NEHEMIA 8:3 - Biblia Ilagho Jiboie Kwa Wandu Wose

³ Nao ukaishoma sharia ahoeni wazenyi kaavui na Mbenge ya Machi kufuma nakesho hata dime ghadi, womi na waka na wose widimagha kutambukilwa wiko aeni. Wandu wose wikadegha madu kusikira malagho gha chuo cha Sharia.

NEHEMIA 8:3 ပူးပေါင်းရင်းမြစ်များ

NEHEMIA 10:29

dawadana na vilongozi vedu kwa ighemi kukaia dikalemwa ni kuikatisha Sharia ya Mlungu iyo oremnekieghe mdumiki wako Musa na malaghiro na mafundisho ghake, diwado ni njowe. Nesi daghema kukaia dichaghiwadia ghose.

NEHEMIA 13:1

Ngelo chuo cha Musa cherekoghe chikishomelwa wandu kwa lwaka, weresikireghe andu kuandikilo kukaia Muamoni ungu angu M'moabu ungi jingi usengie andenyi ya ikwanyiko ja wandu wa Mlungu.

NEHEMIA 8:1

Ituku ja imbiri ja ugho mori, wandu wose wikakwanyika Jerusalemu andenyi wazenyi ya Mbenge ya Machi. Wikamkotia Ezra mkohani na mwalimu wa Sharia iyo BWANA orewinekieghe Israeli kwa mkonu ghwa Musa, urede icho chuo.

NEHEMIA 8:18

Na kufuma ituku ja imbiri ja ndima hata ituku ja kutua, Ezra orekoghe ukishoma chuo cha Sharia ya Mlungu ituku ituku. Werebonyreghe ndima kwa matuku fungade, na ituku ja wunyanya korekoghe na ikwanyiko ibaa jefunga kunughana na mafundisho gha Sharia.

NEHEMIA 8:4

Ezra orekaieghe aighu ya kiwayo cha midi werechibonyereghe kwa wundu ghwa ilagho ijo. Orekwanyeghe na Matithia, Shema, Anaia, Uria, Hilkia, na Maaseria wiko kimusi chia ya mkonu ghwake ghwa kiwomi; Pedaia, Mishaeli, Malkija, Hashumu, Hashbadana, Zakaria na Meshulamu werekoghe chia ya mkoonu ghwake ghwa kiwaka.

NEHEMIA 8:5

Ezra ukachikuchua chuo wandu wose wikiwona, angu orekoghe andu kuko ighu kuchumba wandu wose; hata iji wachikuchua, wandu wose wikawuka kimusi.

MARKO 12:37

Uo Daudi moni wammbanga Kristo ‘Bwana’; ukaia wada mwana wake sena?” Na jija izungu ibaa werekoghe wikimsikiria kwa kuboilwa.

LUKA 19:48

Ela wikasowa chia ingi ebonya, angu wandu wose werekoghe wikimsikiria kwa loli, wisekunde kuidwa ni ilagho jingi.

LUKA 8:18

Kwa huwu, mkumanye seji msikiragha, angu uo uko nacho uchanekwa, sena uchachurilwa, ela uo usewadie, uchasokwa hata icho uririkanyagha oko nacho.”

MABONYO GHA WADUMI 13:15

Vuo va Sharia na maandiko gha walodi viendashomwa, wabaa wa sunagogi wikawidumia malagho wikighamba, “Wanidu, ngera moko na ilagho jingi ja wutesia kwa wandu jighorenyi.”

MABONYO GHA WADUMI 13:27

Na kwa kukaia wandu wikaiagha Jerusalemu na wabaa wawo wiseremmanyireghe nuo Mkiri, hata kutambukilwa ni malagho gha walodi ghishomwagha kula Sabato, wereghikatishireghe agho kwa kumtanya ubwagho.

MABONYO GHA WADUMI 15:21

Angu kufuma kala Sharia ya Musa eko na wandu awo wimchilagha andenyi ya kula muzi; kwa kukaia yadashomwa andenyi ya sunagogi kula Sabato.”

MABONYO GHA WADUMI 16:14

Umu wa awo weredisikireghe orekoghe muka uwangwagha Lidia, ufumie muzi ghwa Thuatira, uuzagha vilambo va rangi ya zambarau. Muka uo orekoghe mtasi Mlungu, na Bwana ukarughua ngolo yake ughisikire malagho gherekoghe ghikighorwa ni Paulo.

MABONYO GHA WADUMI 17:11

Wandu awo werekoghe na suku kuchumba waja wa Thesalonike; wikajiwusa ilagho kwa ngolo mbaa, wikizighana-zighana Maandiko Ghielie kula ituku, wiwone ngera maza iro rerekoghe rikighorwa ni Paulo na Sila ni huwo koni.

MABONYO GHA WADUMI 20:11

Ukawuya gorofenyi, ukachikanya mkate, ukaja. Ukachuria kughora hata ndoe ikaela; niko ukafuma ukaghenda.

MABONYO GHA WADUMI 20:7

Nao Ituku ja Njumwa, diendakwanyika kwa wundu ghwa kughuchikanya mkate, Paulo ukaja wandu malagho ukikunda kughenda nakesho yaro, ukaghora hata kio ghadi,

MABONYO GHA WADUMI 28:23

Hata iji wadumbua ituku jekwana nao, wikacha wandu walazi nyumbenyi kwake. Paulo ukawighoria agho malagho kufuma nakesho hata luma lwa kenyi; ukiwishuhudia malagho gha Wuzuri ghwa Mlungu, na kutima kuwibonya wirumirie malagho gha Jesu kwa kutumia Sharia ya Musa na maandiko gha walodi.

WUKUMBUSO 31:9

Nao Musa ukaiandika iyo sharia na kuwineka wakohani awo Walawi widukagha Sanduku ya ilaghano ja BWANA, na waghosi wose wa Israeli.

1 WATHESALONIKE 2:13

Wokoni dadamfunyira Mlungu chawucha kwa wundu ughu, kukaia, mwendajiwusa ilagho ja Mlungu, ijo morejisikireghe kufuma kodu, morejirumirieghe; si sa ilagho ja wadamu anduangi, ela morejirumirieghe sa iji koni jiko ilagho ja Mlungu, ijo jibonyagha kazi andenyi konyu inyo warumirii.

JOSHUA 8:35

Kula Sharia ya Musa ereshomeloghe ni Joshua kwa ikwanyiko jose ja Israeli, wikwanye na waka na wana, chiaimweri na wandu wawuyakaia aghadi kwawo kiwughenyi.

WUFUNUO 2:29

Uo uko na kudu, ndesikire agho malagho uo Roho ughighoriagha agho makanisa.’

WUFUNUO 3:22

Uo uko na kudu, ndesikire agho malagho Roho ughighoriagha agho makanisa.”