NEHEMIA 2:20 - Biblia Ilagho Jiboie Kwa Wandu Wose

²⁰ Niko ngawitumbulia, “U Mlungu wa mlungunyi uchadisimisha. Isi de wadumiki wake, nesi dichawuka diaghe sena; ela inyo ndemne hachi ya kilambo chingi Jerusalemu, hata ndemmbwadie ifungu jingi ja mawiko ghake.”

NEHEMIA 2:20 ပူးပေါင်းရင်းမြစ်များ

2 MALAGHO GHA NGELO 26:5

Orekufunyireghe kumlola Mlungu matuku gha Zekaria, uo oremfundishireghe kumuobua Mlungu; na sa iji oremlolieghe BWANA, Mlungu orem'bonyereghe kuwona mecha.

EZRA 4:3

Ela Zerubabeli, Jeshua na wabaa wa vichuku Israeli wikawizera, “Ndedine haja ya wutesia ghonyu ghoagha Hekalu ya Mlungu odu; dichaiagha diweni sa iji koni Koreshi mzuri wa Pashia oredilaghirieghe.”

NEHEMIA 1:4

Niendasikira malagho agho, ngasea kidombo na kulila. Nerelilieghe na kufunga tumu kwa matuku mengi, ngilomba Mlungu ngighamba,

NEHEMIA 2:4

Niko mzuri ukanikotia, “Da kwakunde wada?” Nao ngamlomba Mlungu wa mlungunyi,

ESTA 4:11

“Mndungi, ukaiagha wa womi angu wa waka, ukangia waza ya ndenyi ya ngome kummbona mzuri kuseko na rusa yake, suti ubwagho; iyo ni sharia imanyikie isangenyi kose kwa wadumiki wa mzuri, na wandu wose. Eko chiaimweri tu ekia kwa mundu wangia, nayo ni mzuri kumghoruya ugho mzata ghwake ghwa dhahabu, niko aho uchaakia. Hata ini moni, nameria mori mlazi kufuma mzuri waniwanga kwake.”

ZABURI 102:17

Uchawisikiria wandu wake wisighilo, na kusikira malombi ghawo.

ZABURI 122:6

Lombenyi sere kwa wundu ghwa Jerusalemu: “Ndewipate mecha awo wikukundagha.

ZABURI 20:5

Niko dichazuma kwa wusimi ghwako, na kuwusira bendera redu dikimkasa Mlungu odu. BWANA ndekukatishire malombi ghako ghose.

ZABURI 35:27

Awo wikundagha nisewoneke mkosa, ndewikeme kwa kuboilwa na kuzuma. Wighambeghe toe, “BWANA ni m'baa uo uboilwagha kuwona mdumiki wake ukikaia nicha.”

ZABURI 51:18

Kukunde kuibonyera Sioni nicha ee Mlungu; kughiaghe sena mawurigha gha Jerusalemu.

KUFUMA 28:29

“Iji Haruni wakangia andenyi ya Andu kwa Wueli, ucharwa icho kisibau cha laghenyi, chiko na marina ikumi na awi gha wana wa Israeli, na Ini BWANA nichakaia ngiwikumbuka wandu wapo.

MCHILI 7:18

Kuinjikie malagho ghichumbagha ghose. Kukakaia na kuobua kwa Mlungu, kuchakaia nicha kwa maza rose.

ISAYA 56:5

irina jake uo, jichaandikwa na kukumbukwa andenyi ya Hekalu yapo na wurighenyi ghwaro, kuchumba awo wiko na wana wa womi na wa waka, nao na jingi ndechaaliwa anduangi.”

WALAWI 2:2

ima ughurede kwa wakohani, wana wa Haruni. Niko mkohani uchabegha ngonde ichue ya ugho mufu ghudendere na mavuda, chiaimweri na vilungo varo vose; nao uchaghukora sa ifungu jekumbuka kukaia mufu ghose ghwameria kukorwa aighu ya madhabahu, ghukaie kizongona chekora; irumba ja vindo ivo jamnukiagha BWANA nicha na ndighi.

WALAWI 24:7

Nao kungire marumba ghiboie kula luzaria lwa mikate, ghipate kukaia lukumbuso kwa wundu ghwa kizongona cha vindo chafunywa kwa BWANA.

ZEKARIA 6:14

Icho kirumbu chichakaia lukumbuso andenyi ya Hekalu ya BWANA kuwikumbuka Heldai, Tibija, Jedaia, na Josia mwana wa Zefania.”

MITALO 10:10

Wokoni matuku gha kuboilwa konyu, na gha ndima renyu riwikilo, na gha kuzoya kwa meri, mkakafunya vizongona venyu vekora, na vizongona venyu va mapatano, mkabe tarumbeta; ripate kum'bonya mkumbuko imbiri yapo ini Mlungu. Ini ne BWANA Mlungu onyu.”

MABONYO GHA WADUMI 10:31

Ukaghamba, ‘Kornelio! Malombi ghako ghasikirwa, na makuwio ghako ghakumbukwa imbiri ya Mlungu.

MABONYO GHA WADUMI 10:4

Nao ukamkuya meso ukiobua na kughamba, “Ni wada Bwana?” Ukamzera, “Malombi ghako na makuwio ghako ghajoka na kukaia lukumbuso imbiri ya Mlungu.

MABONYO GHA WADUMI 8:21

Ndekuwadie ifungu hata hachi ingi andenyi ya ilagho iji; angu ngolo yako ndeiko nicha imbiri ya Mlungu anduangi.