NEHEMIA 2:1 - Biblia Ilagho Jiboie Kwa Wandu Wose

¹ Mori ghwa Nisani, mwaka ghwa mirongo iwi ghwa kubonya nguma kwa Mzuri Artashasta nerewadieghe divei ngamneka mzuri. Nani jingi sewoneka niko na wasi imbiri kwake sa ijo ituku.

NEHEMIA 2:1 ပူးပေါင်းရင်းမြစ်များ

KUZOYA 40:11

Nani nerekoghe niwadie kikombe cha mzuri, ngawaya iro zabibu na kurikama andenyi ya icho kikombe cha mzuri, ngamneka mkonunyi kwake.”

KUZOYA 40:21

Ukammbunja m'baa wa wanyoshi divei kazinyi kwake, nao ukamneka mzuri kikombe mkonunyi kwake;

EZRA 4:7

Matuku gha kubonya nguma kwa Mzuri Artashasta wa Pashia, Bishilani, Mithredathi, Tabeeli, na wambao wikaandika barua kwa mzuri Artashasta kwa kiteto cha kiarami; ikakaia ifasirilo.

EZRA 7:1

Nyuma ya miaka imu, ngelo Artashasta mzuri wa Pashia orekoghe ukibonya nguma, korekoghe na mundu uwangwaghwa Ezra mwana wa Seraia; wawae Azaria, wa Kichuku cha Hilkia,

EZRA 7:7

Wokoni ugho mwaka ghwa mfungade ghwa kubonya nguma kwa Mzuri Artashasta, wandu wamu wa Israeli werejokieghe Jerusalemu chiaimweri na wakohani wamu na Walawi, na wabori, na walindiri wa Hekalu, na wadumiki wa Hekalu.

NEHEMIA 1:1

Agha ni malagho ghikatishiro ni Nehemia mwana wa Hakalia. Mori ghwa Kislevu, mwaka ghwa mirongo iwi, ngelo Artashasta orebonyagha nguma Pashia, ini Nehemia nerekoghe muzi m'baa ghwa Susa.

NEHEMIA 1:11

Degha kudu kwako kusikire malombi ghapo ini mdumiki wako na gha wadumiki wako wose wiboilwagha ni kujibonyera ishima irina jako; kunineke kusima, na ini mdumiki wako nifuilo wughoma ni m'baa wa isanga.” Ngelo iro, ni ini nerekoghe mnyoshi divei wa mzuri.

ESTA 3:7

Nao mwaka ghwa ikumi na iwi, ghwa kubonya nguma kwake mzuri Ahasuero, mori ghwa imbiri ghuwangwaghwa Nisani, Puri (Yaani kura) ikakabwa imbiri ya Hamani, upate ituku na mori ghufwanagha ghokatisha mpango ghwake. Ituku jerepatiroghe ni kura, ni ja ikumi na idadu ja mori ghwa ikumi na iwi, ghuwangwaghwa Adari.

DANIELI 9:25

Kwa huwo kumanye sena kutambukilo kukaia, kufuma momu ghwafunywa Jerusalemu iagho sena, hata kucha kwa mshingwa mavuda, uo m'bonyi nguma, ichakaia ni miaka mfungade mando mfungade. Sena kwa miaka mirongo irandadu na iwi mando mfungade, ichaaghwa sena na chia rake mbaa, na mahandaki, elaima kwa wasi.