NEHEMIA 6:14 - Biblia Ilagho Jiboie Kwa Wandu Wose

¹⁴ Ngalomba, “Kumbuka agho Tobia na Sanbalati wibonyere ee Mlungu wapo, kuwikabe. Wokoni kuwikabe mlodi wa waka Nodia, na walodi wazima wose awo werekundeghe kuniturusa.”

NEHEMIA 6:14 ပူးပေါင်းရင်းမြစ်များ

NEHEMIA 13:29

Kumbuka ee Mlungu wapo seji awa wandu wailusha kazi ya wukohani na ilaghano ja wukohani na Walawi.

NEHEMIA 5:19

Kukumbuke wucha nibonyere kwa awa wandu ee Mlungu.

ZABURI 137:7

Kumbuka ee BWANA seji Waedomu werebonyereghe ituku Jerusalemu iwadilo. Kumbuka seji werekemieghe, “Ivuchuonyi ivuchuonyi! Vuchuonyi hata mvike msinginyi!”

ZABURI 22:1

Mlungu wapo, Mlungu wapo, kwaki kwanisigha? Kwaki kwakaia kula kuruma kwapo huwu kusenitesiagha?

ZABURI 63:1

Ee Mlungu, oho ko Mlungu wapo, nani nakaia na bea na oho. Nakaia na kau mbaa na oho, karakara na isanga jiomie jisewadie machi.

KUFUMA 15:20

Niko Miriamu mlodi wa waka, mruna Haruni, ukawada kayamba mkonunyi kwake, na waka wose wikamnugha nanyuma wikikaba kayamba na kuvina.

JEREMIA 14:15

Kwa huwo ini BWANA naghora huwu aighu ya walodi awo wilodagha kwa irina japo nisewidumie, wikighora wei ‘Iji isanga ndejichaachelwa ni kifwa cha lufu na njala;’ awo weni wichabwaghwa kwa lufu na njala.

JEREMIA 14:18

Ngaghenda noko cha mbuwenyi, niawona awo wibwaghilo wudenyi; ngawuya mzinyi, niawona awo wibwaghwaa ni njala. Walodi na wakohani wiabonya kazi rawo isangenyi, hata ndewimanyagha ilagho jingi anduangi.”

JEREMIA 28:1

Mwaka ugho ghoni, Zedekia mzuri wa Juda ukizoya kubonya nguma, mori ghwa kasanu ghwa mwaka ghwake ghwa kana, Hanania mwana wa Azuri, mlodi ufumie Gibeoni, ukadedanya na ini andenyi ya Hekalu, imbiri ya wakohani na wandu wose, ukanizera wei,

JEREMIA 28:10

Niko Hanania ukavifunya ivo vilingo va ghongolo verekoghe singonyi kwa mlodi Jeremia, ukavichikanya.

JEREMIA 28:15

Nao mlodi Jeremia ukamzera mlodi Hanania, “Sikira Hanania, BWANA ndekudumie kungi, na oho kwawibonya wandu awa wirumirie malagho gha tee.

MATHAYO 24:11

Wichawuka walodi wa tee wengi, nawo wichawilaghasha wandu wengi.

MATHAYO 24:24

Angu wichawuka weke Kristo wa tee na walodi wa tee; wichawonyera weke mwakilimbiti wengi na mashiniko; wipate kuwilaghasha ngera idimika hata awo wasaghulwa.

MATHAYO 7:15

“Mkulindie na walodi wa tee. Awo wadacha wikiwoneka sa ng'ondi, ela kondenyi kwawo weeka sa vikwau vibirie.

2 TIMOTHEO 3:8

Na sa iji koni Jane na Jambre weremtangalieghe Musa, niko koni na awo wandu wiitangalagha ija loli; wandu winonekie vongo, wiko na irumirio ja tee.

1 JOHANE 5:16

Mndungi ukammbona mruna ukibonya kaung'a iseko ya kifwa, uchalomba, na Mlungu uchamneka irangi uo ubonyere kaung'a iseko ya kifwa. Eko kaung'a ya kifwa; nani sighambagha wei mundu ulombe kwa iyo.

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.