NEHEMIA 10:36 - Biblia Ilagho Jiboie Kwa Wandu Wose

³⁶ Mwana wa womi wa imbiri uchaavalwa kodu dichamreda kwa wakohani Hekalunyi na aho, dichammbika kwa BWANA karakara na Sharia. Wokoni dichareda ngache ya imbiri ivalwagha ni kula ng'ombe yedu, na mwana wa ng'ondi na wa mburi wa imbiri uvalwagha ni kula ng'ondi angu mburi.

NEHEMIA 10:36 ပူးပေါင်းရင်းမြစ်များ

2 MALAGHO GHA NGELO 31:5

Momu ugho ghuendaereshwa woruwu, wandu wa Israeli wikafunya mavalo ghawo gha imbiri gha viro kwa wungi: divei, mavuda, wuki, na mavalo ghose gha mbuwenyi; wikareda ifungu ja ikumi ja kula kilambo kwa wungi.

NEHEMIA 12:44

Ngelo iyo, wandu werewikiloghe wikaie wazighaniri wa stoo; andu mafunyo kwa wundu ghwa Hekalu gherewikwagha, chiaimweri na ifungu ja ikumi, na mavalo gha imbiri gha viro na matunda ghiwurue gha kula mwaka. Wandu awo niwo werewikiloghe wewada vilambo kufuma mbuwenyi riko kaavui na mizi kwa wundu ghwa wakohani na Walawi sa iji sharia ighoragha. Wandu wose wa Juda wereboiloghe ni wakohani na Walawi,

NEHEMIA 13:5

Ukamrumiria Tobia utumie chumba kibaa, cheretumilwagha kwa kuwika mafunyo gha viro, marumba, na vombo va Hekalu, mafunyo gha wakohani, na ifungu ja ikumi ja viro, divei na mavuda, agho gherenekwagha Walawi, na wabori, na walindiri wa Hekalu.

KUFUMA 13:2

“Kuniwikie kula mvalwa wa imbiri. Mvalwa wa imbiri uo ose andenyi ja Israeli; ukaiagha ni mdamu angu nyamandu, uchawuya wapo.”

KUFUMA 23:19

“Kula mwaka, kurede nyumbenyi kwa BWANA Mlungu wako, mavalo gha imbiri gha makuwido ghako. “Kusedoghose ndaghina ya mburi andenyi ya mariwa gha mae.

KUFUMA 34:19

“Mwana wa womi wa imbiri, na nyamandu efughwa ya womi ya imbiri, richakaia rapo;

MALAKI 3:10

Redenyi ifungu ja ikumi jose Hekalunyi, vindo vipate kuchua aho. Nitimenyi kwa chia iyo, mmbone ngera simrughuyagha madirisha gha mlungunyi, na kumdiria marasimio gha vindo vingi.

MITALO 3:13

angu ituku nerebwaghieghe wavalwa wa imbiri wose andenyi ya isanga ja Misri, nedekusaghuya wavalwa wa imbiri wose andenyi ya Israeli, ikaiagha wandu angu nyamandu; Ini ne BWANA.”

WAGALATIA 6:6

Uo mundu ufundishwagha Ilagho ja Mlungu, ndewaghane vilambo vose viboie na uo umfundishagha.

WUKUMBUSO 12:6

na aho mchareda vizongona venyu vekora, na vizongona venyu vizima, na ifungu jenyu ja ikumi, na malipo ghefungua ighemi, na mafunyo gha kukunda kwa ngolo; wavalwa wa imbiri wa mfugho renyu na wa wana wa ng'ondi.