NEHEMIA 5:5 - Biblia Ilagho Jiboie Kwa Wandu Wose

⁵ Idana isi deeka karakara na wambedu Wayahudi, na wana wedu weeka sa wana wawo; ela sena daawuyawifungisha ndighi wana wedu wa womi na wa waka kuwuya wazumba, na wai wamu wedu wamerie kubonywa wazumba; ela isi ndediwadie ndighi retesia ilagho iji, kwa kukaia mbuwa redu na mbuwa redu ra mizabibu ramerie kuwuswa.”

NEHEMIA 5:5 ပူးပေါင်းရင်းမြစ်များ

KUZOYA 29:14

Labani ukamzera, “Loli ko bagha yapo cheni.” Nao ukakaia kwake mori ghumweri.

KUZOYA 37:27

Nndokonyi dimuuze kwa awa Waishmaeli, disem'bonye ilagho jingi angu uo ni mwanidu, bagha yedu cheni.” Waruna wikarumiria.

2 WAZURI 4:1

Muka umu wa kipughi cha walodi ukacha kwa Elisha ukamzera, “Mdumiki wako mumi wapo wafue; na oho kwaichi kukaia uo orekoghe muoboi Mlungu. Ela idana, mndumu oremlawiagha wacha, nao ookunda kuwusa wana wapo wawi wa womi wiwuye wazumba wake.”

MAKATANISHO 22:7

Wazuri wa mali wadawibonyera nguma wakiwa; mkopi ni mzumba wa mkopeshi.

ISAYA 50:1

BWANA waghamba, “Barua ewilegha wandu wapo sa etana na muka eko hao? Na ikakaia nimuuzire wuzumbenyi, namuuzire kwani? Olenyi ni kwa wundu ghwa kaung'a renyu niko moreuziroghe wuzumbenyi; ni kwa wundu ghwa makosa ghenyu niko morelegheloghe.

ISAYA 58:7

Nechi ni kummbaghia vindo vako uo usowie, na kumngira nyumbenyi kwako uo mkiwa usena wulalo; na iji kwammbona mundu uko duu, kumrushe nguwo, hata kuseleghe kumtesia mndungi wa kichuku chako.

MATHAYO 18:25

Ela uja mdumiki nderekoghe na kilambo chingi chemlipa anduangi; kwa huwo bwana wake ukafunya momu uo mdumiki uuzo, na mkake, na wana wake, chiaimweri na vilambo vake vose orekoghe navo upate kuilipa ija sile.