NEHEMIA 4:7 - Biblia Ilagho Jiboie Kwa Wandu Wose

⁷ Ela iji weke Sanbalati na Tobia, na wandu wa Arabia, Amoni, na Ashdodi weresikireghe wei kazi eboisa wurigha ghwa Jerusalemu yaawuyaghenda imbiri na malanga ghaawuyariwa, wikazamilwa nandighi.

NEHEMIA 4:7 ပူးပေါင်းရင်းမြစ်များ

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

2 WAZURI 24:2

BWANA ukamdumia Jehoiakimu majeshi gha Wakalidayo, na majeshi gha Wasiria, na majeshi gha Wamoabu, na majeshi gha Waamoni eri Juda ipate kutoteshwa kunughana na ilagho ja BWANA jighorelo ni wadumiki wake walodi.

2 MALAGHO GHA NGELO 20:1

Nao nyuma ya agho, Wamoabu, na Waamoni, na wandu wamu wa Wamueni, wikacha kubonya wuda na Jehoshafati.

EZRA 5:8

Dereghendieghe isanga ja Juda ee mzuri, dikakua Hekalu ya uo Mlungu m'baa ikiaghwa na magho mabaa na mbau rawikilo wurighenyi. Kazi iyo yawuyabonywa kwa wuya m'baa, nayo yawuyaendelia nicha.

NEHEMIA 2:10

Ela iji Sanbalati mundu wa Beth-Horoni wasikira na Tobia m'baa wa isanga ja Amoni, wikazamilwa nandighi kuwona mndumu wachalola kuwitesia wandu wa Israeli.

NEHEMIA 2:19

Ela iji Sanbalati Mhoroni, na Tobia m'baa wa isanga ja Amoni, na Muarabu uwangwaghwa Geshemu wiendasikira huwo, wikadiseka na kudimenya wikighamba, “Niki ichi mwawuyabonya? Mwawuyamlegha mzuri?”

NEHEMIA 4:1

Nao iji Sanbalati wasikira kukaia isi Wayahudi daawuyaagha wurigha, ukazamilwa nandighi, na kudiseka kwa lumenyo.

NEHEMIA 4:6

Niko dikaagha wurigha ghukadungana; ghukavika nusu ya wuighu ghwaro; angu wandu werekoghe na ngolo ya kazi.

NEHEMIA 4:8

Wikabonya njama echa kulwa na Jerusalemu na kungira fujo andenyi.

NEHEMIA 6:16

Wamaiza wedu wa mbari ra wandu widimarie wiendasikira huwo, wikaobua na kufwa waya; angu werewonieghe worinyi kukaia kazi ihi edemerelwa kwa wutesia ghwa Mlungu odu.

JEREMIA 25:20

na wandu wose wa kighenyi wiko aghadi kwawo, wazuri wose wa isanga ja Uzi na wazuri wose wa isanga ja Wafilisti (Ashkeloni, Gaza, Ekroni, na masighariko gha wandu wa Ashdodi);

JEREMIA 41:10

Niko Ishmaeli ukawidwa wunyika wandu wose werekoghe Mispa, na wai wa mzuri, na wandu wose weresigharikieghe Mispa, awo weresighiloghe mikonunyi kwa Gedalia mwana wa Ahikamu ni Nebuzaradani uja m'baa wa majeshi; awo wose Ishmaeli mwana wa Nethania ukawidwa wunyika, ukazoya charo cheruwuka cha kwa Waamoni.

AMOSI 1:13

BWANA waghamba, “Wandu wa Amoni wabonyere kaung'a sena na sena; kwa wundu ugho nichawikaba. Wuda ghwawo ghokunda kuchuria isanga warashue waka wa Gileadi wiko na vifu.

AMOSI 1:8

Nichawiinja wabonyi nguma wa mizi ya Ashdodi na Ashkeloni. Nichawikaba wandu wa Ekroni, na masighariko gha Wafilisti wose wichafwa.”

AMOSI 3:9

Tangazirenyi wandu wikaiagha ngome ra Ashdodi na ngome ra isanga ja Misri muwizere, “Kwanyikenyi aighu ya mighondi ya Samaria; mzighane iyo ndoghoi iko aho, na makorongo ghawuyabonyeka aghadi yaro.”

MABONYO GHA WADUMI 5:33

Nao iji wandu wa mwandu wasikira malagho agho, wikajokwa ni machu loli-loli, wikakunda kuwibwagha.

WUFUNUO 12:17

Niko iyo choka ikam'bonyera machu uo muka, ikaghenda kubonya wuda na kivalwa chake chisigharikie; awo wandu wiiwadiagha memu ya Mlungu na awo wiko na wushuhuda ghwa Jesu. Nayo ikakaia kimusi a msangaghenyi ghwa bahari.

1 SAMUELI 11:2

Ela uo Nahashi, Muamoni ukawizera, “Neko tayari dibonye mapatano kwa masharti agha: Kula umu onyu urumirie kukulwa iriso jake ja kiwomi, na kwa chia iyo nichawibonya Waisraeli wiwoneke kukaia si kindo chingi.”