NEHEMIA 4:2 - Biblia Ilagho Jiboie Kwa Wandu Wose

² Ukaghora imbiri ya wangara wake na ijeshi ja Samaria, “Awa Wayahudi wanyonge wibonyaki aha? Loli wiagha muzi ghwawo? Wiaghesha wikafunya kizongona wimeria kughuagha kwa ituku jimweri? Wadima kughiwusira magho ghikorelo ghikawuya vitungu va wuchafu?”

NEHEMIA 4:2 ပူးပေါင်းရင်းမြစ်များ

EZRA 4:4

Niko wandu werekoghe wikakaia isangenyi wikawoka kuwibwagha ngolo wayahudi na kuwibonya wiobuo kuagha.

NEHEMIA 12:27

Ngelo ya kughuwika wurigha ghwa muzi ghwa Jerusalemu wakfu, werewilolieghe na kuwireda Walawi Jerusalemu kufuma andu kose werekoghe wikikaia wichebonya ndima ewika wurigha wakfu kwa kuboilwa, na kufunya chawucha, na kubora kwa kayamba, na kinubi, na zeze.

NEHEMIA 12:43

Ituku ijo wandu wikafunya vizongona vingi kwa kuboilwa kubaa, ungi Mlungu orewinekieghe kuboilwa kubaa. Waka na wanake wori wereboiloghe. Ndoghoi ya maboilo agho ikasikirika kula.

NEHEMIA 4:10

Wandu wa Juda wikabora lumbo lunughagha, “Wandu weduka mizigo wasilwa ni ndighi, na wuchafu ni mungi; ndedidimagha kubonya kazi wurighenyi.”

NEHEMIA 6:15

Nyuma ya matuku mirongo misanu na awi gha kazi, wurigha ghose ghukamerelwa ituku ja mirongo iwi na isanu ja mori ghwa Eluli.

ZABURI 83:4

Waghamba, “Choonyi diimerie imbari putu, na irina ja Israeli jisewuekumbukwa sena.”

JEREMIA 26:18

“Mika wa Moreshethi orefunyireghe wulodi matuku gha Hezekia mzuri wa Juda, ukawizera wandu wose wa Juda, ‘BWANA wa majeshi, waghamba huwu, Sioni ichalimwa sa mbuwa, Jerusalemu ichawuya kitungu cha maghacho na mghondi ghwa Hekalu ghuchawuya msidu.’

JEREMIA 33:24

“Welee, ndekuzighanire kukamanya seji awa wandu wawuyaghamba wei, ‘BWANA wamerie kuvilegha ivi vinyumba viwi orevisaghueghe?’ Na huwo wawimenyere wandu wapo hata ndewiduagha wikiwoneka sa mbari mesonyi kwawo.

DANIELI 9:25

Kwa huwo kumanye sena kutambukilo kukaia, kufuma momu ghwafunywa Jerusalemu iagho sena, hata kucha kwa mshingwa mavuda, uo m'bonyi nguma, ichakaia ni miaka mfungade mando mfungade. Sena kwa miaka mirongo irandadu na iwi mando mfungade, ichaaghwa sena na chia rake mbaa, na mahandaki, elaima kwa wasi.

HABAKUKI 3:2

Ee BWANA, nasikire malagho ghako kubonyere, nani naawuyaobua. Idana wuria kuribonya iro kazi matuku ghedu, iro kazi koreribonyereghe matuku gha kala. Ngelo kwakaia na machu, kukumbuke angu koko wa wughoma.

ZEKARIA 12:8

Ituku ijo, ini BWANA nichawilindia wandu wikaigha Jerusalemu; hata uo uko mnyonge putu aghadi yawo uchakaia na ndighi sa ra Daudi, na wandu wa kivalwa cha Daudi wichalongoza sa malaika wa BWANA, nawo wichakaia sa Mlungu.

ZEKARIA 4:10

Wandu wichafwa ngolo kwa kuwona kazi ya iaghi ikighenda mboa-mboa. Ela wichammbona Zerubabeli ukiiagha Hekalu, nawo wichaboilwa.” Malaika ukanizera, “Iro taa mfungade, ni meso mfungade gha BWANA ghizighanagha ndoenyi kose.”

1 WAKORINTHO 1:27

Ela Mlungu orechisaghueghe icho chiwonekagha cha wukelu wurumwengunyi, uwonechifusha waya icho cha hikima; ukasaghua icho chisewadie ndighi wurumwengunyi, uwonechifusha waya icho chiko na ndighi.