NEHEMIA 6:12 - Biblia Ilagho Jiboie Kwa Wandu Wose

¹² Ela nacheemanya kukaia Mlungu nderemdumieghe Shemaia kungi; odetuwa ni Tobia na Sanbalati unituruse kwa ugho wulodi.

NEHEMIA 6:12 ပူးပေါင်းရင်းမြစ်များ

NEHEMIA 6:11

Ela ngatumbulia, “Mundu sa ini nadima kukimbia na kukuvisa? Kuaghesha nadima kutima kwendakira irangi japo kwa kukuvisa Hekalunyi? Sibonyagha huwo kungi.”

NEHEMIA 6:13

Wedemkodisha unituruse nibonye kaung'a, eri winone ishima japo na kunifusha waya.

ISAYA 56:11

Wakaia sa koshi riwadie lwafuo, wandu wisekatwagha jingi. Awo ni walisha wisewadie kumanya kungi, wose waghalukie kula mundu chia yake, kula mundu ukikulolia fwaida rake moni kwa kula chia.

JEREMIA 14:14

Ela BWANA ukatumbulia, “Awo walodi waawuyaghora tee kwa irina japo; siwidumie kungi, hata siwilaghirie angu kudedanya nawo hata ilagho jimweri. Mawono wawuyaghighora ndeghifumie kwapo; malodi ghawo ndeghine fwaida weeghidunga weni.

JEREMIA 23:16

BWANA wa majeshi waghora huwu, “Msesikire malagho gha walodi wimloderagha wikimneka isuwirio ja tee; waawuyaghora malagho gha akili rawo reni, ndeghifumie momunyi kwapo anduangi.

JEREMIA 23:25

Namerie kusikira malagho gha walodi wifunyagha wulodi ghwa tee kwa irina japo wikighamba, ‘Nalodere ndodo! Nalodere ndodo!’

JEREMIA 28:15

Nao mlodi Jeremia ukamzera mlodi Hanania, “Sikira Hanania, BWANA ndekudumie kungi, na oho kwawibonya wandu awa wirumirie malagho gha tee.

EZEKIELI 13:19

Mwamerie kunilusha aghadi ya wandu wapo kwa wundu ghopata shairi ndinieri na vipande va mkate, nenyo mkawibwagha wandu wiserekoghe wefwa, na kuwisigha awo wandu werekoghe wefwa wikaie moyo, kwa chia ya tee renyu kwa wandu wapo, awo wawuyasikira tee renyu.

EZEKIELI 13:22

Kwa kukaia mwam'bwaghie ngolo mhachi kwa tee renyu, ini nisem'bwaghie ngolo; na kumkumba ngolo mmbiwi useghaluke na kughusigha wuwiwi ghwake ukire irangi jake.

EZEKIELI 13:7

Wele huwo ndemoowona mawono ghiseko gha loli, na kulaghua malagho gha tee iji mghoragha, ‘BWANA waghamba’ sena niseghorie ilagho jingi anguwada?”

MIKA 3:11

Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

MABONYO GHA WADUMI 20:33

Serebonyereghe iriso kwa feza, angu dhahabu, hata marwao gha mndungi anduangi.

1 WAKORINTHO 12:10

mzima ukaanekwa inosi jebonya weke mwakilimbiti, mzima ukaanekwa kuchila, mzima ukaanekwa inosi jetambua manosi gha Roho, mzima ukaanekwa kudeda na viteto vizima-vizima, na mzima ukaanekwa kughalusa viteto.

1 WAKORINTHO 2:15

Mundu wa kiroho wadatanya maza rose, ela uo moni ndetanywagha ni mndungi.

1 TIMOTHEO 3:3

useko mmbongeri, useko mundu wa wuda, ela mmboa; usekaie orasha wandu, hata ulakie na pesa.

TITO 1:7

Angu mzighaniri wa ikanisa sa mdumiki wa Mlungu, suti ukaie mundu usewadie ikosa jingi; usekaie ukukasire, angu ojokwa ni machu shwa-shwa, angu mmbongeri, angu mundu otumia ndighi, angu iriso ja fwaida isefwanagha.

1 PETRO 5:2

Lishenyi chagha cha Mlungu chiko aisi ya wuzighaniri ghonyu. Si kwa kufungishwa ndighi anduangi, ela kwa kukunda; si kwa kulola fwaida isefwane, ela kwa ngolo ielie;

2 PETRO 2:3

Na kwa lwafuo lwawo wichamkalia, eri wikupatire weni fwaida. Kufuma kala Mtanyi wawo oko aeni, na Mtoteshi wawo ndelalagha anduangi.

1 JOHANE 4:1

Wakundwa, msakeirumiria kula Roho, ela muritime-time iro roho, mpate kuwona ngera ni ra Mlungu; angu walodi wa tee wengi wafumirikie, na kuwoneka wurumwengunyi.

WUFUNUO 18:13

mdalasini, vilungo, marumba, manemane, ubani, divei, mavuda, mufu ghwa ngano, na ngano; ng'ombe, ng'ondi, farasi, na magare gha chuma, na wazumba, nawo ni wandu.