NEHEMIA 12:30 - Biblia Ilagho Jiboie Kwa Wandu Wose

³⁰ Wakohani na Walawi wikakuelesha weni, na kuwielesha wandu, na mbenge ra wurigha.

NEHEMIA 12:30 ပူးပေါင်းရင်းမြစ်များ

KUZOYA 35:2

Niko Jakobo ukawizera wandu wose wa nyumbenyi kwake na wose orekwanyeghe nawo, “Ifunyenyi noko milungu ya kighenyi iko aghadi konyu, mukueleshe inyo mmbeni na kughalusa marwao ghenyu;

1 MALAGHO GHA NGELO 15:14

Kwa huwo wakohani na Walawi wikakuelesha weni wipate kuireda Sanduku ya BWANA uo Mlungu wa Israeli.

2 MALAGHO GHA NGELO 29:34

Ela wakohani werekoghe watini nandighi, nawo ndeweredimieghe kusicha ivo vizongona vekora vose; kwa huwo wikateselwa ni waruna Walawi kuimeria iyo kazi hata wakohani wazima wameria kukuelesha weni; angu Walawi werekoghe na ngolo ekuelesha weni kuchumba wakohani.

2 MALAGHO GHA NGELO 29:5

ukawizera, “Nisikirenyi Walawi! Idana kueleshenyi mmbeni, na kuielesha Hekalu ya BWANA, uo Mlungu wa weke ndeyo, mfunye na mbai wuchafu ghuko andenyi ya Andu kwa Wueli.

EZRA 6:21

Erejiloghe ni wandu wa Israeli werewurieghe kufuma wubarishonyi, na wokoni erejiloghe ni kula umu orekukwanyireghe nawo, na kukutanya na uko kunoneka kwa waisanga, na kwa awo werechieghe kumtasa BWANA uo Mlungu wa Israeli.

NEHEMIA 12:29

na kufuma Beth-gilgali, na chia ra geba na Azmawethi, angu wabori wereaghieghe mizi mitini-mitini mbai mbai ya Jerusalemu.

NEHEMIA 13:22

Ngawilaghira Walawi wikueleshe weni, wichelindia mbenge, wipate kukaia na loli ituku ja Sabato jawikwa jielie. Kunikumbuke kwa wundu ghwa agha wori ee Mlungu wapo, na kuniwika nicha karakara na wubaa ghwa lukundo lwako lukatie.

NEHEMIA 13:30

Kwa chia ihi nerewieleshereghe wandu kufuma kula ilagho ja kighenyi; ngawika kazi kwa wakohani, na Walawi kula umu kwa kazi yake.

AYUBU 1:5

Matuku gha karamu rawo ghikakatia, Ayubu orekoghe ukiwiwanga na kuwielesha. Orekoghe ukiwuka kokio, na kufunya vizongona vekora kwa wundu ghwa kula mwana wake; oreririkanyireghe kewada wana wake wabonyere kaung'a kwa kumdukana Mlungu wisemanyire. Huwo niko Ayubu orekoghe ukibonya tulituli.

KUFUMA 19:10

Nao BWANA ukamzera, “Ghenda kuwizere wandu wikueleshe idime na kesho; kuwizere wioghoshe nguwo rawo,

KUFUMA 19:15

Musa ukawizera, “Mkuwike tayari ituku ja kadadu; msemuadade muka.”

WAEBRANIA 5:1

Angu kula Mkohani M'baa usaghulo aghadi ya wandu, oowikwa umdumikie Mlungu wulalo ghwa wandu, upate kufunya mafunyo na vizongona kwa wundu ghwa kaung'a.

WAEBRANIA 5:3

Kwa wundu ugho, yamfwana uo ufunye kizongona kwa wundu ghwa kaung'a rake moni, na kwa wundu ghwa iro ra wandu.