NEHEMIA 12:27 - Biblia Ilagho Jiboie Kwa Wandu Wose

²⁷ Ngelo ya kughuwika wurigha ghwa muzi ghwa Jerusalemu wakfu, werewilolieghe na kuwireda Walawi Jerusalemu kufuma andu kose werekoghe wikikaia wichebonya ndima ewika wurigha wakfu kwa kuboilwa, na kufunya chawucha, na kubora kwa kayamba, na kinubi, na zeze.

NEHEMIA 12:27 ပူးပေါင်းရင်းမြစ်များ

2 SAMUELI 6:12

Nao Mzuri Daudi ukaghorelwa kukaia BWANA wamrasimie Obed-edomu chiaimweri na vilambo vose uko navo, angu Sanduku ya BWANA erekoghe kwake. Kwa huwo Daudi ukasea ukaionda Sanduku ya BWANA kufuma nyumbenyi kwa Obed-edomu, ukaireda mzinyi kwake ukizuma.

1 WAZURI 8:63

Solomoni ukamfunyira BWANA kizongona cha mapatano ng'ombe elfu mirongo iwi na iwi, na ng'ondi elfu ighana na mirongo iwi. Kwa huwo Mzuri na wandu wose wa Israeli wikaiwika Hekalu wakfu.

1 MALAGHO GHA NGELO 13:8

Daudi na Waisraeli wose werekoghe wikizuma imbiri ya Mlungu kwa ndighi rawo rose; wikibora na kukaba zeze na vinubi na mayanga, na banjo na tarumbeta.

1 MALAGHO GHA NGELO 15:12

ukawizera, “Inyo mo wabaa wa vichuku venyu awo Walawi, mukueleshe mmbeni, inyo na wanyinyu, mpate kuireda Sanduku ya BWANA, uo Mlungu wa Israeli andu kwaro naiboisira.

1 MALAGHO GHA NGELO 15:16

Wokoni Daudi ukawilaghira wabaa wa Walawi wiwike wakwawo webora na kukaba vombo va muziki kwa ndighi; vinubi, zeze, banjo na kufunya lwaka lwa kuboilwa.

1 MALAGHO GHA NGELO 15:28

Na huwo Waisraeli wikaireda Sanduku ya BWANA na ngemi iendanyagha na lwaka lwa mbembe, tarumbeta na banjo, nawo wikakaba muziki m'baa ghwa vinubi na zeze.

1 MALAGHO GHA NGELO 15:4

Daudi ukawikwanya andwamweri kivalwa cha Haruni na Walawi sa huwu:

1 MALAGHO GHA NGELO 16:42

Hemani na Jeduthuni werekoghe na tarumbeta na banjo kukaia vombo va muziki ghobora chumbo ra Mlungu; na wana wa Jeduthuni werewikiloghe wikaie walindiri wa mbenge.

1 MALAGHO GHA NGELO 16:5

Asafu orewikiloghe ukaie m'baa, na mtesia wake ukaie Zekaria. Wandu wekaba vinubi na zeze ni Jeieli, Shemiramothi, Jehieli, Matithia, Eliabu, Benaia, Obed-edomu na Jeieli. Asafu orekoghe mkabi banjo.

1 MALAGHO GHA NGELO 23:5

elfu inya wichakaia walindiri wa mbenge, na elfu inya wichakaia wikim'boriagha BWANA na vombo vekasa nivibonyere.”

1 MALAGHO GHA NGELO 26:31

Jerija orekoghe Mhebroni nao orekoghe m'baa wa Wahebroni kuseko kutala kinyumba angu kichuku. Mwaka ghwa mirongo ina ghwa kubonya nguma kwa Daudi, malagho gha Wahebroni ghereloleloghe, na wandu wamu waro wiko mang'oni wikaandawoneka Jazeri ya Gileadi.

2 MALAGHO GHA NGELO 29:25

Mzuri ukawika Walawi andenyi ya Hekalu ya BWANA wiko na banjo, na vinubi na zeze; kunughana na malaghiro gha BWANA oremlaghirieghe Daudi ukimtumia mmboni wa mzuri Gadi, na mlodi Nathani; angu agho malaghiro ghedefuma kwa BWANA ghikiidiria kwa walodi wake.

2 MALAGHO GHA NGELO 29:30

Mzuri Hezekia na wabaa wikawilaghira Walawi wimkase BWANA wikitumia malagho gha Daudi na mmboni Asafu. Wikabora makaso kwa kuboilwa, wikaghoghoma na kutasa.

2 MALAGHO GHA NGELO 5:13

nayo edeeka ni kazi ya wakabi tarumbeta na wabori kuwusira chwaka rawo wisikirike chiaimweri iji wakamfunyira BWANA chawucha), na lumbo kuborwa kwa tarumbeta na banjo na vombo vizima va muziki kwa kumkasa BWANA, na kughamba, “BWANA ni mucha, angu lukundo lwake lukatie lwadua matuku ghose,” Hekalu ya BWANA ikachulwa ni iwingu,

2 MALAGHO GHA NGELO 7:6

Wakohani, na Walawi wori, wikakaia kimusi andu kwawo, wiko na vombo vebora, ivo Mzuri Daudi orevibonyereghe kwa wundu ghwa BWANA; wikamfunyira BWANA chawucha. Angu lukundo lwake lukatie, lwadua matuku ghose; seji Daudi oremkasagha ukitumia wudumiki ghwawo. Wakohani wikiwilangaya, wikakaba tarumbeta, na Waisraeli wose wikawuka kimusi.

EZRA 6:16

Wandu wa Israeli, wakohani na Walawi, na wandu wose werewurieghe kufuma wubarishonyi, wikaiwika iyo Hekalu wakfu kwa kuboilwa.

NEHEMIA 11:20

Waisraeli wazima, na wakohani na Walawi, werekoghe wikikaia mizi mizima yose ya Juda, kula mundu andu kwake.

NEHEMIA 12:43

Ituku ijo wandu wikafunya vizongona vingi kwa kuboilwa kubaa, ungi Mlungu orewinekieghe kuboilwa kubaa. Waka na wanake wori wereboiloghe. Ndoghoi ya maboilo agho ikasikirika kula.

NEHEMIA 8:17

Wandu wose werewurieghe kufuma wubarishonyi wikaagha viwanda na kukaia andenyi; angu kufuma ngelo ra Jeshua mwana wa Nuni hata ituku ijo, wandu wa Israeli ndewerekoghe wabonya huwo. Kukakaia kuboilwa kubaa.

ZABURI 149:3

Ndewijikase irina jake wikivina, wikim'boria chumbo risingie kwa mayanga na vinubi.

ZABURI 30:1

Nakukasa ee BWANA kwa kunikira, hata ndekuwisighie wamaiza wapo wizume aighu yapo anduangi.

WUKUMBUSO 16:11

M'boilo imbiri ya BWANA Mlungu onyu, chiaimweri na wana wenyu wa womi na wa waka, na wadumiki wenyu wa womi na wa waka, na Mlawi uko mzinyi konyu, na mghenyi omara-mara, na mwana usewadie ndee, na mka mkiwa uko aghadi konyu, andu BWANA ukusaghue kukaie komtasira.

WUKUMBUSO 20:5

“Niko wabaa wichadedanya na wandu wikighamba, ‘Mndungi oko aha uaghie nyumba mbishi useiwikie wakfu? Kamanya uko, ndewuye nyumbenyi kwake usechefwa wudenyi, na mundu mzima ucheiwika wakfu.

WAFILIPI 4:4

Boilonyi andenyi ya Bwana matuku ghose; naghamba sena, Boilonyi.

WUFUNUO 5:8

Hata iji wameria kuchiwada icho chuo, iro nyamandu riko moyo inya, na awo waghosi mirongo iwi na bana, wikaghwa imbiri ya uo Mwana wa Ng'ondi; kula umu uko na zeze, na bakuli ra dhahabu richue marumba, nagho ni malombi gha waeli.