NEHEMIA 10:32 - Biblia Ilagho Jiboie Kwa Wandu Wose

³² Dichafunya gramu isanu ra feza kula mundu kwa mwaka kulipia gharama ra Hekalu ya Mlungu odu.

NEHEMIA 10:32 ပူးပေါင်းရင်းမြစ်များ

KUZOYA 28:22

Na igho iji najidunga sa nguro, jichakaia nyumba emtasira Mlungu, nani nichafunya ifungu ja ikumi ja ivo vose uchaanineka.”

1 MALAGHO GHA NGELO 26:27

Werefunyireghe vilambo wereviwadieghe wudenyi na kuviwika wakfu vidumike kwa Hekalu ya BWANA.

NEHEMIA 13:15

Matuku ghaja nerewonieghe wandu andenyi ya Juda wikikama zabibu ituku ja Sabato; wikareda kitungu cha viro na kuvidukishira weke punda, na divei, zabibu, tini na misigo ya kula mbari wikaireda Jerusalemu ituku ja Sabato ngawikania wandu wiseuzeghe vindo ituku ijo.

NEHEMIA 13:18

Niko koni weke ndeyo werebonyereghe huwo, na Mlungu odu ukadiredia mawiwi ghose aighu yedu na ughu muzi. Nenyo mwaduagha mkiwiredia Waisraeli agho machu gha Mlungu ghibirie kwa kuilusha Sabato.”

NEHEMIA 13:21

Ela ngawionya ngiwizera, “Kwaki mlalagha kaavui na wurigha? Mkabonya huwo sena nimmbwada.” Kufuma ngelo rija ndewichecha sena ituku ja Sabato.

NEHEMIA 5:10

Nawirumirie wandu wikope pesa na viro kufuma kwapo. Wangara wapo na wadumiki wapo wadabonya woruwo. Sighenyi uku kuvara fwaida.

NEHEMIA 9:14

Kukawifundisha kuitala Sabato yako kukaia ya wueli, kukawineka sharia rako kwa mkonu ghwa Musa mdumiki wako.

KUFUMA 23:11

ela mwaka ghwa mfungade kuisighe ilale. Kusekuwide kindo chingi chabuka aho; eri wakiwa wa wandu widime kuja icho chizoghuagha, na nyamandu ra isakenyi rije masighariko gharo. Kubonye woruwo kwa mbuwa yako ya mzabibu na mbuwa yako ya mzeituni.

MAKATANISHO 3:9

Kum'bonyere BWANA ishima kwa kumfunyira mali rako, na kwa kumneka mavalo ghako ghose gha imbiri gha mbuwenyi kwako.

2 WAKORINTHO 8:12

Ikakaia ngolo efunya eko, icheni mundu uko nacho, nicho cheni chirumirilwagha ni Mlungu; hata si icho usewadie anduangi.