NEHEMIA 5:9 - Biblia Ilagho Jiboie Kwa Wandu Wose

⁹ Niko ngaghamba, “Agho malagho mwawuyabonya ndeghiboie! Yafwane kughenda kwa kum'bonyera Mlungu ishima, eri mghirie wandu wa iro mbari zima, awo wiko wamaiza wedu wisediseke.

NEHEMIA 5:9 ပူးပေါင်းရင်းမြစ်များ

KUZOYA 20:11

Abrahamu ukamzera, “Nedeghesha wei wandu ndewimuobuagha Mlungu aha, nawo wichanibwagha kwa wundu ghwa muka wapo.

KUZOYA 42:18

Nao ituku ja kadadu Josefu ukawizera, “Ini namuobuagha Mlungu, bonyenyi huwu mpate kukaia moyo:

2 SAMUELI 12:14

Elaima, angu kummenyere BWANA nandighi kwa ibonyo ijo, uo mwana kuvailo uchafwa.”

NEHEMIA 4:4

Ngalomba ngighamba, “Sikira seji widimenyagha ee Mlungu, lumenyo lwawo luwiwurie weni. Kuwibonye wisoko vilambo vawo, sena widwalo wunyika.

NEHEMIA 5:10

Nawirumirie wandu wikope pesa na viro kufuma kwapo. Wangara wapo na wadumiki wapo wadabonya woruwo. Sighenyi uku kuvara fwaida.

NEHEMIA 5:15

Kula m'baa wa awo werekoghe imbiri yapo, werewidukishireghe wandu misigo ilemere, nawo werekoghe wikiwusa kufuma kwa wandu vindo na divei, kula na vibelele va feza mirongo ina. Hata wadumiki wawo werekoghe wikiwikoronga wandu. Ela ini serebonyagha huwo angu neremuobueghe Mlungu.

ZABURI 90:11

Nani uichi ndighi ra machu ghako? Nani umanyagha lubio lwako seji kuobolo?

MAKATANISHO 16:29

Mundu otumia ndighi wadamkalia mmbao, umnughe kwa chia rake riseboie.

MAKATANISHO 17:26

Si hachi kumdumbua faini mundu usene ikosa; ni ikosa kumkaba mundu wa ishima.

MAKATANISHO 18:5

Si nicha kumdawiria mmbiwi, na kumuima hachi mundu usena ikosa.

MAKATANISHO 19:2

Ndeiboie mundu kusowa kumanya; mundu wa shwa-shwa wadakungira ndengonyi.

MAKATANISHO 24:23

Agha malagho nagho gheeghorwa ni wandu wa hikima: Kutanya wandu kwa kutalana ndekuboie.

EZEKIELI 36:20

Ela andu kose wereghendieghe kwa iro mbari ra wandu, werejilushireghe irina japo jielie; na kwa wundu ugho, wandu wikakaia wikiwizera, ‘Awa ni wandu wa BWANA, ela sena ikakaia wifume isangenyi kwake.’

WALAWI 25:36

Kusewuse fwaida iyo yose kufuma kwake, ela oho kumuobuo Mlungu, kumsighe mmbenyu ukaie kaavui na oho.

MABONYO GHA WADUMI 9:31

Niko ikanisa jikakaia na sere Judea kose, Galilaya na Samaria, jikiaghika kiroho; najo jikighenda imbiri kwa kumuobua Bwana, na kuhoreshwa ni Roho Mweli, jikachurikia.

WAROMA 2:24

Sa iji iandikilo “Irina ja Mlungu jasholelwa aghadi ya wandu wa mbari zima kwa wundu ghonyu.”

1 TIMOTHEO 5:14

Kwa wundu ugho, niawona waka wifuilo ni womi wawo wiko watini, wilowolo, wive wana, wiribonyere nguma nyumba rawo; wisechemneka mmaiza wulalo ghodisholia.

TITO 2:5

wikaie na akili, wielie, wezighana kazi ra nyumbenyi, wikaie wecha, wekusera kwa womi wawo; eri ilagho ja Mlungu jisepate kumenywa.

1 PETRO 2:12

Mkaie na tabia ndicha aghadi ya wandu wa mbari zima; eri wikakaghora aighu yenyu wei mo wabonyi kiwiwi, wiriwone kazi renyu riboie, na kumkasa Mlungu ijo Ituku uchagha.

1 SAMUELI 2:24

Huwo siko kungi wana wapo; maza nawuyarisikira rikiereshwa ni wandu wa BWANA nderiboie kungi.