NEHEMIA 13:2 - Biblia Ilagho Jiboie Kwa Wandu Wose

² Shekeria yaro ni angu werewiimieghe wandu wa Israeli vindo na machi iji werefumieghe Misri wikamneka Balaamu pesa uwiwasire njowe. Ela Mlungu odu ukaghalua iyo njowe iwuye marasimio.

NEHEMIA 13:2 ပူးပေါင်းရင်းမြစ်များ

ZABURI 109:28

Ndewiwasire njowe, ela oho kurasimie! Watiriri wapo ndewisimo, na ini mdumiki wako niboilo.

MIKA 6:5

Ririkanyenyi ee wandu wapo, seji Balaki mzuri wa Moabu orem'bonyereghe mpango, na seji Baalamu mwana wa Beori oremtumbulieghe. Ririkanyenyi seji maza rerebonyekieghe kufuma Shitimu hata Gilgali; mpate kumanya kukaia nedebonya huwo nipate kumkira.”

MITALO 23:18

Balaamu ukaghamba, “Balaki wuka kusikire, nisikire, ee mwana wa Sipori:

MATHAYO 25:40

Aho mzuri uchawitumbulia, ‘Namghoria loli, iji morewibonyereghe awo wanidu watini, modenibonyera ini moni.’

WUKUMBUSO 23:3

“Muamoni ungi angu M'moabu, usengie ikwanyikonyi ja wandu wa BWANA hata kivalwa cha ikumi, mndungi wawo jingi usengie;

WUKUMBUSO 23:4

angu wiseremmareghe na vindo na machi iji morechieghe kufuma Misri, na kwa kukaia weremmbangieghe Baalamu mwana wa Beori kufuma Pethori ya Mesopotamia, uchembwasira njowe, eri wimlipe.

WUKUMBUSO 23:5

Elaima BWANA Mlungu nderemsikireghe Balaamu; ela ukaghalusa njowe ikawuya marasimio konyu angu BWANA Mlungu onyu oremkundieghe.

2 PETRO 2:15

Walagharie kwa kusigha chia ya loli; nawo wanughie chia ya Balaamu mwana wa Beori, uo orekundieghe fwaida kwa kubonya kiwiwi;