NEHEMIA 12:37 - Biblia Ilagho Jiboie Kwa Wandu Wose

³⁷ Wiendavika Mbenge ya Ndoria, wikajoka na viluwatiro vejoka cha muzi ghwa Daudi; wikaida ngome ya Daudi na kuwuya cha Mbenge ya Machi iichia cha mashariki ya muzi.

NEHEMIA 12:37 ပူးပေါင်းရင်းမြစ်များ

NEHEMIA 2:14

Niko ngaghenda cha kaskazinyi hata Mbenge ya Ndoria na kuvika Kiriwa cha Mzuri; ela iyo nyamandu nereijokieghe ikalemwa ni kuida.

NEHEMIA 3:26

Pedaia mwana wa Peroshi oreaghieghe andu kumu cha mashariki kaavui na Mbenge ya Machi na mnara gholindia hekalu. (Aha ni andu kumu kwa muzi kuwangwagha Ofeli andu wadumiki wa Hekalu werekaiagha.)

NEHEMIA 8:1

Ituku ja imbiri ja ugho mori, wandu wose wikakwanyika Jerusalemu andenyi wazenyi ya Mbenge ya Machi. Wikamkotia Ezra mkohani na mwalimu wa Sharia iyo BWANA orewinekieghe Israeli kwa mkonu ghwa Musa, urede icho chuo.

NEHEMIA 8:16

Niko wandu wikaghenda na kughireda; wikakuaghia viwanda kula mundu aighu nyumbenyi kwake, na wazenyi, na waza ya hekalu, na waza ya wandu wose kaavui na andu kuwangwaghwa Mbenge ya Machi, na wazenyi kwa Mbenge ya Efraimu.

NEHEMIA 8:3

Nao ukaishoma sharia ahoeni wazenyi kaavui na Mbenge ya Machi kufuma nakesho hata dime ghadi, womi na waka na wose widimagha kutambukilwa wiko aeni. Wandu wose wikadegha madu kusikira malagho gha chuo cha Sharia.