NEHEMIA 12:25 - Biblia Ilagho Jiboie Kwa Wandu Wose

²⁵ Matania, Bakbukia, Obadia, Meshulamu, Talmoni, na Akubu werekoghe walindiri wa mbenge wikilindia nyumba ra stoo mbengenyi ra Hekalu.

NEHEMIA 12:25 ပူးပေါင်းရင်းမြစ်များ

2 WAZURI 7:10

Niko wikacha wikawiwanga walindiri wa mbenge ya muzi, wikawighoria wikighamba, “Dereghendieghe kambinyi ya Wasiria, ela ndediwonie hata kusikira mndungi, ela deekua farasi rifungie, na punda na hema rasighwa kimusi sa iji koni riko.”

1 MALAGHO GHA NGELO 23:32

Kwa chia iyo wichakaia wikiizighana Hema ekwania na andu kwa Wueli; nawo wikaia wikiwitesia waruna wana wa Haruni kwa wudumiki ghwa Hekalu ya BWANA.

1 MALAGHO GHA NGELO 26:12

Walindiri wa Hekalu werewaghiloghe kunughana na wabaa wawo, werekoghe na mazughe ghedumika andenyi ya Hekalu ya BWANA kara kara na waruna Walawi.

1 MALAGHO GHA NGELO 26:15

Obed-edomu oreghuloghe ni kura chia ya kusinyi na wana wake wikanekwa kazi ya nyumba ewika vilambo.

1 MALAGHO GHA NGELO 26:17

Cha mashariki korekoghe wandu warandadu kula ituku, cha kaskazinyi wandu bana kula ituku, cha kusinyi wandu bana kula ituku, na kwa nyumba ewika vilambo wandu wawi-wawi.

2 MALAGHO GHA NGELO 8:14

Kunughana na mafundisho gha ndee Daudi, orewikieghe vipughi va wakohani kwa wundu ghwa wudumiki ghwawo, na Walawi kwa kazi ya kukasa na wudumiki ghotesia wakohani seji erekundikieghe kula ituku; na walindiri mbenge kwa vipughi vawo kunughana na seji mbenge rerekoghe ndazi; angu huwo niko Daudi mundu wa Mlungu orelaghirieghe.

ISAYA 21:8

Mlindiri uendawona ukakema, “Bwana, nameria kuwada ilindiri japo, dime dii na kio chee.