NEHEMIA 8:17 - Biblia Ilagho Jiboie Kwa Wandu Wose

¹⁷ Wandu wose werewurieghe kufuma wubarishonyi wikaagha viwanda na kukaia andenyi; angu kufuma ngelo ra Jeshua mwana wa Nuni hata ituku ijo, wandu wa Israeli ndewerekoghe wabonya huwo. Kukakaia kuboilwa kubaa.

NEHEMIA 8:17 ပူးပေါင်းရင်းမြစ်များ

1 MALAGHO GHA NGELO 29:22

Ituku ijo wikaja na kunywa imbiri ya BWANA kwa kuboilwa kubaa. Nao wikam'bonya Solomoni mwana wa Daudi kukaia mzuri indu ja kawi; wikamdunga mavuda ukaie m'baa kwa wundu ghwa BWANA na Zadoku wikammbika ukaie Mkohani.

2 MALAGHO GHA NGELO 30:26

Korekoghe na kuboilwa kubaa Jerusalemu; kwa kukaia kufuma ngelo ya Solomoni mwana wa Daudi, mzuri wa Israeli, ndekorebonyekieghe ilagho jingi sa ijo andenyi ya Jerusalemu anduangi.

2 MALAGHO GHA NGELO 35:18

Ndekorekoghe na Pasaka ingi erebonyeroghe sa iyo kufuma matuku gha mlodi Samueli; hata mzuri ungi nderebonyereghe Pasaka sa iyo erebonyeroghe ni Mzuri Josia, na wakohani na Walawi, na wandu wa Juda wose na wa Israeli werekoghe aho, na awo wikaiagha Jerusalemu.

2 MALAGHO GHA NGELO 8:13

sa iji koni iro kazi ra kula ituku rerekundikieghe ribonyo kunughana na Sharia ya Musa aighu ya Ndima ra Sabato, Mori Lukombe, na iro ndima idadu ra mwaka: Ndima ya Mikate Isewadie Chachu, Ndima ya Makuwido, na Ndima ya Viwanda.

EZRA 3:4

Wikabonya Ndima ya Viwanda sa iji koni iandikilo. Wikafunya vizongona vekora va kula ituku kunughana na seji erekundikieghe kula ituku.

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

WUKUMBUSO 16:15

Mum'bonyere BWANA Mlungu onyu iyo ndima kwa matuku mfungade andu uchaakusaghua, kwa kukaia BWANA Mlungu onyu uchakurasimia kwa mavalo ghenyu ghose; na kwa kazi renyu rose mchaabonya; na oho kuchulo ni kuboilwa.

WAEBRANIA 11:13

Awo wose werefueghe andenyi ya irumirio wisepatire agho werelaghiriloghe, ela wereghiwonieghe kwa kula wikaboilwanya nagho; wikirumiria angu werekoghe waghenyi, na wandu wiidagha aha ndoenyi.

WAEBRANIA 11:9

Kwa irumirio, ukakaia ukimara-mara andenyi ya isanga ja ilaghiro sa isanga ja kighenyi, ukikaia hemenyi chiaimweri na Isaaka, na Jakobo; awo wandu wa ifwa andwamweri nao ja ijo ilaghiro jeni.

WAEBRANIA 4:8

Angu ngera Joshua orewinekieghe kuhora, kumangu Mlungu ndereghoragha malagho gha ituku izima kungi.

JOSHUA 1:1

Nyuma ya kifwa cha Musa mdumiki wa BWANA, BWANA ukaghora na Joshua mwana wa Nuni mdumiki wa Musa, ukimzera,