NEHEMIA 6:16 - Biblia Ilagho Jiboie Kwa Wandu Wose

¹⁶ Wamaiza wedu wa mbari ra wandu widimarie wiendasikira huwo, wikaobua na kufwa waya; angu werewonieghe worinyi kukaia kazi ihi edemerelwa kwa wutesia ghwa Mlungu odu.

NEHEMIA 6:16 ပူးပေါင်းရင်းမြစ်များ

NEHEMIA 2:10

Ela iji Sanbalati mundu wa Beth-Horoni wasikira na Tobia m'baa wa isanga ja Amoni, wikazamilwa nandighi kuwona mndumu wachalola kuwitesia wandu wa Israeli.

NEHEMIA 4:1

Nao iji Sanbalati wasikira kukaia isi Wayahudi daawuyaagha wurigha, ukazamilwa nandighi, na kudiseka kwa lumenyo.

NEHEMIA 4:7

Ela iji weke Sanbalati na Tobia, na wandu wa Arabia, Amoni, na Ashdodi weresikireghe wei kazi eboisa wurigha ghwa Jerusalemu yaawuyaghenda imbiri na malanga ghaawuyariwa, wikazamilwa nandighi.

NEHEMIA 6:17

Ngelo ihi yose vilongozi va Kiyahudi werekoghe wikiandikiana na Tobia.

ZABURI 109:27

Kuwibonye wamaiza wapo wimanye kukaia ni oho kunikiragha.

ZABURI 126:2

Derechuloghe ni iseko ibaa na kubora kwa kuboilwa. Niko wandu wa mbari zima wikaghora aighu yedu, “BWANA wawibonyera maza mbaa.”

ZABURI 129:5

Awandu wose wizamilwagha ni Sioni, ndewisimo na kuwunjwa nyuma.

ZABURI 147:2

BWANA waiagha sena Jerusalemu; wawiwunja wandu wa Israeli werebarishiroghe.

KUFUMA 14:25

Ukaghikwamisha magurudumu gha magare ghawo hata ghikakaia ghikighenda kwa wasi. Wamisri wikaghamba, “Nndokonyi diwikimbie Waisraeli, angu BWANA wawuyalwa nesi kwa wundu ghwawo.”

JEREMIA 33:9

Na muzi ughu ghuchaniredia kuboilwa, na makaso, na wubaa, imbiri ya mbari rose ra ndoenyi iro richaasikira malagho gha agho mecha ghose nichaawibonyera; nawo wichaobua na kusughusika kwa wundu ghwa kuwona uko kuboa na agho mecha ghose nichaghubonyera ughu muzi.”

MITALO 23:23

Angu ndekuwadie wusawi ghungi ghumloghagha Jakobo, hata ndekuwadie wulaghui ghungi ghoreda wuwiwi aighu ya Israeli anduangi. Na wandu wichaghora aighu ya Israeli, ‘Wonenyi seji Mlungu ubonyere.’

MABONYO GHA WADUMI 5:38

Kwa huwo niamghoria, sighanenyi na awa wandu; ikakaia njama ihi angu kazi ihi ni ya wadamu, ichalema.

JOSHUA 2:11

Diendasikira huwo ngolo redu rikangilwa ni kiture chenyu, hata mndungi ndecheesighwa na wuwana ghungi anduangi; angu BWANA Mlungu onyu nuo Mlungu aighu mlungunyi na ndoenyi wori.

JOSHUA 2:9

ukawizera, “Ini namanya angu BWANA wamneka iji isanga; isi diwose daawuyamuobua, na wandu wose wiko isangenyi wangirilo ni kiture chenyu.

JOSHUA 5:1

Wazuri wose wa Waamori werekoghe cha magharibi kimonu cha Jordani, na wazuri wose wa Kanaani werekoghe kaavui na Bahari ya Mediterania, wiendasikira seji BWANA ughiomeshere machi gha Jordani kwa wundu ghwa wandu wa Israeli hata wikaruwuka, wikafwa ngolo; hata ndeweresigharikieghe na wuing'oni ghungi andenyi kwawo, kwa kuwiobua wandu wa Israeli.