NEHEMIA 2:5 - Biblia Ilagho Jiboie Kwa Wandu Wose

⁵ ngamzera mzuri, “Kukawona nicha ee mzuri, na ini mdumiki wako ngarumirikia mesonyi kwako, kunineke rusa nighende isanga ja Juda, ugho muzi niendeghuagha.”

NEHEMIA 2:5 ပူးပေါင်းရင်းမြစ်များ

2 SAMUELI 14:22

Nao Joabu ukaghwa kiwushu-wushu na kudunga wushu ghwake andonyi kwa ishima, ukamkuma mzuri ukighamba, “Idime iji ini mdumiki wako namanya angu narumirikia imbiri kwako bwana wapo mzuri angu kwaghirumiria malombi ghapo ini mdumiki wako.”

EZRA 5:17

“Kwa huwo kukawona nicha ee mzuri wandu ndewizighane aghadi ya vilambo va kala va kiwuzuri wiwone ngera gheko malaghiro gherefunyiroghe ni Mzuri Koreshi ghikundagha Hekalu ihi iko Jerusalemu iagho sena; nao kudighorie lukundo lwako aighu ya ilagho iji.”

NEHEMIA 2:4

Niko mzuri ukanikotia, “Da kwakunde wada?” Nao ngamlomba Mlungu wa mlungunyi,

NEHEMIA 2:6

Mzuri, malkia ukikaia kidombo na mbai kwake, ukarumiria ilombi japo. Ukanikotia, “Charo chako chidwa ngelo ing'ane wada na ni lii kuwuyagha?” Mzuri ukarumiria kunineka rusa, nani ngawika ngelo.

ESTA 1:19

Idana iji kwakunda ee mzuri, kufunye momu Malkia Vashti useche kwako sena. Momu ugho ghuandiko kuinugha sharia ya Pashia na Media iseghalukagha, na ughu wumalkia kumneka muka mzima ufwanagha.

ESTA 5:8

Ikakaia kwanirumiria ee Mzuri, na iji kwakunda kunikatishira malombi ghapo, nakulomba sena oho na Hamani muche kwa vindo va nakenyi nichaam'boisira kesho. Ngelo iyo niko nichaakumanyisha ichi nikunde.”

ESTA 7:3

Niko Malkia Esta ukamtumbulia, “Ngera loli narumirikia imbiri kwako ee mzuri, iji kwakunda, haja yapo ni ini moni nikaie moyo, na ilombi japo ni wandu wapo nawo wikaie moyo.

ESTA 8:5

“Kukakunda ee mzuri, na ikakaia niwonekagha mucha mesonyi kwako, iji kwakunda, nakuvoya kufunye momu ghoinja jija itangazo jerebonyeroghe ni Hamani mwana wa Hamedatha, wa kivalwa cha Agagi, jerepangiloghe kukaia Wayahudi wose wiko andenyi ya masanga ghako wibwagho na kumerelwa.

MAKATANISHO 3:4

Kwa chia iyo kucharumirikia, na kukaia na sare iboie imbiri ya Mlungu na wandu.

DANIELI 9:25

Kwa huwo kumanye sena kutambukilo kukaia, kufuma momu ghwafunywa Jerusalemu iagho sena, hata kucha kwa mshingwa mavuda, uo m'bonyi nguma, ichakaia ni miaka mfungade mando mfungade. Sena kwa miaka mirongo irandadu na iwi mando mfungade, ichaaghwa sena na chia rake mbaa, na mahandaki, elaima kwa wasi.

MATHAYO 23:27

“Ni bugha inyo walimu wa Sharia na Mafarisayo, waji-kuwi! Angu mwafwanana na makaburi ghikabilo chokaa, nagho ghawoneka ghighokie cha shighadi, ela kondenyi ghachua maindi gha wafu na kula wuchafu.

RUTHU 2:13

Ruthu ukamtumbulia, “Kwanibonyera wucha mungi nandighi bwana wapo, kwanihoresha ngolo na ndighi kwa madedo ghako gha wughoma hata ngera ini siko umu wa wadumiki wako anduangi.”