NEHEMIA 8:10 - Biblia Ilagho Jiboie Kwa Wandu Wose

¹⁰ Ghendenyi mzinyi muje manori, munyo divei isingie; na uo usewadie kindo chingi mumdumie vimu angu idime ni ituku jielie kwa BWANA odu; msekaie na wasi; kwa kukaia kuboilwa uko BWANA umnekagha kucham'bonya mkaie na ndighi.”

NEHEMIA 8:10 ပူးပေါင်းရင်းမြစ်များ

1 WAZURI 8:66

Ituku ja wunyanya, ukalaghana na wandu wikaghala. Wandu wose wikamkuma mzuri na kughenda cha mizinyi kwawo kwa kuboilwa kubaa kwa wundu ghwa wucha ghose BWANA ughubonyere kwa mdumiki wake Daudi na kwa wandu wake Israeli.

1 MALAGHO GHA NGELO 16:27

Wubaa na ishima vammara chia rose, wudimi na kughoka vaichura Hekalu yake.

NEHEMIA 8:11

Kwa huwo Walawi wikawinyamirisha wandu wose wikighamba, “Nyamenyi, angu idime ni ituku jielie, mseke na wasi.”

NEHEMIA 8:12

Niko wandu wose wikaghenda chia rawo, wipate kuja na kunywa, na kuwidumia wambao vindo vimu na kukaia na kuboilwa kubaa, kwa kukaia weretambukiloghe ni malagho wereghoreloghe.

ESTA 9:19

Kwa wundu ughu Wayahudi wose wikaiagha mizi mitini mitini wadabonya karamu ituku ja ikumi na inya ja mori ghwa Adari; nawo wadaja karamu na kunekana manosi.

ESTA 9:22

Kwa agho matuku, Wayahudi werekirieghe kufuma kwa wamaiza wawo; na mori ugho, niko wasi ghwawo ghoreghalusiroghe kuboilwa, na kililo chawo chikawuya ituku ibaa ja kuboilwa na kuseka. Wikalaghirwa angu kwa matuku agho wibonyeghee karamu na maboilo; kunekana manosi mecha, na kuwineka wakiwa manosi.

ZABURI 149:2

Israeli ndeboilo ni Muumbi wake; wandu wa Sioni ndewimzumie Mzuri wawo.

ZABURI 89:17

Kwawineka wusimi m'baa, na kwa lukundo lwako wakaia na wusimi.

MAKATANISHO 17:22

Ngolo ikuchukie yadawika mundu banana, roho ya wasi, yadabwagha mboong'oa.

MCHILI 11:2

Waghia vindo vako wandu mfungade, angu hata wunyanya; ndekumanyire ni malaghoki ghizamie ghichagha ndoenyi.

MCHILI 2:24

Ndekuwadie ilagho jingi jiboie kwa mundu jichumbagha kuja na kunywa na kuboilwanya na kazi rake. Ijo najo neewona jadafuma kwa Mlungu.

MCHILI 3:13

Mlungu nuo unosagha wadamu kuja na kunywa na kuboilwa andenyi ya kazi rawo.

MCHILI 5:18

Neechawona huwu: ilagho jiboie putu ni mundu kuja na kunywa na kuboilwanya na icho uchibonyere kazi ngelo ya irangi jake ivui unekelo ni Mlungu. Iji nijo ifungu ja mdamu.

MCHILI 9:7

Ghenda kuje vindo vako kukaie na kuboilwa; kunyo divei yako kukaie na iseko, angu Mlungu wakurumirie.

LUMBO 5:1

Nangia mbuwenyi kwapo wangolo, bibi arusi wapo niwaye manemane na vilungo vapo; nije wuki na mando ghapo gha choki; ninyo divei na mariwa ghapo. Jenyi wakundwa munyo; Nyonyi hata mmbongero ni lukundo.

ISAYA 49:5

Na idana, BWANA uo oreniumbieghe nikaie mdumiki wake kufuma kifunyi, eri nimghaluye wana wa Jakobo cha kwake, na Israeli upate kutumbanywa kwake, angu ninekelo ishima mesonyi kwa BWANA, na Mlungu wapo wawurie ndighi rapo.

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

JOELI 2:23

“Boilonyi inyo wandu wa Sioni, mumzumie BWANA, Mlungu onyu kwa agho um'bonyere. Wamnekie vua ya kwari na ya sumesu, wanyeshere vua sa iji koni orekoghe ukibonya imbiri.

ZEKARIA 14:21

na kula nyungu iko Jerusalemu na Juda ichawikwa kula kwa wundu ghwa wutasi kwa BWANA Uwadie-Ndighi-Rose, eri awo wose wifunyagha vizongona widime kuritumia kwa kudoghosa naro nyama ra vizongona. Ngelo iyo ikavika, ndekuchaakaia na m'bonyi biashara ungi Hekalunyi kwa BWANA Uwadie-Ndighi-Rose.

LUKA 11:41

Ela funyenyi makuwio gha ivo viko nandenyi, nenyo olenyi vilambo vose vichakaia vielie konyu.

2 WAKORINTHO 8:2

Angu awo, hata ngera werekoghe andenyi ya matimo ghibirie gha wasi mungi, ela kuja kuboilwa kwawo kubaa, kwawibonyere wifunye mali rawo kwa wungi; hata ngera wukiwa ghwawo ghorekoghe ghuchumbie.

WAFILIPI 3:4

hata ngera ini moni neko na sababu retala maza ra mumbi wori. Ikakaia oko mndungi uririkanyagha wadima kuritala maza ra mumbi, ini ni kuchumba.

WUFUNUO 11:10

Na wandu wa ndoenyi wichaboilwa kwa wundu ghwa kubwaghwa kwawo, nawo wichabonya maseko na kuenjerana manosi; angu awo walodi wawi wedeeka matiriro kwa wandu ndoenyi.

1 SAMUELI 25:8

Kukawikotia wandu wako, wichakughoria. Kwa huwo, karibisha wandu wapo wa irika, angu hoku dacha ituku ja karamu, kuwineke wadumiki wako na mwana wako Daudi kindo chingi kuko nacho.’”