NEHEMIA 8:9 - Biblia Ilagho Jiboie Kwa Wandu Wose

⁹ Nao iji wandu wasikira malagho gha Sharia, wikawoka kulila. Ela Nehemia uo orekoghe m'baa wa isanga, na Ezra mkohani na mwalimu wa sharia, na Walawi awo werekoghe wikifasiri sharia, wikawizera wandu wose, “Idime ni ituku jielie kwa BWANA Mlungu onyu, msekaie na wasi hata kulila.

NEHEMIA 8:9 ပူးပေါင်းရင်းမြစ်များ

2 WAZURI 22:11

Nao iji mzuri wasikira malagho gha icho chuo cha sharia, ukarashua nguwo rake.

2 WAZURI 22:19

na kwa kukaia kwaherie na kukusera imbiri kwapo ngelo koresikireghe sa iji nighorie aighu ya muzi ughu na wandu wake, seji wichaachelwa ni wuduu na njowe, kukarashua nguwo rako na kulila imbiri kwapo, nanimoni nakusikira; ini BWANA naghamba.

2 MALAGHO GHA NGELO 15:3

Kwa ngelo ndacha wandu wa Israeli werekoghe wiseko na Mlungu wa loli, wiseko na mkohani owifundisha, hata wiseko na sharia;

2 MALAGHO GHA NGELO 30:22

Hezekia ukapata ngolo ukawikuma Walawi wose, awo werebonyereghe wudumiki ghwa BWANA nicha. Kwa huwo wandu wikaja vindo va ndima kwa matuku mfungade, na kumfunyira BWANA chawucha, uo Mlungu wa weke ndee.

2 MALAGHO GHA NGELO 34:19

Mzuri uendasikira malagho gha Sharia, ukarashua nguwo rake.

2 MALAGHO GHA NGELO 34:21

“Ghendenyi mkotie malagho kwa BWANA kwa wundu ghwapo, na kwa wundu ghwa wandu wisigharikie andenyi ya Israeli na andenyi ya Juda aighu ya malagho gha icho chuo chawonwa, angu BWANA oko na machu mabaa nandighi aighu yedu kwa kukaia weke aba wiseghiwadie malagho gha BWANA na kughibonya na seji ghiandikilo andenyi ya icho chuo.”

2 MALAGHO GHA NGELO 35:3

Ukawizera Walawi awo wifundishagha wandu wose wa Israeli, nawo ni wandu werewikiloghe wakfu kwa BWANA, “Wikenyi Sanduku ya Wueli, andenyi ya Hekalu iyo Solomoni mwana wa Daudi mzuri wa Israeli oreiaghieghe, ndem'wuyaaiduka na maonge sena. Idana mdumikienyi BWANA Mlungu onyu na wandu wake Israeli.

EZRA 2:63

M'baa wa isanga ja Wayahudi ukawizera wisekepata ifungu jingi ja vindo vifunyiro kwa Mlungu hata upatike mkohani udimagha kulola malagho kwa Urimu na Thumimu.

EZRA 7:11

Ihi ni barua iyo Mzuri Artashasta oremnekieghe Ezra, mkohani sena mwalimu wa Sharia; ufundishiro malaghiro gha BWANA na sharia rake kwa wundu ghwa wandu wa Israeli:

NEHEMIA 10:1

Wandu wa imbiri kungiria sahihi ni m'bonyi nguma Nehemia mwana wa Hakalia, na Zedekia.

NEHEMIA 12:26

Wandu awa werekaieghe matuku gha Mkohani M'baa Joiakimu mwana wa Jeshua wawae Jehosadaki, na Nehemia m'baa wa isanga, na Ezra mkohani na mwalimu wa Sharia.

NEHEMIA 7:65

M'baa wa isanga ukawizera wiseje ivo vindo vielie kuchumba, hata upatike mkohani udimagha kutumia Urimu na Thumimu.

NEHEMIA 7:70

Wabaa wamu wa nyumba werefunyireghe mchango kwa wundu ghwa kazi eagha. M'baa wa isanga orefunyireghe kilo wunyanya ra dhahabu, ngarai mirongo misanu, marwao gha wukohani maghana masanu na mirongo idadu.

NEHEMIA 8:2

Iko aho ituku ja imbiri ja mori ghwa mfungade, mkohani Ezra ukareda icho chuo cha Sharia imbiri ya ikwanyiko ja womi na waka, na wose weredimieghe kusikira na kutambukilwa.

MCHILI 3:4

ngelo elila na ngelo eseka; ngelo ya wasi na ngelo evina;

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

HOSEA 4:6

Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.

WALAWI 23:24

“Wizere wandu wa Israeli kukaia, ituku ja imbiri ja mori ghwa mfungade, jichakaia ni ituku jehora; mjikumbuke kwa kukaba tarumbeta, nenyo m'bonye ikwanyiko ja wueli.

MALAKI 2:13

Mwawuyabonya ilagho jimu sena. Mwawuyachura madhabahu ya BWANA mbori renyu. Mwaawuyalila mkidikwa ni mbori angu walegha kughirumiria mafunyo mwareda.

WAROMA 3:20

Angu ndekuwadie mndungi uchaatalwa kukaia na hachi imbiri ya Mlungu kwa mabonyo gha Sharia anduangi kwa kukaia kumanya kaung'a koocha kwa chia ya Sharia.

WAROMA 7:9

Ini moni nerekoghe moyo iji Sharia iserekoghe; ela ghuja momu ghuendacha, kaung'a eeruka, nani moni ngaafwa.

WUKUMBUSO 12:12

Nenyo mchaboilwa imbiri ya BWANA Mlungu onyu; chiaimweri na wana wenyu wa womi na wa waka, na wadumiki wenyu wa womi na wa waka, na Mlawi uko mzinyi konyu uo usewadie ifungu angu ifwa jingi ja isanga chiaimweri nenyo.

WUKUMBUSO 12:7

Aho mchaja imbiri ya BWANA Mlungu onyu, nenyo mchaboilwa chiaimweri na nyumba renyu kwa wundu ghwa agho ghose m'bonyagha, kwa agho BWANA Mlungu onyu umrasimie.

WUKUMBUSO 16:11

M'boilo imbiri ya BWANA Mlungu onyu, chiaimweri na wana wenyu wa womi na wa waka, na wadumiki wenyu wa womi na wa waka, na Mlawi uko mzinyi konyu, na mghenyi omara-mara, na mwana usewadie ndee, na mka mkiwa uko aghadi konyu, andu BWANA ukusaghue kukaie komtasira.

WUKUMBUSO 26:14

Sijie ijo ifungu ja ikumi ngilila ifwa, hata sijifunyire niseelie, angu kujifunya kizongona kwa wundu ghwa wafu anduangi. Nameria kusikira na kubonya sa iji koni BWANA Mlungu wapo unilaghirie.

JAKOBO 4:9

Mkuwone moko wasinyi mlile na kukema mchungu. Seko renyu righaluso kukema mchungu, na kuboilwa konyu kuwue kuwawa.