NEHEMIA 2:18 - Biblia Ilagho Jiboie Kwa Wandu Wose

¹⁸ Ngawighoria seji Mlungu wapo orekoghe andwamweri nani ukanitesia, na agho nizerelo ni mzuri. Nawo wikarumiria wikighamba, “Ndedizoye kuagha.” Wikakaia tayari kuzoya kazi.

NEHEMIA 2:18 ပူးပေါင်းရင်းမြစ်များ

2 SAMUELI 2:7

Nenyo mkufungishe ndighi, mkaie na wuwana; kwa kukaia bwana onyu Sauli wafue, na wandu wa Juda wanidunga mavuda nipate kukaia mzuri aighu yawo.”

1 MALAGHO GHA NGELO 11:10

Awa niwo wabaa wa masikari weremteserieghe Daudi kughumangisha wuzuri ghwake chiaimweri na Israeli yose. Weremteserieghe kuwuya mzuri sa iji koni BWANA orelaghirieghe; wikaghumangisha wuzuri.

1 MALAGHO GHA NGELO 19:13

Kuke na ngolo, dibonye kiwomi kwa wundu ghwa wandu wedu, na kwa wundu ghwa mizi ya Mlungu odu; lukundo lwa BWANA ndelubonyeke.”

2 MALAGHO GHA NGELO 32:5

Ukazoya kubonya kazi eagha wurigha ghose ghorevuchukieghe, ukawusira minara aighu yaro; ukaagha wurigha ghumu cha shighadi, na kuchichuria ndighi kiwonu chiaghilo cha muzi ghwa Daudi. Wokoni ukabonya maswagha mengi na ngao.

EZRA 6:22

Wikabonya Ndima ya Mkate Ghusewadie Chachu matuku mfungade kwa kuboilwa; angu BWANA orewinekieghe kuboilwa ukam'bonya mzuri wa Ashuru uwikunde, hata ukawitesia kazi eagha Hekalu ya Mlungu, uo Mlungu wa Waisraeli.

NEHEMIA 2:8

Wokoni ngalomba barua kwa Asafu mlindiri wa msidu ghwa mzuri; eri unineke midi ebonya misumbati ya mbenge reghenda cha Hekalunyi, na reagha wurigha ghwa muzi, na nyumba iyo nichaakaia. Mzuri ukanineka malombi ghapo, angu Mlungu orekoghe chiaimweri nani.

WAEFESO 6:10

Kutua, kaienyi nandighi andenyi ya Bwana, na kwa ndighi ra kudima kwake.

WAFILIPI 2:13

angu Mlungu wawuyabonya kazi andenyi konyu, ukimneka nia ekunda na kubonya iro rawuyam'boia uo.

1 SAMUELI 23:16

Na Jonathani mwana wa Sauli ukawuka na kughenda kwake aja Horeshi; ukamkumba Daudi ngolo kukaia Mlungu oko chiaimweri nao.