NEHEMIA 12:43 - Biblia Ilagho Jiboie Kwa Wandu Wose

⁴³ Ituku ijo wandu wikafunya vizongona vingi kwa kuboilwa kubaa, ungi Mlungu orewinekieghe kuboilwa kubaa. Waka na wanake wori wereboiloghe. Ndoghoi ya maboilo agho ikasikirika kula.

NEHEMIA 12:43 ပူးပေါင်းရင်းမြစ်များ

2 MALAGHO GHA NGELO 20:13

Wandu wose wa Juda werekaieghe kimusi imbiri ya BWANA chiaimweri na waka wawo na wana wawo aho Hekalunyi.

2 MALAGHO GHA NGELO 20:27

Niko Jehoshafati ukawilongoza wandu wake hata Jerusalemu wikizuma; kwa kukaia BWANA orewisimieghe wamaiza wawo.

2 MALAGHO GHA NGELO 7:10

Ituku ja mirongo iwi na idadu ja mori ghwa mfungade, Solomoni ukawisigha wandu wighale wiko na kuboilwa kwa wundu ghwa wucha ghwa BWANA orekoghe waghuwonyera kwa Daudi, na kwa Solomoni na kwa wandu wake Israeli.

EZRA 3:13

Kwa wundu ugho wandu ndeweredimieghe kutambua lwaka lwa wandu wikemagha kwa kuboilwa, na lwaka lwa wandu wikemagha kwa kulila; kwa kukaia wandu werekemieghe nandighi, hata wikasikirika kula.

NEHEMIA 12:27

Ngelo ya kughuwika wurigha ghwa muzi ghwa Jerusalemu wakfu, werewilolieghe na kuwireda Walawi Jerusalemu kufuma andu kose werekoghe wikikaia wichebonya ndima ewika wurigha wakfu kwa kuboilwa, na kufunya chawucha, na kubora kwa kayamba, na kinubi, na zeze.

NEHEMIA 12:42

Wokoni Maaseia, Shemaia, Eleazari, Uzi, Jehohanani, Malkija, Elamu, na Ezeri. Wabori wikabora wikilongozwa ni Jezrahia.

AYUBU 34:29

Mlungu ukakaia kima-lee nani udimagha kumtanya? Ukalangaya noko nani udimagha kumzighana? Ela sena wadawibonyera nguma wandu na mbari ra wandu,

ZABURI 27:6

Idana nichawisima wamaiza wapo winimarie chia rose; nani nichamfunyira BWANA vizongona Hekalunyi kwake ngibora kwa kuboilwa; nicham'boria BWANA, na kumkasa.

ZABURI 28:7

BWANA ni ndighi rapo na ngao yapo; nadamrumiria, nao wadanitesia. Ngolo yapo yaboilwa nandighi; nani nichamfunyira chawucha kwa kum'boria lumbo.

ZABURI 9:2

Nichaboilwa na kuzuma andenyi kwako, nichakuboria makaso, ee Mlungu kuko Aighu-Na-Ndighi.

ZABURI 92:4

Naboilwa kwa wundu ghwa mabonyo ghako gha ndighi ee BWANA; nichabora kwa kuboilwa kwa wundu ghwa agho kubonyere.

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

JEREMIA 31:13

Niko aho wai wichavina kwa kuboilwa, wandu wa irika na waghosi wichaboilwa, nichawihoresha na kughamba kulila kwawo kuwuya kuboilwa na wasi ghwawo ghuwuye maseko.

JEREMIA 33:11

lwaka lwa kuseka na kuboilwa, na lwaka lwa bwana na bibi arusi, na chwaka ra awo wiboragha wikireda mafunyo gha chawucha andenyi ya Hekalu ya BWANA wikighamba, ‘Funyenyi chawucha kwa BWANA wa majeshi, angu BWANA ni mucha, na lukundo lwake lukatie lwadua kwa kala na kala.’ Kwa kukaia nichajibonya isanga jikaie sa iji koni jerekoghe, waghamba BWANA.”

MITALO 10:10

Wokoni matuku gha kuboilwa konyu, na gha ndima renyu riwikilo, na gha kuzoya kwa meri, mkakafunya vizongona venyu vekora, na vizongona venyu va mapatano, mkabe tarumbeta; ripate kum'bonya mkumbuko imbiri yapo ini Mlungu. Ini ne BWANA Mlungu onyu.”

MATHAYO 21:15

Hata iji wakohani wabaa na walimu wa Sharia waghiwona agho mashiniko oreghibonyereghe Jesu, na wanake werekoghe Hekalunyi wikighora kwa chwaka “Hosana kwa Mwana wa Daudi,” wikajokwa ni machu,

MATHAYO 21:9

Wandu werekoghe kiimbiri chiaimweri na waja werenughieghe na nyuma wikaghora kwa lwaka lubaa: “Hosana kwa Mwana wa Daudi, Warasimiwa uo uchagha kwa irina ja Bwana; Hosana aighu na ndighi.”

JOHANE 16:22

Na inyo idana moko na wasi, ela nichamchea sena, na ngolo renyu richachulwa ni kuboilwa, na kuboilwa konyu mndungi ndedimagha kumsoka anduangi.

WAEFESO 5:19

mkidedanya kwa zaburi, na chumbo, na kubora kwa rohonyi. M'bore na kumzumia Bwana kwa ngolo renyu rose;

JAKOBO 5:13

Wele mndungi wawuyatiririka aghadi konyu? Ndelombe kwa Mlungu. Mndungi oko na kuboilwa? Ndebore makaso.

1 SAMUELI 4:5

Nao iji Sanduku ya Ilaghano yavika kambinyi, Waisraeli wose wikazuma kwa kuboilwa kwa lwaka lubaa, hata ndoe ikasughusika.