NEHEMIA 13:3 - Biblia Ilagho Jiboie Kwa Wandu Wose

³ Nao iji wandu wa Israeli wasikira iyo sharia, ikishomwa, wikakutanya na wandu wose werekoghe wa kivalwa cha kighenyi.

NEHEMIA 13:3 ပူးပေါင်းရင်းမြစ်များ

EZRA 10:11

Idana rumirienyi makosa ghenyu imbiri ya BWANA Mlungu wa weke ndeyo, mpate kubonya lukundo lwake; mkutanye na waisanga na waka wenyu wa kighenyi.”

EZRA 9:2

Wayahudi walowue wai wamu wawo; mbari ya wueli ikakuranganya na waisanga wa aha. Vilongozi na wabaa niwo wa imbiri kubonya maza iri.

NEHEMIA 10:28

Isi wandu wa Israeli, wakohani, Walawi, walindiri wa Hekalu, wabori wa Hekalunyi wadumiki wa Hekalunyi, na waghenyi wikaiagha isangenyi kodu wikutanyire na wamzawo kwa Sharia ya Mlungu odu, na waka wedu na wana wedu wose wawuyatambukilwa ni malagho,

NEHEMIA 9:2

Niko Waisraeli wikakutanya na wandu wa kighenyi wose; wikawuka na kurirumiria kaung'a rawo, na makosa gha weke ndee.

ZABURI 119:11

Najiwikie Ilagho jako ngolonyi kwapo, nisechekubonyera kaung'a.

ZABURI 119:9

Mdawana udima wada kukaia na irangi jielie? Ni kwa kuriwadia Sharia rako.

KUFUMA 12:38

Na wandu wazima walazi wori wikaghendanya nawo, andwamweri na mfugho nyingi, ng'ondi na mburi wori.

MAKATANISHO 6:23

Agho malaghiro ni taa, na mafundisho ni mwengere; kuja kukanilwa, ni chia ra irangi.

MITALO 11:4

Korekoghe na wandu wamu aghadi kwawo wiseko Waisraeli, wiko na bea nyingi, hata na wandu wa Israeli wori wikalila sena wikighamba “Na ngera dedeeka na nyama reja-lee!

WAROMA 3:20

Angu ndekuwadie mndungi uchaatalwa kukaia na hachi imbiri ya Mlungu kwa mabonyo gha Sharia anduangi kwa kukaia kumanya kaung'a koocha kwa chia ya Sharia.

JAKOBO 1:27

Dini ielie isewadie wuchafu imbiri ya Mlungu Aba, ni ihi: ni kuwighendia na kuwitesia wana wakiwa, na waka wifuilo ni womi wawo kwa wasi ghwawo, na kukulindia moni uselusho ni wurumwengu.