NEHEMIA 8:18 - Biblia Ilagho Jiboie Kwa Wandu Wose

¹⁸ Na kufuma ituku ja imbiri ja ndima hata ituku ja kutua, Ezra orekoghe ukishoma chuo cha Sharia ya Mlungu ituku ituku. Werebonyreghe ndima kwa matuku fungade, na ituku ja wunyanya korekoghe na ikwanyiko ibaa jefunga kunughana na mafundisho gha Sharia.

NEHEMIA 8:18 ပူးပေါင်းရင်းမြစ်များ

NEHEMIA 8:2

Iko aho ituku ja imbiri ja mori ghwa mfungade, mkohani Ezra ukareda icho chuo cha Sharia imbiri ya ikwanyiko ja womi na waka, na wose weredimieghe kusikira na kutambukilwa.

NEHEMIA 8:3

Nao ukaishoma sharia ahoeni wazenyi kaavui na Mbenge ya Machi kufuma nakesho hata dime ghadi, womi na waka na wose widimagha kutambukilwa wiko aeni. Wandu wose wikadegha madu kusikira malagho gha chuo cha Sharia.

WALAWI 23:36

Mchakaia mkireda mafunyo gha vindo kwa BWANA kwa matuku mfungade; na ituku ja wunyanya mchakaia na ikwanyiko ja wueli, na kufunya mafunyo gha vindo kwa BWANA; ijo ni ituku jetasa, msebonye kazi.

WALAWI 23:41

Kubonye Ndima ihi kula mwaka kwa matuku mfungade; ni sharia ya kala na kala kwa vivalwa venyu vose vichaanugha nyuma.

MITALO 29:35

Ituku ja wunyanya, mkaie na ikwanyiko ja wutasi. Msebonye kazi;

JOHANE 7:37

Nao ituku ja kutua mbai, ituku ibaa ja Ndima, Jesu ukakaia kimusi na kughora kwa lwaka lubaa, “Ngera mndungi waoma, ndeche kwapo unyo.