, mndumu ukacha kufuma kambinyi ya Sauli, wameria kurashua nguwo rake na kukudunga ndoe chongonyi kwake kuwonyera wasi. Hata iji wacha kwa Daudi, ukaghwa na kudunga chongo chake andonyi kwa ishima.

2 MALAGHO GHA NGELO 20:3

Niko Jehoshafati ukangilwa ni wowa, ukawoka kumlola BWANA; ukaeresha malagho wandu wifunge tumu andu kose isangenyi.

2 MALAGHO GHA NGELO 7:10

Ituku ja mirongo iwi na idadu ja mori ghwa mfungade, Solomoni ukawisigha wandu wighale wiko na kuboilwa kwa wundu ghwa wucha ghwa BWANA orekoghe waghuwonyera kwa Daudi, na kwa Solomoni na kwa wandu wake Israeli.

EZRA 8:21

Niko ngatangaza difunge tumu kaavui na Moda ghwa Ahava eri dipate kukusera imbiri ya Mlungu, na kumlomba udilongoze nicha chienyi na kudilindia isi na wana wedu na vilambo vedu vose.

EZRA 8:23

Kwa huwo, dikafunga tumu, na kumlomba Mlungu udilindie, nao ukasikira kuvoya kodu.

NEHEMIA 8:2

Iko aho ituku ja imbiri ja mori ghwa mfungade, mkohani Ezra ukareda icho chuo cha Sharia imbiri ya ikwanyiko ja womi na waka, na wose weredimieghe kusikira na kutambukilwa.

ESTA 4:16

“Ghenda kuwikwanye Wayahudi wose wiko Susa, wikufunye kufunga tumu na kulomba kwa wundu ghwapo, mseje hata kunywa kindo chingi kwa matuku adadu na vio varo. Wai wapo wa kazi chiaimweri nani dichabonya wokoni. Konyuma nichaghenda kwa mzuri hata ngera sharia yaleghie. Ikakaia ni kufwa, nifo.”

ESTA 4:3

Itangazo ja mzuri jiendamanyika masanga ghose, chikakaia kililo kibaa kwa Wayahudi wose. Wose wikalila wikisirimika, wikafunga tumu, wikilila na kukema mchungu, na wengi wawo wikirwa nguwo ra magunia na kulala maivunyi.

AYUBU 2:12

Iji wammbona wiko kakula, ndeweremmanyireghe. Wiendammanya, wikazoya kukema na kulila; wikarashua majoho ghawo kwa wasi, wikamicha teri nokoighu na kukudunga vongonyi kwawo.

ISAYA 22:12

Ngelo iyo, Bwana MLUNGU wa majeshi orekoghe ukimmbanga mpate kulila na kukema, na kuara vongo venyu kwa wasi, mkirwa nguwo ra magunia.

JOELI 2:12

BWANA waghamba, “Hata idana heenyi mmbuye kwapo kwa ngolo renyu rose; mkifunga na kulila kwa kudikwa ni mbori.

WALAWI 23:34

“Wizere wandu wa Israeli kukaia ituku ja ikumi na isanu ja mori ghwa mfungade, mchakaia na Ndima ya Viwanda kwa BWANA kwa matuku mfungade.

WALAWI 23:39

“Iji kwameria kukuwida viro kufuma mbuwenyi kwako, kubonye iyo ndima kwa matuku mfungade, kukizoya ituku ja ikumi na isanu ja mori ghwa mfungade. Ituku ijo jichakaia jehora na ituku ja wunyanya wokoni jichakaia jehora.

JOSHUA 7:6

Nao Joshua andwamweri na vilongozi va Israeli wikarashua nguwo rawo kwa wasi, wikaghwa kiwushu-wushu imbiri ya Sanduku ya Ilaghano, wikakudunga teri vongonyi kwawo na kuwonyera wasi ghwawo, na kulala aho hata luma lwa kenyi.

WUFUNUO 11:3

Nani nichawineka ndighi washahidi wapo wawi, wipate kuchila ilagho ja Mlungu matuku elfu na maghana awi na mirongo irandadu, wikirwa nguwo ra magunia.”

WATANYI 20:26

Niko masikari ghose gha wandu wa Israeli wikajoka hata Betheli na kulila. Wikasea kidombo imbiri ya BWANA na kufunga tumu hata luma lwa kenyi; wikamfunyira BWANA vizongona vekora na vizongona va mapatano.

1 SAMUELI 4:12

Nao mndumu wa kivalwa cha Benjamini ukakimbia kufuma wudenyi, ukaghenda na kuvika Shilo ijo ituku jeni; orekoghe warashua nguwo rake na kukudunga ndoe ra chongo kwa wasi.

1 SAMUELI 7:6

Niko wikakwanyika aho Mispa, wikadaya machi na kughidia sa kizongona imbiri ya BWANA; wikafunga tumu ituku ilazi wikaghamba, “Dam'bonyere BWANA kaung'a.” Samueli ukakaia ukiwitanya wandu wa Israeli aja Mispa.