NEHEMIA 1:9 - Biblia Ilagho Jiboie Kwa Wandu Wose

⁹ ela mkaniwuria na kughiwadia malaghiro ghapo, na kughibonya hata ngera mwasaghisiro hata kutua kwa ndoenyi, nichamkwanya na kumreda andu nikusaghue nitasoghe.’

NEHEMIA 1:9 ပူးပေါင်းရင်းမြစ်များ

1 WAZURI 8:48

Wikahea kwa akili rawo rose, na kwa ngolo rawo ahoeni isangenyi kwa wamaiza wawo werewidwaeghe wunyika, wikilomba kwa kulangaya isanga korewinekieghe weke wawae, na muzi ugho koreghusaghueghe, na Hekalu niiaghie ekutasira;

1 WAZURI 9:3

BWANA ukamzera, “Nameria kusikira malombi ghako na kuvoya kwako. Namerie kuiwika wakfu ihi Hekalu kuiaghie ikaie andu konitasira matuku ghose. Nichakaia ngiizighana, na kuilindia tulituli.

1 MALAGHO GHA NGELO 16:35

Nenyo wori ghorenyi: “Kudikire ee Mlungu Mkiri odu; kuditumbanye na kudivuvua kufuma kwa iro mbari; dipate kukufunyira chawucha na kujikasa irina jako ja wueli.”

EZRA 6:12

Mlungu uo oreisaghueghe Jerusalemu kukaie andu komtasira, ndemsime mzuri uo ose, angu wandu wichaakunda kughalusa momu ughu angu kukunda kuinona iyo Hekalu iko Jerusalemu. Ini Dario nabonya ilaghiro, nani nakunde jisikiro kwa kufunga ndighi kose.”

ZABURI 106:47

Dikire ee BWANA Mlungu odu, kudiwunje kufuma kwa mbari zima, dipate kukufunyira chawucha na kujikasa irina jako ja wueli.

ZABURI 107:3

na kummbunja kufuma masanga gha kighenyi, kufuma mashariki, na magharibi; kufuma kaskazinyi na kusinyi.

ZABURI 147:2

BWANA waiagha sena Jerusalemu; wawiwunja wandu wa Israeli werebarishiroghe.

ISAYA 11:12

BWANA uchawusira bendera ikaie alama kwa iro mbari ra wandu, ewonyera kukaia uchatumbanya wandu wa Israeli na wandu wa Juda wisaghisikie, wifume iro mbembe inya ra ndoenyi.

ISAYA 27:12

Ngelo iyo, BWANA uchachana na kuela wandu wake sa ngano, kufuma Moda ghwa Eufrate hata kamoda ka Misri; nenyo mchakwanywa umweri umweri, ee wandu wa Israeli.

ISAYA 56:8

Bwana MLUNGU waghora huwu, uo uwitumbanyagha awo wandu wileghelo wa Israeli, “Nichareda kwako wandu wamu sena, kuchuria waja wimerie kutumbanywa.”

JEREMIA 12:15

Nani ngameria kuwifunya, awo wawiwi, wughoma nichawifuya sena, na kummbunja kula umu wawo andenyi ya ifwa jake na isanga jake.

JEREMIA 3:14

“Wuyenyi ee wandu mseko na wuloli, angu ini ne Bwana onyu, nichammbwada umweri kufuma mzinyi, na wawi kufuma kinyumba chimweri, nani nichamreda Jerusalemu.

JEREMIA 31:10

BWANA waghamba, “Sikirenyi ilagho japo inyo mbari ra wandu, mghorie masanga gha pwani ghiko kula mghambe, ‘U orewisaghisireghe wandu wa Israeli, nao uchawitumbanya sena, seji mlisha ulindiagha chagha chake.’

JEREMIA 32:37

Olenyi nichawitumbanya awo wandu kufuma kwa agho masanga nerewiwingieghe kwa wundu ghwa machu ghapo na kubia kwapo, na makai mabaa; nipate kuwiwunja andu aha, nani nichawibonya wikaie nicha.

JEREMIA 6:22

BWANA waghamba huwu, “Olenyi wandu wichacha kufuma isanga ja kaskazinyi, mbari mbaa yanyavurika kufuma isanga ja kula nandighi ja ndoenyi kubonya wuda.

EZEKIELI 14:6

“Kwa huwo, kuwizere wandu wa Israeli kukaia uo Bwana MLUNGU waghamba huwu, Heenyi mghaluke, mfume kwa milimu yenyu, na kuinjikia ugho wuchafu ghonyu ghose.

EZEKIELI 36:24

Nichamfunya mfume kwa iro mbari ra wandu, nani nichamtumbanya kufuma masangenyi, na kumreda kwa isanga jenyu jeni.

WALAWI 26:3

“Mkanugha sharia rapo, na kusikira malaghiro ghapo,

ZEKARIA 8:7

Nichawivuvua wandu wapo kufuma kwa agho masanga weredwaloghe,

MATHAYO 24:31

nao uchawiduma weke malaika wake na lwaka lubaa lwa tarumbeta, kuwikwanya wasaghulwa wake kufuma mbembe inya ra wurumwengu, kufuma kutua uku hata kutua kuja kwa mlungunyi.

WUKUMBUSO 12:21

Ikakaia andu kusaghulo ni BWANA Mlungu wako kukaie komtasira kooka kula na oho, kwadima kubwagha imu ya mfugho rako angu ng'ondi rako iro BWANA Mlungu wako ukunekie, sa iji koni nikulaghirie; kwadima kuja seji kukunde mizinyi kwako.

WUKUMBUSO 12:5

Ela mchalola wulalo andu BWANA Mlungu onyu uchaakusaghua kufumanya na vichuku venyu vose, upate kukubonya kukaia andu komtasira;

WUKUMBUSO 30:1

“Idana nakuwikia wusaghui aghadi ya irasimio na njowe. Maza iri rose rikakupata ingelo kuko aghadi ya mbari rose iro BWANA Mlungu ukusasarie kwendekaia, kuchakumbuka wusaghui nikunekie.