NEHEMIA 3:15 - Biblia Ilagho Jiboie Kwa Wandu Wose

¹⁵ Shalumu mwana wa Kolhoze, m'bonyi nguma wa isanga ja Mispa, oreaghieghe Mbenge ya Ndoria, ukaifinikira; ukangira minyango na vuma varo verugha. Ukaagha wurigha ghwa Kiriwa cha Shela kaavui na mbuwa ya mzuri, hata kuvikia viluwatiro viseagha kufuma Muzi ghwa Daudi.

NEHEMIA 3:15 ပူးပေါင်းရင်းမြစ်များ

2 SAMUELI 5:9

Nyuma ya Daudi kuwada ugho muzi, ukaghuwanga “Muzi ghwa Daudi.” Niko Daudi ukaagha ugho muzi chia rose kufuma Milo hata kondenyi.

2 WAZURI 25:4

Hata ngera Wababuloni werekoghe waghurughaia ugho muzi, ela wurigha ghwa muzi ghorechikanyiroghe, na masikari ghose ghikakimbia nakio kwa chia ya mbenge ghadi na ghadi ya mawurigha awi, mbuwenyi kwa mzuri; wikaghenda kwa kunugha chia ya Vololo ya Jordani.

2 MALAGHO GHA NGELO 32:30

Uo Hezekia nuo moni orevingieghe mkua ghwa lughu ghwa machi gha Gihoni, na kughighalua ghiserie na luwaru lwa magharibi lwa muzi ghwa Daudi. Hezekia ukawona nicha kwa kazi rake rose.

NEHEMIA 12:37

Wiendavika Mbenge ya Ndoria, wikajoka na viluwatiro vejoka cha muzi ghwa Daudi; wikaida ngome ya Daudi na kuwuya cha Mbenge ya Machi iichia cha mashariki ya muzi.

NEHEMIA 2:14

Niko ngaghenda cha kaskazinyi hata Mbenge ya Ndoria na kuvika Kiriwa cha Mzuri; ela iyo nyamandu nereijokieghe ikalemwa ni kuida.

NEHEMIA 2:17

Niko ngawizera, “Mwawona wasi diko nagho, seji Jerusalemu ivuchukie, na mbenge raro rikorelo! Nndokonyi dighuaghe wurigha ghwa Jerusalemu diseduo na ughu waya.”

NEHEMIA 3:12

Shalumu mwana wa Haloheshi m'bonyi nguma wa nusu ya isanga ja Jerusalemu oreaghieghe andu kumu, wikateselwa ni wai wake.

NEHEMIA 3:14

Malkija mwana wa Rekabu m'bonyi nguma wa isanga ja Beth-hakeremu oreiaghieghe Mbenge ya Wuchafu, na kuingiria minyango na vuma varo verugha.

NEHEMIA 3:19

Ezeri mwana wa Jeshua, m'bonyi nguma wa Mispa ukaagha luwaru lunughie naimbiri ya nyumba ya maswagha, hata andu wurigha ghughalukiagha.

NEHEMIA 3:7

Melatia ufumie Gibeoni na Jadoni ufumie Meronothi, na wandu wifumie Gibeoni na Mispa wikaagha luwaru lunughie kuvikia andu m'baa wa isanga jiko magharibi ya Moda ghwa Eufrate ukaiagha.

NEHEMIA 3:9

Refaia mwana wa Huri, m'bonyi nguma wa nusu ya isanga ja Jerusalemu, ukaagha andu kumu.

MCHILI 2:6

Nabonyere visima venyoshera midi niiwae.

ISAYA 8:6

“Kwa kukaia wandu awa waleghie machi gha Shiloa ghiseagha mboa, na wulalo ghwaro wiasughusikia Mzuri Resini na Mzuri Peka mwana wa Remalia,

JEREMIA 40:6

Nao ngaghenda kwa Gedalia mwana wa Ahikamu aho Mispa, ngakaia nao aghadi ya wandu weresigharikieghe isangenyi.

LUKA 13:4

Angu, awo ikumi na wunyanya wereghuloghe ni mnara aja Siloamu ghukawibwagha, muaghesha wedeeka wawiwi kuchumba wandu wazima wose werekaieghe Jerusalemu?

JOHANE 9:7

ukamzera, “Ghenda ndiwa ya Siloamu, kuoghe wushu” (kutambua kwaro irina ijo ni “Udumilo.”) Nao ukaghenda ukaogha, ukawuya ukiwona.

WATANYI 20:1

Niko wandu wa Israeli wose wikafuma sa mundu umweri kufuma Dani hata Beer-sheba, chiaimweri na isanga ja Gileadi; ijo izungu jikakwanyika imbiri ya BWANA aho Mispa.

WATANYI 20:3

(Wabenjamini wikasikira kukaia wandu wa Israeli wajoka hata Mispa). Wandu wa Israeli wikaghamba, “Mudighorie wuwiwi ughu ghwabonyekie wada?”