NEHEMIA 1:7 - Biblia Ilagho Jiboie Kwa Wandu Wose

⁷ Dabonyere kiwiwi nandighi aighu yako kwa kuleghabonya agho kudilaghirie. Ndedimazirie sharia rako iro koredinekieghe kwa chia ya Musa mdumiki wako.

NEHEMIA 1:7 ပူးပေါင်းရင်းမြစ်များ

1 WAZURI 2:3

kubonye agho BWANA Mlungu wako ukulaghiragha. Kuwadie memu yake yose, na sharia rake, sa iji koni rereandikiloghe andenyi ya Sharia ra Musa, eri kupate kuwona mecha kwa maza rose kuribonyagha andu kose kuchaaghenda.

2 MALAGHO GHA NGELO 25:4

Ela nderewibwaghieghe wana wawo kunughana na seji iandikilo sharienyi andenyi ya chuo cha Musa andu BWANA ulaghirie, “Makosa gha wana ndeghiwishekeriagha weke ndee wibwagho; hata makosa gha wavi ndeghiwishekeriagha wana wawo wibwagho anduangi; kwa huwo kula mundu uchabwaghwa kwa wundu ghwa kaung'a yake moni.”

2 MALAGHO GHA NGELO 27:2

Jothamu ukabonya mecha imbiri ya BWANA seji koni ndee orebonyereghe; ela nderengirieghe andenyi ya Hekalu kufukira marumba. Elaima wandu wikadua wikibonya mawiwi.

EZRA 7:6

Uo Ezra, orejokieghe Jerusalemu kufuma Babuloni. Orekoghe mwalimu wa Sharia ukufudishire sharia ya Musa loli-loli, iyo BWANA Mlungu oreifunyireghe; mzuri ukamneka vose orelombieghe angu orekoghe na irasimio ja BWANA Mlungu wake.

ZABURI 106:6

Dabonyere kaung'a sa weke wawa; dakosere, dikabonya mawiwi.

ZABURI 89:31

wikanona malaghiro ghapo, na kuilegha memu yapo,

ZABURI 89:32

nichawikaba kwa wundu ghwa kaung'a yawo, na kuwibonya wipate wasi kwa wundu ghwa mawiwi ghawo.

ISAYA 1:4

To! E mbari ya kaung'a, wandu wilemerwagha ni wuwiwi; mavalo gha wabonyi kiwiwi wana wibonyagha laghe-laghe. Wamsighie BWANA, wammenyere Mlungu, Mweli wa Israeli, watane nao na kuwuya nyuma putu.

DANIELI 9:11

Wandu wose wa Israeli wamerie kuchikanya sharia rako, wikaghaluka na kulegha kukusikira. Kwa huwo njowe na maghemi ghose ghiandikilo andenyi ya Sharia ya Musa mdumiki wako, ghamerie kudichea; kwa kukaia dakubonyere kaung'a.

DANIELI 9:13

Bugha rose riandikilo andenyi ya Sharia ya Musa, ramerie kudichea; sena hoku ndedicheekuvoya BWANA Mlungu odu kudineke kughaluka na kusigha mawiwi ghedu, dipate kuisikira loli yako.

HOSEA 9:9

Waawuyabonya mawiwi icho kisha, sa iji koni werekoghe Gibea. Mlungu uchakumbuka mawiwi ghawo, na kuwikaba.

WALAWI 27:34

Ihi niyo memu BWANA oremnekieghe Musa kwa wundu ghwa wandu wa Israeli, aighu ya Mghondi ghwa Sinai.

ZEFANIA 3:7

Neregheshereghe wandu wapo wichanitala, winughe mawonyero na mafundisho ghapo kuseko kuliwa. Ela shwa wori wikaazama kuchumba imbiri.

MALAKI 4:4

“Kumbukenyi mafundisho gha mdumiki wapo Musa; sharia na memu neremnekieghe aja Mghondi ghwa Sinai kwa wundu ghwa wandu wose wa Israeli wipate kusikira.

WUKUMBUSO 4:1

Musa ukawizera wandu wa Israeli, “Msikire sharia rose nimfundishagha; mpate kukaia moyo, mngie na kujiwada ijo isanga BWANA Mlungu wa weke ndeyo umnekagha.

WUKUMBUSO 4:5

“Namfundishire sharia yose na malaghiro, sa iji koni BWANA Mlungu wapo unizerie; mpate kughibonya andenyi ya isanga mungiagha kujiwusa.

WUKUMBUSO 5:1

Nao Musa ukawiwanga wandu wose wa Israeli ukawizera “Sikira ee Israeli iro sharia na mafundisho nimghoriagha idime, mkufundishe sena mlindie kurikatisha.

WUKUMBUSO 6:1

“Idana ughu nigho momu na sharia na malaghiro, agho BWANA Mlungu onyu orenilaghirieghe nimfundishe, eri mpate kughikatisha andenyi ya isanga ijo mghendagha kujiwusa.

WUFUNUO 19:2

angu kutanya kwake ni kwa loli na hachi; nao wamerie kujitanya ijo ilaya ibaa jerenonieghe ndoenyi kwa wulaki ghwake, ukalipa ngenga kwa wundu ghwa iyo bagha ya wadumiki wake.”