NEHEMIA 4:14 - Biblia Ilagho Jiboie Kwa Wandu Wose

¹⁴ Nerewonieghe kukaia wandu wakaia na wowa. Ngawuka na kuwizera vilongozi, na wabaa, na wandu wazima wose, “Msakewiobua wamaiza wedu. Kumbukenyi seji BWANA uko m'baa, oobosha, muwilue wanyinyu na wana wenyu wa womi, na wa waka, waka wenyu na mizi yenyu.”

NEHEMIA 4:14 ပူးပေါင်းရင်းမြစ်များ

2 SAMUELI 10:12

Kukaie na ngolo, dilo kiwomi kwa wundu ghwa wandu wedu na kwa wundu ghwa mizi ya Mlungu odu; BWANA ndebonye ijo ujiwonagha nicha kwake.”

2 MALAGHO GHA NGELO 32:7

“Mkaie na ndighi na ngolo mbaa. Msakeobua hata msekaie na kiture chingi imbiri ya mzuri wa Ashuru na awo wandu wikwanye; angu oko umu dikwanye uko m'baa kumchumba.

NEHEMIA 1:5

“Ee BWANA Mlungu wa mlungunyi, oho koko m'baa, nesi dadakuobua na ndighi. Kwadajimangisha ilaghano jako kwa awo wikundagha na kuiwadia memu yako.

AYUBU 37:22

Mlungu wacha kufuma kaskazinyi na kughoka sa kwa dhahabu; wacha na wubaa ghoobosha.

ZABURI 143:5

Nakumbuka matuku ghiidie; naghiririkanya ghose kubonyere naghikumbuka mabonyo ghako ghose.

ZABURI 20:7

Wandu wamu wadakukasa na magare, na wamu na farasi, ela isi dichakukasa na ndighi ra BWANA Mlungu odu.

ZABURI 27:1

BWANA nuo mwengere ghwapo na kukia kwapo, nani nichaamuobua? BWANA ni ngome imange ya irangi japo, nani uchaanikumba wowa?

ZABURI 46:11

BWANA wa majeshi okwanye nesi, Mlungu wa Jakobo nuo andu kodu kokimbiria.

ZABURI 65:5

Oho kwadaditumbulia kwa kudineka wusimi kwa chia ya mabonyo ghako gheobosha, ee Mlungu wa kukia kodu; oho kuko isuwirio ja ndoenyi kose, na andu kuko kula na ndighi kwa bahari.

ZABURI 66:3

Ghambenyi kwa Mlungu, “Mabonyo ghako ni gha mashiniko saki! Ndighi rako ni mbaa hata wamaiza wako wiakughoghomia.

ZABURI 66:5

Choonyi mmbone seji Mlungu ubonyere: mabonyo ghake ghiaobosha wandu.

KUFUMA 14:14

BWANA uchamluya, na inyo mchakaia kima.”

KUFUMA 14:25

Ukaghikwamisha magurudumu gha magare ghawo hata ghikakaia ghikighenda kwa wasi. Wamisri wikaghamba, “Nndokonyi diwikimbie Waisraeli, angu BWANA wawuyalwa nesi kwa wundu ghwawo.”

MCHILI 12:1

Kwa huwo kumkumbuke Muumbi wako ngelo kuko mdawana; imbiri matuku na miaka ya wasi isechee; ingelo kuchaaghora “Siwueboilwa ni irangi.”

DANIELI 11:32

Uchawighalua kwa mikalo awo wandu wisighie jija ilaghano ja wueli; ela awo wandu wimwichi Mlungu wawo wichafunga ndighi kujidederia.

ZEKARIA 14:3

Niko BWANA uchaghenda kulwa na iro mbari ra wandu seji orelwagha ngelo riidie.

MITALO 14:9

Inyo ni bora msemleghe BWANA, hata msewiobuo waisanga waro, angu awo ni sa vindo vedu; ndewiwadie wulindiri ghungi, ela BWANA oko andwamweri nesi; msakewiobua.”

MATHAYO 10:28

Msakewiobua awa wibwaghagha mumbi wisedimagha kubwagha roho; ela muobuonyi uo udimagha kubwagha roho na mumbi kwa jehanamu.

WUKUMBUSO 1:21

Wonenyi BWANA Mlungu onyu wammbikia isanga imbiri konyu; jokenyi mujiwade sa iji koni BWANA Mlungu wa weke ndeyo umzerie; msakeobua hata msakefwa ngolo.’

WUKUMBUSO 10:17

Angu BWANA Mlungu onyu ni Mlungu wa milungu, na BWANA wa weke bwana; ni m'baa wa kudima, nao ni Mlungu oobosha; usemtalagha mndungi kuchumba mmbao, hata ndehongwagha anduangi.

WAEBRANIA 13:6

Niko dadima kughamba kwa wuwana, “Bwana nuo mtesia wapo, sichaaobua anduangi; mdamu wadima kunibonya wada?”

JOSHUA 1:9

Nechi nakulaghira too. Kukaie na ndighi sena kukaie ing'oni; kusakeobua hata kufwa ngolo, angu Ini BWANA Mlungu wako, nichakaianya na oho andu kose kuchaaghenda.”

WATANYI 3:27

Hata iji orevikieghe isanga ja mighondinyi ja Efraimu, ukakaba tarumbeta kuwiwanga wandu wa Israeli kwa wuda; ukawighenja nokoisi kufuma mighondinyi.