NEHEMIA 6:1 - Biblia Ilagho Jiboie Kwa Wandu Wose

¹ Sanbalati, na Tobia, na Geshemu Muarabu, na wamaiza wedu wazima wikaghorelwa kukaia damerie kughuagha wurigha na ilanga jingi ndejisigharikie hata ngera derekoghe disengirie minyango ya mbengenyi ngelo rija.

NEHEMIA 6:1 ပူးပေါင်းရင်းမြစ်များ

NEHEMIA 13:4

Mkohani Eliashibu, uo orekoghe mzighaniri wa vumba va vilambo va Hekalu, oresikiraneghe na Tobia kwa ngelo ndacha.

NEHEMIA 2:10

Ela iji Sanbalati mundu wa Beth-Horoni wasikira na Tobia m'baa wa isanga ja Amoni, wikazamilwa nandighi kuwona mndumu wachalola kuwitesia wandu wa Israeli.

NEHEMIA 2:19

Ela iji Sanbalati Mhoroni, na Tobia m'baa wa isanga ja Amoni, na Muarabu uwangwaghwa Geshemu wiendasikira huwo, wikadiseka na kudimenya wikighamba, “Niki ichi mwawuyabonya? Mwawuyamlegha mzuri?”

NEHEMIA 3:1

Huwu niko wurigha ghwa muzi ghoreaghiloghe sena. Mkohani m'baa Eliashibu orewukieghe chiaimweri na wakohani wambao wikaagha Mbenge ya Ng'ondi sena; wikaiwika wakfu, na kungira minyango yaro. Wikawika wakfu hata Mnara ghwa Ighana na Mnara ghwa Hananeli.

NEHEMIA 3:3

Kivalwa cha Hasenaa wereaghieghe Mbenge ya Samaki; wikabonya ighombo jaro; wikangira minyango ya mbenge na vuma varo verugha.

NEHEMIA 3:6

Joida mwana wa Pasea na Meshulamu mwana wa Besodeia wereboisireghe Mbenge ya Kala; wikabonya ighombo, wikangira minyango na vuma varo verugha.

NEHEMIA 4:1

Nao iji Sanbalati wasikira kukaia isi Wayahudi daawuyaagha wurigha, ukazamilwa nandighi, na kudiseka kwa lumenyo.

NEHEMIA 7:1

Idana wurigha ghwameria kuaghwa sena, na mbenge kuwikwa; walindiri Hekalu wawikwa, wabori na Walawi wawikwa.

DANIELI 9:25

Kwa huwo kumanye sena kutambukilo kukaia, kufuma momu ghwafunywa Jerusalemu iagho sena, hata kucha kwa mshingwa mavuda, uo m'bonyi nguma, ichakaia ni miaka mfungade mando mfungade. Sena kwa miaka mirongo irandadu na iwi mando mfungade, ichaaghwa sena na chia rake mbaa, na mahandaki, elaima kwa wasi.