NEHEMIA 10:37 - Biblia Ilagho Jiboie Kwa Wandu Wose

³⁷ Dichareda kwa wakohani Hekalunyi mifu ya viro va imbiri vikuwidwagha kula mwaka, na mafunyo ghedu mazima gha divei na mavuda, na matunda ghose. Dichaghenja ifungu ja ikumi kwa Walawi, awo wiwusagha ifungu ja ikumi ja mavalo gha mbuwa ra mizinyi kodu.

NEHEMIA 10:37 ပူးပေါင်းရင်းမြစ်များ

2 MALAGHO GHA NGELO 31:6

Wokoni wandu wa Israeli na Juda, awo werekoghe wikikaia mizinyi ya Juda, wikareda ifungu ja ikumi ja ng'ombe, ng'ondi, na vilambo viwikilo wakfu, ivo werevifunyireghe kwa BWANA Mlungu wawo; wikaviwika kitungu.

NEHEMIA 13:10

Wokoni ngakua Walawi na wabori wikimbirie kufuma Jerusalemu, na kuwuya mbuwenyi kwawo, angu wiserenekeloghe vindo va kuwikata.

NEHEMIA 13:12

Niko wandu wose wa Juda wikazoya kureda ifungu ja ikumi ja viro, divei na mavuda andenyi ya vumba va Hekalu.

NEHEMIA 13:5

Ukamrumiria Tobia utumie chumba kibaa, cheretumilwagha kwa kuwika mafunyo gha viro, marumba, na vombo va Hekalu, mafunyo gha wakohani, na ifungu ja ikumi ja viro, divei na mavuda, agho gherenekwagha Walawi, na wabori, na walindiri wa Hekalu.

NEHEMIA 13:9

Niko ngafunya momu, vumba vose vielesho kisharia, na vilambo vose va Mlungu, mafunyo gha viro, na marumba viwunjo.

KUFUMA 13:12

kuchammbikia mbai kula mvalwa wa imbiri. Wavalwa wa imbiri wa mfugho rako ra womi wichakaia wa BWANA.

KUFUMA 13:2

“Kuniwikie kula mvalwa wa imbiri. Mvalwa wa imbiri uo ose andenyi ja Israeli; ukaiagha ni mdamu angu nyamandu, uchawuya wapo.”

WALAWI 23:17

Kula nyumba ichafunya mikate iwi, ipate kusughuswa. Kula mkate ghubonyo kwa kipimo cha mufu ghwa kilo iwi ghuko na chachu; nagho ghuchafunywa kwa BWANA ghukaie ifunyo ja mavalo gha imbiri gha viro vikuwidiro.

MALAKI 3:10

Redenyi ifungu ja ikumi jose Hekalunyi, vindo vipate kuchua aho. Nitimenyi kwa chia iyo, mmbone ngera simrughuyagha madirisha gha mlungunyi, na kumdiria marasimio gha vindo vingi.

MALAKI 3:8

Welee, mdamu wadima kumuiwia Mlungu? Ela inyo mwaawuyaniiwia, na kughamba, ‘Dawuyakuiwia wada?’ Ni kwa wundu ghwa ifungu jenyu ja ikumi na mafunyo ghenyu.

MITALO 18:15

“Kula kindo chivalwaghwa cha imbiri na kufunywa kwa BWANA, ngera ni mundu angu nyamandu, chichakaia chenyu. Elaima mundu, na nyamandu riseelie rivalwaghwa ra imbiri, mcharikombua.

MITALO 18:18

Ela nyama ni yenyu, sa iji koni nyama ya kizongona chesughuswa ya kidari, na nyama ya bara ya mkonu ghwa kiwomi vikaiagha.

MITALO 18:21

“Kula ifungu ja ikumi jifunywagha ni wandu wa Israeli kwa wundu ghwa wudumiki ghwawo andenyi ya Hema ekwania, nawineka Walawi jikaie ifwa jawo.

WAROMA 11:16

Ikakaia idonge ja mufu ghwa mkate jifunyiro kizongona sa mavalo gha imbiri jaelie, huwo koni mufu ghose ghooela; na ikakaia kirimba cha mudi chaelie, mbashu wori raelie.

WUKUMBUSO 14:22

“Kufunye ifungu ja ikumi ja vindo vako vose va mbuwenyi kupatagha kula mwaka.

WUKUMBUSO 18:4

Wokoni wichapata mavalo gha imbiri gha viro venyu, na divei, na mavuda, na mafuri gha imbiri ghidumbulwagha gha chagha cha ng'ondi renyu.

WUKUMBUSO 26:2

kula umu onyu uwade mavalo ghamu gha imbiri gha ndoe gha kula kichuku agho mkuwidagha andenyi ya ijo isanga mnekwagha ni BWANA Mlungu onyu; mughikumbe kikapunyi, na kughighenja andu BWANA Mlungu onyu uchaakusaghua kukaie komtasira.