NEHEMIA 10:34 - Biblia Ilagho Jiboie Kwa Wandu Wose

³⁴ Isi wandu, na wakohani, na Walawi dichakaba kura kula mwaka ewonyera ni kichuku chiao chichaafunya mbande kwa wundu ghwa vizongona vekorwa vifunywagha kwa BWANA Mlungu odu, sa iji sharia ikundagha.

NEHEMIA 10:34 ပူးပေါင်းရင်းမြစ်များ

1 MALAGHO GHA NGELO 24:5

Werepangieghe wose kwa kura; angu korekoghe wabaa wa Andu kwa Wueli na wabaa wa kazi zima ra Mlungu aghadi ya wana wa Eliezeri, na wana wa Ithamari.

1 MALAGHO GHA NGELO 24:7

Kura ya imbiri, eremghueghe Jehoiaribu; ya kawi, ikamghuya Jedaia;

2 MALAGHO GHA NGELO 2:3

Solomoni ukaduma malagho kwa Huramu mzuri wa Tiro kughamba, “Sa iji koni korebonyereghe kwa aba Daudi, kukamdumia misida eagha nyumba yake, kunibonyere wokoni.

EZRA 3:5

Konyuma wikakaia wikifunya vizongona vekora vose va kari kose, mafunyo gha ituku ibaa ja Mori Lukombe, na ndima ra matuku seji riwikilo, na mafunyo gha kula mundu umfunyiragha BWANA kwa ngolo.

NEHEMIA 11:1

Vilongozi va wandu werekoghe wikikaia Jerusalemu, na wandu wazima wose wikakaba kura wipate kinyumba chimweri aghadi ya vinyumba ikumi vikaie Jerusalemu ugho muzi ghwa wueli, na vinyumba ikenda kwa ikumi wikaieghe andenyi ya mizi mizima.

NEHEMIA 13:31

Ngaboisa mipango ereda mafunyo gha mbande kwa ngelo yaro na mafunyo gha matunda gha imbiri. Kunikumbuke na kunibonyera mecha ee Mlungu wapo.

MAKATANISHO 18:18

Kura niyo imeriagha nganyi; yadadumbua malagho gha wandu wawi wisimanagha kwa ndighi.

ISAYA 40:16

Midi yose ya Lebanoni ndeikatagha kwa mbande, hata nyamandu raro nderikatagha kwa kufunya kizongona chekora.

WALAWI 24:5

“Kuwade kilo ikumi na iwi ra mufu ghudendere nao kubonye mikate ikumi na iwi.

WALAWI 24:6

Kuipange zaria iwi, kula luzaria mikate irandadu aighu ya meza ya dhahabu ielie imbiri ya BWANA.

MITALO 28:2

uwifundishe wandu wa Israeli kukaia mafunyo wimfunyiragha Mlungu kwa ngelo raro vikaie viboie vinukie nicha.

MABONYO GHA WADUMI 1:26

Wikakaba kura, nayo ikamghuya Mathia, nao ukatalwa andwamweri na waja wadumi ikumi na umweri.

JOSHUA 9:27

Ela ituku jija, Joshua ukawibonya wazumba weshoa mbande na kudaya machi kwa wundu ghwa izungu ja wandu na madhabahu ya BWANA; nawo wadabonya huwo hata idime andenyi ya kula andu kuwikilo kotasa.